Туристы в Фанских горах Таджикистана. Архивное фото

Маҷлиси Тоҷикистон ширкатҳои гардишгариро аз пардохти молиёт озод кард

33
Ҳадаф аз ин чораҳо густариши гардишгарӣ, фароҳамсозии зерсохтори гардишгарӣ, беҳбуди кайфияти хидматрасонӣ, ҷалби сармоягузорӣ ва бунёдгузории манотиқи гардишгарӣ гуфта шудааст

ДУШАНБЕ, 22 апр — Sputnik. Маҷлиси намояндагони Тоҷикистон бо ислоҳи қонунгузории молиётӣ ва гумрукӣ, ширкатҳои гардишгариро аз пардохти молиёт дар панҷ соли аввали фаъолияташон озод кард.

То кунун дар Тоҷикистон 89 ширкати гардишгарӣ расман номнавис шуда, ки аз он шумор 24 ширкат аз пардохти молиёт озод шудаанд.

Ба гузориши хабаргузории ТоҷикТА, маҷлис дар ҷаласае, ки 21 апрел баргузор шуд, ҳамчунин таҷҳизоту масолеҳи сохтмониеро, ки барои созаҳои гардишгарӣ аз хориҷа ворид мешаванд, аз пардохти молиёт ва боҷи гумрукӣ озод кард.

Феҳристи ширкатҳои озодшуда, созаҳо, феҳристу теъдоди таҷҳизоти воридотӣ ва масолеҳи сохтмониро давлат дертар таҳия ва тасвиб хоҳад кард.

Муъовини вазири молияи Тоҷикистон Ҷамшед Нурмуҳаммадиён, дар нишасти Маҷлис гуфт, ки ҳадаф аз ин ислоҳот рушди гардишгарӣ, фароҳамсозии зерсохтори гардишгарӣ, беҳбуди кайфияти хидматрасонӣ, ҷалби сармоягузорӣ ва бунёдгузории манотиқи гардишгарӣ аст.

Интизор меравад, ки агар арзиши тамомшудаи меҳмонхонаҳо, бунгоҳҳои лағжасавориву осоишгоҳҳо арзон шавад, санъати гардишгарӣ пӯётар густариш хоҳад ёфт.

Коршиноси умури гардишгарӣ Баҳриддин Исомуддинов дар суҳбат бо Sputnik Тоҷикистон гуфт: Ҳамакнун "мушкили аслии ин санъат дар Тоҷикистон осон набудани рафту баргашт ва шинохташуда набуданаш ҳамчун як мақсади гардишагарӣ аст. Вале меҳмонхонаву меҳмонсароҳои хубе дорем.

Раисҷумҳури Тоҷикистон Эмомалӣ Раҳмон дар паёми солонааш пешниҳод кард ки як ниҳоди ҷудогона дар  заминаи гардишгарӣ дар соли 2017 бунёд гардад. Вай таъкид карда буд, ки "бахши гардишгарӣ метавонад яке аз локомотивҳои рушди иқтисодии Тоҷикистон" бошад.  

33
Барчаспҳо:
ҷаҳонгардӣ, гардишгарӣ, Баҳриддин Исомудинов, Ҷамшед Нурмуҳаммадиён, Тоҷикистон
Мавзуъ
Кишварҳои ИДМ нақшаҳои соҳаи туризмро дар Бишкек муҳокима мекунанд

Бонки миллӣ арзиши рубл, доллар ва евроро барои имрӯз эълон кард

46
(Таҷдидшуда 10:32 27.11.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 27 ноябр эълон кардааст

ДУШАНБЕ, 27 ноя — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1487  сомонӣ нишон дода шудааст.

Уфти рекордии рублу ҷаҳиши доллар: Бонки миллӣ арзиши асъори хориҷиро эълон кард

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 11.3000 то 11.3300  сомонӣ арзёбӣ кардааст. 

Бонки миллӣ қурби миёнаи фурӯши 1 евроро 13.4425 то 13.6000  сомонӣ арзёбӣ кардааст.

Ин бонк хариду фурӯши 1 рублро имрӯз аз 0.1487 то 0.1510  сомонӣ муқаррар шудааст.

Ҳамин тавр, Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 11.3000 сомонӣ, 1 евро – 13.4425сомонӣ, 1 рубли русӣ — 0.1487 сомонӣ.

Пешгӯии коршиносон: қурби доллар ва рубл дар ноябр чанд хоҳад буд?

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

46
Барчаспҳо:
доллар, сомонӣ, рубл, қурби асъор, Тоҷикистон
Сейсмография, архивное фото

Ду заминҷунбӣ дар як рӯз: маркази зилзила марзи Афғонистону Тоҷикистон

66
(Таҷдидшуда 10:39 27.11.2020)
Дар марзи Тоҷикистону Афғонистон дар як рӯз ду маротиба бо фосилаи чанд соат замин ҷунбид

ДУШАНБЕ, 27 ноя — Sputnik. Зилзилашиносони байналмилалӣ якбора ду заминҷунбиро дар қаламрави Тоҷикистон ба қайд гирифтаанд, иттилоъ додааст, Хадамоти геофизикии воҳиди Академияи улуми Русия.

Аввалин заминҷунбӣ санаи 26 ноябр соати 13:01 дақиқа сурат гирифт, ки қувваи зилзила дар маркази он 4,5 баллро ташкил медод, аммо дуввумин заминларза соати 20:27 дақиқа ба вақти маҳали сурат гирифт, ки қувваи он ба 4,6 балл расид.

Макони ҳар ду заминҷунбӣ наздикии марзи Тоҷикистону Афғонистон будаааст.

Бояд қайд кард, ки Кумитаи ҳолатҳои фавқулодаи Тоҷикистон то ҳол дар бораи ин ду заминларза, ки дар қаламрави ҷумҳурӣ сурат гирифтааст, ҳеҷ шарҳе надодааст.

Ҳамчунин, дар ҳоли ҳозир, дар бораи нафарони осебдида ва харобиҳо низ  маълумоте вуҷуд надорад.

Бояд қайд кард, ки бори ахир заминҷунбӣ дар Тоҷикистон санаи 19 ноябри соли равон ба қайд гирифта шуда буд. Он замон қувваи зилзиларо ҳатто дар қаламрави Гулистон ва Ҷизахи Ӯзбекистон эҳсос карданд.

66
Барчаспҳо:
марз, зилзила, заминларза, Афғонистон, Тоҷикистон