Дулор, акс аз бойгонь

ВУД: Мудири Коллеҷи пизишкии Конибодом ҳангоми дарёфти пора дастгир шуд

308
(Таҷдидшуда 13:17 14.07.2017)
Мудири Коллеҷи пизишкии Конибодом барои донишҷӯ кардани ҷавонписаре аз Исфара 1800 дулор пора талаб кардааст

ДУШАНБЕ, 14 июл — Sputnik. ВУД ҶТ иттилоъ медиҳад, ки дар Коллеҷи пизишкии шаҳри Конибодом, ду омӯзгор, ки яке аз онҳо мудири омӯзишгоҳ буда, ба иттиҳоми ришваситонӣ дастгир шуданд.

"Номбурдагон рӯзи 4-уми июли соли 2017 бо маслиҳати пешакӣ барои ба омӯзишгоҳ дохил кардани ҷавонписари 22-солае аз шаҳри Исфара, аз зани 54-солае аз ноҳияи Бобоҷон Ғафуров маблағи 1800 дулори амрикоиро ҳамчун пора талаб намудаанд", — гуфта мешавад дар хабар.

Бино бар иттилои манбаъ, ин ду нафар рӯзи 12-уми июли соли 2017, тахминан соати 16:00 дар утоқи кории мудир дар Коллеҷи пизишкӣ ҳангоми дарёфти маблағи 1800 дулори амрикоӣ дастгир карда шуданд.

Тафтишот ҳолатҳои ин ҳодисаро бозрасӣ дорад.

Порагирии мудири коллеҷи тиббӣ дар ҳолест, ки ҳамин чанд рӯз пеш вазири тандурустии Тоҷикистон Насим Олимзода дар нишасти хабарӣ гуфта буд, вазорат ҳама корро анҷом медиҳад то ришваситонӣ дар сохтори Вазорати тандурустӣ кам шавад. Вай ҳамчунин афзуд, ки вазорат барои пайгирии ин масъала шурои махсус созмон медиҳад.

308
Барчаспҳо:
ришва, мудири коллеҷи тиббӣ, Конибодом, Тоҷикистон
Здание налогового комитета в Душнабе, архивное фото

Дар Суғд 27,3 миллион сомонӣ пинҳонкории андоз ошкор шуд

29
(Таҷдидшуда 12:33 09.08.2020)
Дар миқёси вилояти Суғд 35 536 нафар соҳибкорони инфиродии бо патент фаъолияткунанда ба қайд гирифта шуда, аз ин ҳисоб ба буҷети давлатӣ 33,0 млн.сомонӣ андозҳо ворид шудааст

 ДУШАНБЕ, 9 авг — Sputnik. Дар Суғд 27,3 миллион сомонӣ пинҳонкории андоз ошкор шуд, гузориш медиҳад "Ховар".

Бино бар иттилои манбаъ, кормандони Раёсати андози вилояти Суғд дар доираи иҷрои қонунгузории Ҷумҳурии Тоҷикистон оид ба сари вақт пардохт намудани андоз ва ҳолатҳои саркашинамоӣ аз андозсупорӣ давоми шашмоҳаи  якуми соли 2020 нисбат ба фаъолияти 340 соҳибкори инфиродӣ ва шахсони ҳуқуқӣ санҷиши риояи қонунгузории андоз гузарониданд.

"Дар натиҷа ба маблағи 27,3 млн.сомонӣ ҳолатҳои пинҳонкунии андозро ошкор намуда, аз ин ҳисоб 24,6 млн сомониашро ба буҷети давлат ситонидаанд", - тавзеҳ медиҳад манбаъ.

Гуфта мешавад, дар давраи ҳисоботӣ дар самти маҷбуран ситонидани қарзи андозҳо 1531 адад қарор оид ба маҷбуран ситонидани андозҳо ба маблағи умумии 55,9 млн.сомонӣ қабул гардида, аз ин ҳисоб 40,1 млн.сомонӣ рӯёнида шуд, ки   нисбат ба ҳамин давраи соли гузашта 22,6 млн.сомонӣ зиёд мебошад.

Инчунин имрӯз мувофиқи ҳисобот дар миқёси вилояти Суғд 35 536 нафар соҳибкорони инфиродии бо патент фаъолияткунанда ба қайд гирифта шуда, аз ин ҳисоб ба буҷети давлатӣ 33,0 млн.сомонӣ андозҳо ворид гардид.

“Ҳисоби абҷад”: “Талко” қарзҳои андозро ғайривоқеӣ хонд

Шумораи соҳибкорон нисбат ба ҳамин давраи соли гузашта 904 нафар зиёд гардидааст. Вобаста ба имтиёзҳои пешбинишуда ҷамъоварии андозҳо нисбат ба ҳамин давраи соли гузашта ба маблағи 5,2 млн.сомонӣ коҳиш ёфтааст.

29
Последствия разрушений после селевого потока в Пенджакенте

Обшавии пиряхҳо ва фаромадани сел: ҳушдори Ожонси ҳавошиносӣ аз гармии тоқатфарсо

95
(Таҷдидшуда 12:31 09.08.2020)
Бино ба ҳушдори Ожонси ҳавошиносӣ, боду ҳавои гарми чанд рӯзи охир эҳтимолан боиси фаромадани сел мешавад

ДУШАНБЕ, 9 авг — Sputnik. Ожонси ҳавошиносии Тоҷикистон боду ҳавои гарм дар Тоҷикистонро пешгӯӣ кард.

Бино ба гузориши Ожонси ҳавошиносӣ дар ҳудуди Тоҷикистон то рӯзи 9 август ҳарорати 40 дараҷаӣ боқӣ мемонад.

Ҳушдори Ожонси ҳавошиносӣ аз гармии тоқатфарсо дар моҳи август

Танҳо дар ноҳияи дурдасттарини ВМКБ- Мурғоб ҳарорати ҳаво то 25 дараҷа гарм хоҳад шуд.

Чунин гармӣ боиси обшавии пиряхҳо шуда, сатҳи дарёҳоро баланд мебардорад ва эҳтимолан боиси фаромадани сел мешавад.

То 44 дараҷа: Ҳушдори Кумита аз гармои шадид давоми чанд рӯзи оянда

Дар ҳудуди вилояти Суғд ва қисмати ғарбии Вилояти Мухтори Кӯҳистони Бадахшон эҳтимоли обхезӣ вуҷуд дорад.

95
Барчаспҳо:
пирях, гармӣ, Ожонси ҳавошиносӣ
Монумент Независимости Туркменистана в Ашхабаде, архивное фото

Туркманистон таътили марказҳои тиҷорӣ ва ресторанҳоро тамдид кард

0
(Таҷдидшуда 13:00 09.08.2020)
Давлати Туркманистон, ки вуҷуди вируси корона дар ин кишварро ҳамчунон инкор мекунад, таътили фурушгоҳҳо, марказҳои тафреҳӣ ва ресторанҳоро дар шаҳри «Ишқобод» тамдид кард

ДУШАНБЕ, 9 авг — Sputnik. Бино бар иттилои "Парс тудэй", давлати Туркманистон чанде пеш ресторанҳо, марказҳои тиҷорӣ ва идораҳои хадамот дар шаҳри «Иишқобод»-ро барои безараргардонӣ дар муқобили шуйюи вируси корона таътил кард.

Дар ҳоле, ки қарор буд марокизи тиҷорӣ ва ресторанҳо пас аз 10 рӯз аз оғози таътил боз шаванд, аммо давлат ҳамчунон иҷозаи фаъолияти дубора ба ин марокизро надода ва дар ин замина низ ҳеҷгуна иттилоърасоние нашудааст.

Созмонҳои давлатӣ ва хусусӣ низ таътил ва коргарон ба мураххасии бидуни маош фиристода шудаанд ва барои ин шаҳрвандон низ имконоти тести корона фароҳам шудааст.

Вазорати беҳдошти Туркманистон ҳам аз мардум хостааст то аз ниқобак истифода ва фосилаи иҷтимоиро риоят кунанд.

Мо гунаҳгор нестем: эътирози вазорати умури хориҷаи Туркманистон ба Тоҷикистон

Иқдомоти мушобеҳи карантини умумӣ дар Туркманистон пас аз боздиди коршиносони Созмони  умумиҷаҳонии тандурустӣ иҷро шуд.

Ҳамзамон расонаҳои минтақа аз афзоиши омори маргу мири бархоста аз бемории илтиҳоби шуш дар Туркманистон хабар медиҳанд.

0