Роҳгузар дар яке аз кӯчаҳои Маскав

Боронҳои селосо, раъду барқ, тундбод: ҳушдор аз КҲФ

98
(Таҷдидшуда 20:02 22.06.2017)
Эҳтимол меравад, ки аз 24-ум то 25-уми июн вазъи ҳаво дар кишвар тағйир ёфта, дар бархе аз минтақаҳо боронҳои шадиди селсо, раъду барқ ва тундбод рух диҳад

ДУШАНБЕ, 22 июн — Sputnik. Кумитаи ҳолатҳои фавқуллодаи Тоҷикистон иттилоъ медиҳад, ки дар рӯзҳои наздик дар кишвар ҳавои тағйирёбанда пешбинӣ мешавад.

Чуноне ки Ситоди ҳолатҳои фавқулодда дар вилояти Суғд ба  Sputnik Тоҷикистон иттилоъ дод, аз 24  то 25-уми июн бархе аз минтақаҳои кишварро падидаҳои печидаи ҳавошиносие чун боронҳои селосо, раъду барқ, вазиши тундбод бо суръати то 27 метр дар як сония интизор аст.

Ситод  аз шаҳрвандон ва меҳмонони кишвар дархост карда, ки дар ин рӯзҳо ҳушёр ва эҳтиёткор бошанд. Худравҳои худро дар ҷойҳои амн гузоранд ва пиёдагардон аз зери зери хаттҳои интиқоли барқ, симчӯбҳо, дарахтон, сутунҳои эълону реклом нагузаранд.

"Бавижа ҳангоми гузаштан аз роҳҳои кӯҳистон эҳтиёт бояд кард, чун хавфи омадани сел, заминлағжишу сангрезиш таҳдид мекунад", — таъкид мешавад дар гузориши манбаъ.

Ситоди ҳолатҳои фавқуллода дар вилояти Суғд мегӯяд, дар ҳоли зарурӣ шаҳрвандон метавонанд ба  телефони: (83422) 5-15-55 ва ё 93-880-28-57 дар тамос шаванд.

98
Барчаспҳо:
обу ҳаво, раъду барқ, ҳушдор, Тоҷикистон
Похороны человека умершего от заражения вирусом, архивное фото

Тасдиқи фавти дигар аз COVID-19 дар Тоҷикистон: омори нави расмӣ

453
(Таҷдидшуда 18:38 08.07.2020)
Вазорати беҳдошти Тоҷикистон омори нави сироятёбӣ, фавт ва шифоёбӣ аз коронавируси навъи COVID - 19 дар Тоҷикистонро нашр кард

ДУШАНБЕ, 8 июл — Sputnik. Бар пояи омори нав, шабонарӯзи гузашта дар Тоҷикистон 49 ҳолати нави сироятёбӣ ба COVID-19 ва 1 мавриди фавт бар асари он ба қайд гирифта шуд.

Бино ба иттилои Вазорати тандурустии Тоҷикистон, аз 30 апрел то 8 июл дар кишвар шумораи гирифторони COVID-19 ба 6364 нафар расида, аз ин беморӣ то кунун дар мамлакат 5011 (78,7%) нафар беморон шифо ёфтаанд. Ҳамзамон, дар муддати зикргардида дар мамлакат аз ин беморӣ 54 нафар фавтидаанд.

"Шабонарӯзи охир 220 нафар гумонбарон зери назорати табибон қарор дошта, 46 нафар баъд аз муолиҷа ба хонаҳояшон рухсат дода шуданд", — омадааст дар хабарнома.

Манбаъ таъкид карда, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

Ҳакимов: ҷорӣ кардани ҷарима барои напӯшидани ниқоби тиббӣ, мантиқан нодуруст аст

Гуфта мешавад, ки имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд.

Дар баробари ин дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

453
Барчаспҳо:
бемориҳои сироятӣ, омор, Тоҷикистон
Хорогская гидроэлектростанция, архивное фото

Дар шаҳри Хоруғ пули нави мошингузар сохта мешавад

98
(Таҷдидшуда 17:33 08.07.2020)
Ин сеюмин пули мошингузар дар шаҳри Хоруғ хооҳад буд, ки ду соҳили дарёи Ғундро дар ҳудуди шаҳр ба ҳам мепайвандад

ДУШАНБЕ, 8 июл — Sputnik. Дар остонаи таҷлили 29-умин солгарди Истиқлолияти давлатии Тоҷикистон дар Вилояти Мухтори Кӯҳистони Бадахшон 45 иншооти таъйиноти гуногун сохта ба истифода дода мешавад.

Аз ҷумла, дар маркази вилоят бинои театри вилоятӣ, як қисмати бинои муассисаи таҳсилоти миёнаи умумии рақами 8 ба номи Сайфулло Абдуллоев, коргоҳи дӯзандагӣ дар ҳудуди бозори «20-солагии Истиқлолияти давлатии Тоҷикистон», иншооти варзишӣ дар маҳаллаи Тирчид ва ғайраҳо мавриди истифода қарор мегиранд.

Тавре АМИТ "Ховар" бо такя ба мақомоти иҷроияи ҳокимияти давлатии ВМКБ хабар медиҳад, дар қаламрави вилоят бо мақсади сазовор пешвоз гирифтани Рӯзи Истиқлолияти давлатӣ корҳои омодагӣ босуръат идома дошта, дар баробари ба истифода додани иншооти сохтмонаш анҷомёфта,  санги асоси пули мошингард дар маҳаллаи Селхозтехникаи шаҳри Хоруғ, гузошта мешавад.

Гуфта мешавад, ки дарозии пул бо эстакада 200 метрро ташкил медиҳад.

Ин сеюмин пули мошингузар аст, ки ду соҳили дарёи Ғундро дар ҳудуди шаҳр ба ҳам мепайвандад ва интизор меравад, ки мушкилоти тамбашавии нақлиётро дар маркази шаҳри Хоруғ аз миён мебардорад.

98
Барчаспҳо:
ошноӣ бо иншооти ҷашнӣ, иншоот, ВМКБ
Давлат Худоназаров советский, таджикский кинодокументалист, политик и общественный деятель. Народный артист Таджикской ССР (1989)

Худоназаров филми офаридаи Далер Имомалиро арзёбӣ кард

0
(Таҷдидшуда 19:34 08.07.2020)
Сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров ширкати филми коргардон Давлат Имомалиро дар Ҷашнвораи синамои мусалмонон дар Қазон арзёбӣ кард

ДУШАНБЕ, 8 июл — Sputnik. Филми нави ҳуҷҷатии коргардони ҷавони тоҷик Далер Имомалӣ "Кӯчаи умед - 612" ба 16-умин Ҷашнвораи байналмилалии синамои мусалмонӣ дар Қазон, даъват шуд.

Чунин таваҷҷӯҳ ба филми Далер Имомалӣ хабари хушоянд аст, гуфт сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров.

Ӯ ёдоварӣ кард, ки соли гузашта коргардони тоҷик аллакай як филми худро дар ин ҷашнвора ба намоиш гузошта буд.

Ба фикри Далер Худоназаров филми Далери Имомалӣ бисёр унвони зебо ва ғайриоддӣ дорад - "Кӯчаи умед - 612". 

"Қаҳрамони филм Саъдулло Раҳимов - шахсияти илмӣ, намояндаи бузурги фарҳанги тоҷик. Ӯ фаъолияти касбияшро дар шӯъбаи философияи Академияи илмҳои Тоҷикистон оғоз карда буд. Баъдтар киношинос ва мунаққид шуд. Ҳамаи даҳсолаҳо ӯ дар мавқеъи худ устувор буд. Ба муносибати шахсӣ бо он ё ин коргардон нигоҳ намекарда, ӯ доим рост ва он чиро, ки эҳсос мекард, егуфт ", - гуфт Худоназаров дар суҳбат бо Sputnik Тоҷикистон.

Ӯ қайд кард, ки корҳои Раҳимов ба беҳтар шудани сифати синамои "Тоҷикфилм" таъсири мусбат кард.

Худоназаров ҳамчунин баргузории 16-умин ҷашнвораи Қазонро воқеъаи хушоянд арзёбӣ карда, гуфт аз як тараф ин ҷашнвора ҳамаи синамогарони мусалмонро якҷо ҷамъ меорад ва аз сӯи дигар барои ҳамагон кушода аст.

Дар баробари ин Худоназаров бар ин аст, ки ҷашнвора метавонад миқёси худр бо филмҳои минтақавии Русия васеътар кунад. Ба гуфти ӯ, филмҳо аз ҳар минтақа бозгукунандаи симои ҳар минтақа шуда барои ошноӣ бо онҳо заминаи хубе хоҳанд буд.

0
Барчаспҳо:
ҷашнвораи кино, Қазон