Сел дар Тҷикистон

Раиси Суғд аз ҷои ҳодиса дидан кард: ҳаҷми хисорот то ҳол номаълум

185
(Таҷдидшуда 11:46 01.07.2017)
Раиси вилояти Суғд шахсан аз мавзеи аз сел харобгашта дидан карда, ба зарардидигон маводи ғизоӣ ва кумаки молия расонд

ДУШАНБЕ, 1 июл — Sputnik. Бино ба иттилоъи равобити умумии Кумитаи ҳолатҳои фавқуллода раиси вилояти Суғд, Абдураҳмон Қодирӣ бо гурӯҳи корӣ аз ҳокимияти вилоят ба шаҳри Панҷиканд сафар карда, аз ҷойи воқеа дидан кардааст.

Маълум шудааст, ки офати табиӣ асосан ба манзилҳои истиқоматӣ, майдонҳои кишт, хати барқу оби нӯшокӣ ва роҳҳо зарар расонида, хушбахтона талафоти ҷонӣ дар пай надоштааст.   Манбаъ мегӯяд бо сабаби пур будани роҳҳо ва манзилҳои зарардида аз лойоба, ҳаҷми зарари расида муайян нашудааст.

  

Раиси вилоят дастур додааст, то хонаҳои пурра вайронгардида барқарор шаванд ва ба  онҳое, ки манзилҳояшон қисман осеб дидааст, масолеҳи сохтмонӣ кӯмак расонида шавад.

Ӯ ба мақомоти дахлдор барои пешгирии бемориҳои сироятӣ, тоза намудани хонаҳо, барқароркунии роҳҳои ҳаракати нақлиёт ва хати обу нерӯи барқ супориш додааст.

Ҳокимияти вилояти Суғд ба осебдидагони офати табиӣ ду ҳазор сомонӣ кумак кардааст.

Ҳамчунин  ҳукумати Тоҷикистон ва Барномаи ҷаҳонии СММ ба сокинони ҷамоати деҳоти Амондараи ноҳияи Панҷиканд маводи хӯрока дар ҳаҷми 6,4 тонна додаааст.

Ёдовар мешавем, ки рӯзи 26-уми июн дар пайи боридани борони сахт ва жола дар деҳаҳои Амондара ва Майкадаи ҷамоати Амондараи шаҳри Панҷиканд сел фурӯ рехт.    

185
Барчаспҳо:
хисорот, сел, Абудраҳмон Қодирӣ, Тоҷикистон
Мавзуъ
Сел дар Панҷиканд: шарҳи КҲФ
Сел дар Панҷиканд 25 хона ва роҳҳоро вайрон кард
Неделя моды в Душанбе. архивное фото

Фарзонаи Хуршед дар бораи бегонагӣ бо Фаридун ва "шери нар" - и наваш - видео

1757
(Таҷдидшуда 20:58 10.08.2020)
Сарояндаи машҳури тоҷик Фарзонаи Хуршед дар бораи бегонагӣ бо собиқ ҳамcараш овозхони шинохта Фаридуни Хуршед ва ишқи наваш гуфт

ДУШАНБЕ, 10 авг – Sputnik. Сарояндаи машҳури эстрадаи тоҷик Фарзонаи Хуршед дар барномаи шабакаи "Пешсаф" дар бораи зиндагии шахсияш нақл кард.

Ӯ гуфт бо ҳамсари пешинаш Фаридуни Хуршед чор сол шуд ягон иртиботе надорад ва аз тавлиди фарзанд дар хонаводаи Фаридун хушҳол аст.

"Вақте дар хонае тифл ба дунё меояд дар он хонавода 60 рӯз фариштаҳо фурӯд меояд. Закияҷони азиз ба табрики додараш рафт, ман хушҳол шудам. Хурсандии як банда барои ман хурсандӣ аст. Худованд шоҳид ҳаст, ки ман нисбати Фаридун ғайр аз он кӣ ӯ падари фарзандонам ҳаст, ягон эҳсосоти дигар надорам. Фақат ҳурматаш мекунам ба он хотире кӣ ӯ падари фарзандонам аст", - гуфт Фарзона ва афзуд, ки Закияро худ барои табрикоти падараш равон кард.

Фарзона ба мухлисонаш муроҷиат карда хоҳиш намуд, ки ба ӯ аз Фаридун суол накунанд, чун аллакай барои ӯ инсони бегона аст.

"Шавҳар наздиктарин шахс барои зан аст, вале вақте ҷудо шудӣ бегонатарин инсон барои ту мешавад", - таъкид мекунад Фарзона.

Фарзонаи Хуршед аз камтарин сарояндаҳоест, ки бо дигар ҳунармандон дӯстӣ надорад ва ба қавли аксари мардум бисёр ҳавобаланд аст.

Фарзона мегӯяд аз тарси халалдор кардани ин ё он нафар ӯ бо касе ошноӣ намекунад ва дӯстони наздиктаринаш модару аппаҳояш ҳастанд.

"Вақте касе бо ман аз наздик ошно мешавад, мегӯяд ту чӣ қадар духтари хуб будаӣ, вале ман фикр мекардам, ки ту бисёр ҳавобаланд ҳастӣ".

Фарзонаи Хуршед такаббури худро кори ген гуфт.

"Бобои падариям рус ҳаст ва бибии падарам бошад эронист. Шояд аз ин сабаб виқори баланд дорам, вале дилам соф аст", - мегӯяд Фарзона.

Сароянда дар хотимаи барнома ҳамчунин дар бораи ишқи наваш гуфт ва ҳатто акси марди ҳаёташро ба муҷрии барнома нишон дод.

"Марди воқеъӣ - шери нар интихобатро нигоҳ намекунад. Албатта дар зиндагии ман шери нар ҳаст",- гуфт Фарзона.

1757
Барчаспҳо:
бегона, шавҳар, ҳамсар, Фаридуни Хуршед, Фарзонаи Хуршед

Эълони омори тозаи сироят, фавт ва шифоёбӣ аз коронавирус дар Тоҷикистон

557
Вазорати тандурустии Тоҷикистон иттилоъ медиҳад, ки дар як шабонарӯзи охир 41 нафар аз бемории коронавирус шифо ёфта ба хонаҳояшон рухсат дода шуданд.

ДУШАНБЕ, 10 авг – Sputnik. Вазорати беҳдошти Тоҷикистон хабар медиҳад, ки дар 24 соати гузашта 90  нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд.

Тибқи иттилои манбаъ, дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ дар Тоҷикистон ба  7827  нафар баробар гардид.

"То санаи  10 август дар мамлакат  6614  (84,5%) нафар аз бемории COVID-19 шифо ёфта,  бар асари он 62  нафар фавтидаанд", - омадааст дар хабарнома.

Вазорат ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Ин ниҳод аз шаҳрвандон даъват мекунад, ки дар ин лаҳзаҳои ҳассос ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

557
Барчаспҳо:
Вазорати тандурустӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон