Маркази Сомон Эйр дар Душанбе, акс аз бойгонӣ

Хисороти молии "Сомон Эйр" дар мавсими муҳоҷират

148
(Таҷдидшуда 17:12 03.04.2017)
Таҳлилгарон мегӯянд, ширкати мусофирбарии “Сомон Эйр” пас аз лағв шудани парвозҳояш ба Русия дар ин фасл бо хисороти молии ҷиддӣ дучор хоҳад шуд.

ДУШАНБЕ, 3 апр — Sputnik. "Сомон Эйр" имрӯз аз мусофирон ва муштариёнаш бо далели лағв шудани парвозҳо ба Русия узрхоҳӣ намуд.

Чуноне ки пештар хабар дода шуд, Вазорати таробарии Русия аз соати 05:30 ба вақти Маскав 3 апрле бархе аз парвозҳои ин ширкатро лағв кард.

Ширкати ҳавопаймоии тоҷикӣ омода аст пули билетҳои фурӯхташударо ба шаҳрвандон бар гардонад.

"Таҳлилгарон мегӯянд, ба далели ин ки ҳоло сафари муҳоҷирон ба Русия авҷ гирифтааст, ширкат метавонад ба зарари ҷиддии молӣ рӯ ба рӯ шавад".

Парвозҳои Хуҷанд — Маскав ва Душанбе — Маскав пурмусофиртарин парвозҳои ин ширкати ҳавоӣ ҳастанд.

Чуноне ки коршиносони рус ва тоҷик изҳор доштанд, ин баҳси ҳавоии Тоҷикистону Русия ҷанбаи сиёсӣ надорад.

Ба гуфтаи Дмитрий Попов — коршиноси умури Осиёи Марказӣ, аз ин баҳсҳо чунин бармеояд, ки далели сар задани он манофеъи иқтисодӣ аст.

Пештар хабар дода шуда буд, ки Вазорати таробарии Тоҷикистон ба парвозҳои ширкати ҳавоии "Ямал" аз фурудгоҳи Жуковский иҷозат додааст.

148
Барчаспҳо:
хисороти молӣ, "Сомон Эйр", Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

463
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

463
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

2698
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

2698
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон