Чорабинии Налегал дар Душанбе

Аз Тоҷикистон муҳоҷирони ғайриқонунӣ берун карда шуданд

101
(Таҷдидшуда 11:21 16.06.2017)
Баргузории "Налегал- 2017" дар Тоҷикистон як қатор қонуншиканиҳоро аз ҷониби муҳоҷирон дар кишвар ошкор намуд

ДУШАНБЕ, 16 июн — Sputnik. Дар тамоми минтақаҳои Тоҷикистон чорабинии "Нелагал- 2017" баргузор гардид.

Тавре хадамоти матбуоти Вазорати умури дохила хабар медиҳад, мутобиқи қарори Шӯрои ҳамоҳангсозии мубориза бо муҳоҷирати ғайриқонунии Созмони аҳдномаи амнияти дастаҷамъӣ (СААД) ҳар сол дар ду марҳила:моҳҳои май-июн ва  дар нимсолаи дуюми  амалиётҳои махсуси мубориза ба муҳоҷирати ғайриқонунӣ,  аз ҷумла хариду фурӯши одамон (дар робита бо СААД) таҳти унвони шартии "Нелегал" баргузор мешавад.

Бо ин мақсад, аз ҷониби  Вазорати умури дохила, Кумитаи давлатии амнияти миллӣ ва Вазорати меҳнат, муҳоҷират ва шуғли аҳолии Ҷумҳурии Тоҷикистон  амалиёти муштараки "Нелегал-2017" аз санаи 22-юми май то 2-юми июни соли ҷорӣ дар шаҳри Душанбе, вилоятҳои Суғду Хатлон ва вилояти Мухтори Кӯҳистони Бадахшон, инчунин Гурӯҳи ноҳияҳои Рашт ва шаҳру ноҳияҳои ҷумҳурӣ  гузаронида шуд.

Тибқи иттилои манбаъ, дар чорабиниҳои муштараки баргузоргардида аз ҷониби гурӯҳҳои кории аз ҳисоби мақомотҳои дахлдор ошкорсозии роҳҳои муҳоҷирати ғайриқонунӣ ва ташкилкунандагони он, пурзӯр намудани назорат нисбати будубоши шаҳрвандони хориҷӣ дар ҳудуди ҷумҳурӣ, тартиби риояи будубоши шаҳрвандони хориҷӣ ва шахсони бешаҳрванд дар хонаҳои истиқоматӣ, меҳмонхонаҳо, хобгоҳҳо, нуқтаҳои савдо, ширкатҳо, тарабхонаҳо, нуқтаҳои таъмири мошинҳо ва объектҳои корӣ, фурудгоҳҳо ва истгоҳҳои роҳи оҳан мавриди санҷиш қарор гирифтанд.

Ҳамин тавр, зимни амалӣ гардидани амалиётҳои махсус дар умум 7150 нафар шаҳрвандони хориҷӣ ва шахсони бешаҳрвандӣ дар манзилҳои истиқоматӣ, 302 корхонаву ширкат, ки дар онҳо шаҳрвандони хориҷӣ фаъолияти меҳнатӣ менамоянд, аз қабили 55 ширкати сохтмонӣ, 40 ширкати истеҳсолӣ, инчунин 67 бозору марказҳои савдо мавриди санҷиш қарор дода шудааст.

Зимни натиҷагирӣ шудани санҷишҳои муштарак 120 ҳолати вайрон намудани қонунгузории муҳоҷират, аз он ҷумла: 102 ҳолати вайрон намудани тартиби будубош, бе қайди шиноснома дар мақомоти корҳои дохилӣ ва шиносномаҳои беэътибор дар Ҷумҳурии Тоҷикистон; 18 ҳолати вайрон намудани тартиби фаъолияти меҳнатӣ аз ҷониби шаҳрвандони хориҷӣ ва шахсони бешаҳрванд муайян карда шуд.

Нисбати вайронкунандагони қонунҳои амалкунандаи Ҷумҳурии Тоҷикистон мутобиқи Кодекси ҳуқуқвайронкунии маъмурии Ҷумҳурии Тоҷикистон барои вайрон намудани талаботҳои қонунҳои амалкунанда протоколҳои маъмурӣ тартиб дода ҷаримабандӣ шудаанд.

"Аз ин теъдод нисбати 20 нафар шаҳрвандони хориҷие, ки талаботҳои қонунҳои амалкунандаи давлати иқоматдоштаашонро дағалона вайрон намудаанд, тибқи қарори суд аз қаламрави ҷумҳурӣ берун карда шудаанд",- қайд мекунад манбаъ.

Дар баробари ин, корҳои басомонрасонидашуда аз ҷониби гурӯҳҳои корӣ 28 нафар шахсони дар кофтукови байналмилалӣ қарордошта дастгир ва 34 адад силоҳи оташфишони гуногунтамға ҳангоми бурдани корҳои фаҳмондадиҳӣ бо аҳолӣ, дарёфт ва мусодира карда шудааст.

Масъулини Хадамоти шиносномавию бақайдгирии Вазорати корҳои дохилӣ баҳри ба танзим даровардани раванди фаъолият ва будубоши шаҳрвандони хориҷӣ, ки ба ҷумҳурӣ бо корҳои шахсӣ, фаъолияти меҳнатӣ, тиҷоратӣ, истиқомати доимӣ ва ё барои донишомӯзӣ ворид шудаанд, таҳти назорат қарор дошта, барои риоя намудани қонунҳои амалкунандаи ҷумҳурӣ аз ҷониби онҳо ва ошкору пешгирии ҳар гуна қонуншиканиҳо вазифаи аввалиндараҷаи ҳайати шахсии ниҳод ба шумор меравад.

101
Барчаспҳо:
ихроҷ аз кишвар, қонуншиканӣ, муҳоҷират, муҳоҷирон, Тоҷикистон
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

62
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

62
Барчаспҳо:
ҶБВ, куҳансарбоз, собиқадорон, Норак, Тоҷикистон
Спикер верхней палаты парламента Таджикистана Рустам Эмомали в Москве

Рустами Эмомалӣ: Тоҷикистону Русия иқтидори иқтисодиро ба таври кофӣ истифода намекунанд

1447
(Таҷдидшуда 22:45 24.11.2020)
Раиси шаҳри Душанбе дар дидор бо раиси Шӯрои Федератсияи Русия Валентина Матвиенко таъкид кард, ки барои Тоҷикистон ҳамкориҳои гуногунҷанба бо Русия аҳамияти ҷиддӣ ва аввалиндараҷа дорад

ДУШАНБЕ, 24 ноя — Sputnik.  Рустам Эмомалӣ, раиси шаҳри Душанбе зимни сафари расмӣ ба шаҳри Маскав бо Валентина Матвиенко, раиси Шӯрои Федератсияи Русия дидору гуфтугӯ кард.

Зимни дидор Рустам Эмомалӣ таъкид дошт, ки ҳамкориҳои дустона ва шарикии Тоҷикистону Русия имрӯз дар тамоми самтҳо мунтазам рушд доранд.  

“Боварӣ дорам, ки натиҷаҳои гуфтушуниди имрӯза ба рушди ҳамкориҳои минбаъда дар тамоми соҳаҳо такони ҷиддӣ мебахшанд. Рушди ҳамкориҳои гуногунҷанба бо Русия ҷанбаи муҳими рушди сиёсати хориҷии Тоҷикистон аст”, - гуфт Рустами Эмомалӣ.  

Вай инчунин дар бораи ҳамкориҳои байнипарлумонии ду кишвар таъкид дошт дошт.

“Тамоси доимии байнипарлумонӣ миёни кишварҳо заминаи тамоми ҳамкориҳо миёни ду кишвар аст. Ҳамкориҳои байнипарлумонӣ имкон медиҳад бо як дигар бештар дидор кунем ва масоили муҳиму мубрамро  баррасӣ намоем ва ба масоили гуногун табодули назар намоем”, - қайд кард Раиси шаҳри Душанбе.

Рустам Эмомалӣ ҳамчунин ба ҳамкориҳои иқтисодӣ миёни ду кишвар низ ишора кард.

Вай гуфт, барои рушди ҳамкориҳои Тоҷикистону Русия имрӯзҳо механизмҳои зиёди ҳамкорӣ вуҷуд дорад.  

“Имрӯз Тоҷикистону Русия дар соҳаҳои гуногун ҳамкориҳои хубро ба роҳ монданд, аз ҷумла ду кишвар дар соҳаи сиёсӣ, тиҷорӣ, гуманетарӣ, низомӣ, низомӣ-техники ва ғайра ҳамкории зич доранд”, - қайд кард шаҳрдори Душанбе.

Вай махсусан зикр кард, ки гардиши савдои хориҷӣ миёни Тоҷикистону Русия дар нуҳ моҳи соли равон ба 723 миллион доллар расидааст.

Шаҳрдор илова кард, ки Русия сармоягузори муҳими Тоҷикистон аст.

Аммо Рустами Эмомалӣ аз истифода набурдани имкониятҳои иқтисодии ду кишвар изҳори нигаронӣ кард.

Вай гуфт имкониятҳои сармоягузории мустақими Русия ба иқтидори иқтисодии Тоҷикистон ҷававобгӯ нест ва имконятҳои иқтисодии ду кишвар ба андозаи кофӣ истифода намешавад.

Рустам Эмомалӣ афзуд, ки ҳоло Тоҷикистон бо беш аз 80 минтақаи Русия ҳамкории иқтисодӣ дорад.

Вай гуфт, афзоиши гардиши савдои хориҷии Тоҷикистон маҳз ба рушди ҳамкориҳо бо минтақаҳои Русия вобастагӣ дорад.

Ҳамзамон Рустам Эмомалӣ аз вазъи муҳоҷирати меҳнатӣ ва мушкили муҳоҷирони тоҷик дар Русия низ ёддошт шуд.

Ба гуфтаи раиси шаҳри Душанбе, шаҳрвандони Тоҷикистон аз бозори меҳнатӣ Русия ҳавасманд мебошанд.

“Хадамотҳои дахлдори ду кишвар бояд корҳоро барои ҳалли мушкилоти муҳоҷирон идома диҳанд. Мо хоҳони қоидаҳои муносиб барои муҳоҷирони меҳнатии Тоҷикистон ҳастем. Аз ҷумла дар масъалаи содашудани сабти иқомати шаҳрвандони Тоҷикистон”, - таъкид дошт Рустам Эмомалӣ, раиси шаҳри Душанбе. 

Ёдовар мешавем, дар ин сафар Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.

1447
Барчаспҳо:
Валентина Матвиенко, Матвиенко, дидор, Маскав, сафар, Душанбе, раиси шаҳр, Рустам Эмомалӣ, Тоҷикистон