Мулоқот

Мулоқоти раиси ВМКБ бо шоҳдухт Заҳро Оқохон

1303
(Таҷдидшуда 12:44 27.04.2017)
Раиси вилояти мухтори Кӯҳистони Бадахшон Шодихон Ҷамшед ва шоҳдухт Заҳро Оқохон дурнамои ҳамкориҳои ҳукумати ВМКБ ва Шабакаи тавсеъаи Оқохон дар заминаҳои омӯзишӣ, рифоҳи иҷтимоъӣ, беҳдошту дармон, барномарезӣ ва сохтусозро баррасӣ карданд

ДУШАНБЕ, 27 апр — Sputnik. Дар ин бора сухангӯи раиси ВМКБ Нилуфар Асламшоева хабар дод.

Дар ин дидор масоъили тақвияти ҳамкориҳои минбаъдаи дуҷониба дар доираи сиёсати дарҳои кушоди Ҷумҳурии Тоҷикистон, амалисозии барномаҳои Шабакаи тавсеъаи Оқохон дар вилоят ва дар ин замина саҳмгузорӣ дар амалисозии яке аз ҳадафҳои сиёсати иҷтимоии кишвар — таъмини зиндагии шоиста барои ҳар шаҳрванд мавриди баррасӣ қарор дода шуданд.

"Таъкид шуд, ки дар идомаи ҳамкориҳои дуҷониба, Шабакаи тавсеъаи Оқохон дар рушду густариши омӯзишу парвариш, тандурустӣ, рифоҳи иҷтимоъӣ ва пешгирӣ аз офатҳои табиии эҳтимолӣ, аз ҷумла, обхезӣ саҳмгузорӣ хоҳад намуд".

Ёдовар мешавем, ки ду рӯзи пеш шоҳдухт Заҳро Оқохон дар чорчӯби сафари худ ба Бадахшон аз ноҳияҳои Ишкошим, Роштқалъа ва Рӯшон боздид карда, аз тарҳҳои Шабакаи тавсеъаи Оқохон дар масоили фақрзудоӣ, тавсеъаи иқтисодӣ, рушди омӯзишу парвариш ва беҳдошту дармон дидан кард.

Равобити умуми Созмони тавсеъаи Оқохон хабар медиҳад, ки шоҳдухт Заҳро Оқохон 24 апрел дар Бомиёни Афғонистон дар маросими ифтитоҳи бемористон ширкат кард.

1303
Мавзуҳо:
Боздиди шоҳдухт Заҳро Оқохон аз Тоҷикистон (5)

Ҷашнҳои рӯзи 26 октябр дар Тоҷикистон ва ҷаҳон

6
(Таҷдидшуда 22:20 25.10.2020)
Рӯзи 26 октябр рӯзи пайдоиши футбол (1863) буда, рӯзи миллии Озарбойҷон мебошад. Дар ин рӯз ҳунармандони халқии Тоҷикистон Давлатманд Холов ва Мастона Эргашева ба дунё омадаанд

Рӯзи 26 октябр дар ҷаҳон чӣ рух дод

Соли 1861 олими немис Филипп Рейс дар Франкфурт ихтирои худро ба намоиш гузошт ва минбаъд онро телефон номид.

 

Телефон в центре управления остановленного третьего реактора на Чернобыльской атомной электростанции
© REUTERS / Gleb Garanich
Телефон в центре управления остановленного третьего реактора на Чернобыльской атомной электростанции

 

Соли 1863 дар шаҳри Лондон Ассотсиатсияи футболи Англия таъсис дода шуд.Соли 1900 дар Ню-Йорк аввалин хатти метрополитен кушода шуд.

 

Стадион Уэмбли в Лондоне
© Sputnik / Антон Денисов
Стадион "Уэмбли" в Лондоне

 

Соли 1932 Иосиф Сталин нависандагонро "муҳандисони қалби инсонҳо" унвон кард.Соли 1956 Агентии байналхалқӣ оид ба энергияи атомӣ таъсис ёфт.

 

Иосиф Виссарионович Сталин (Джугашвили), Генеральный секретарь ЦК ВКП (б)
© Sputnik / РИА Новости
Иосиф Виссарионович Сталин (Джугашвили), Генеральный секретарь ЦК ВКП (б)

 

Соли 1978 Созмони ҷаҳонии тандурустӣ эълон дошт, ки барангезандаи бемории нағзак (оспа) дар табиат маҳв карда шуд.

Соли 1990 Шон Шеннони канадагӣ барои дар 26 сония хондани монологи Гамлет «Будан ё набудан» рекорди ҷаҳонӣ гузошт.

© Sputnik / Стас Этвеш / Вишнякова Мария

Соли 2015 дар натиҷаи заминҷунбии 7,5-балла дар Афғонистон ва Покистон беш аз садҳо нафар ҷони худро аз даст доданд.

Рӯзи 26 октябр дар Тоҷикистон чӣ рух дод

Соли 2009 Президенти Ҷумҳурии Тоҷикистон Эмомалӣ Раҳмон Фармондеҳи вақти Қувваҳои марказии Иёлоти Муттаҳидаи Америка  Дэвид Петреусро ба ҳузур пазируфт.

Соли 2011 Клуби футболи "Регар-ТадАЗ" — и шаҳри Турсунзада  барандаи Ҷоми футболи Тоҷикистон дар соли 2011 гардид.Соли 2011 Эмомалӣ Раҳмон бо муовини аввали раисҷумҳури вақти Ҷумҳурии Исломии Афғонистон маршал Муҳаммад Қасим Фаҳимхон масоили кунанӣ ва дурнамои рушди муносибатҳои дуҷонибаро баррасӣ намуд.

Ҷашнҳои рӯзи 23 октябр дар Тоҷикистон ва ҷаҳон

Соли 2016 дар Қасри миллат Раҳмон Мушовири Девони Амири Давлати Кувайт, Раиси Фонди байналмилалии хайрияи исломӣ, Намояндаи Дабири Кулли Созмони Милали Муттаҳид оид ба корҳои башардӯстӣ доктор Абдуллоҳ Маътуқ ал — Маътуқро ба ҳузур пазируфт.

Ҷашнҳои рӯзи 26 октябр

Рӯзи пайдоиши футбол (1863).
Рӯзи миллии Озарбойҷон.

Рӯзи 26 октябр дар Тоҷикистон кӣ ба дунё омадааст

Соли 1945 – доктори илмҳои иқтисодӣ профессор Ҳоҷимуҳаммад Умаров.

Соли 1945 – Ҳунарпешаи шоистаи театри лӯхтаки Тоҷикистон Зафар Ҷаводов

Соли 1950 – ҳунарманди халқии Тоҷикистон Давлатманд Холов.

Народный артист Таджикистана, исполнитель фалака Давлатманд Холов
Amir Isaev
Народный артист Таджикистана, исполнитель фалака Давлатманд Холов


Соли 1952 – Ҳунарманди халқии Мастона Эргашева.

Соли 1953 – композитор Борис Пиговат.

Соли 1978 – журналист Олга Тутубалина.

6
Барчаспҳо:
ҷаҳон, ҷашн, Тоҷикистон
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

620
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

620
Барчаспҳо:
тирпаронӣ, марз, Тоҷикистон