Боздошт, кас аз бойгонӣ

Раиси Ожонси мубориза бо фасод овозаҳои боздошти кормандонашро, ки гӯё аз рӯи хусумат буда, бепоя хонд

125
(Таҷдидшуда 18:55 07.08.2017)
Раиси Ожонси мубориза бо фасод Сулаймон Султонзода имрӯз дар нишасти расонаӣ ба суолҳои хабарнигорон посух дод

ДУШАНБЕ, 28 июл — Sputnik. Раиси Ожонси мубориза бо фасод дар нишасти хабарӣ гуфт, сару садоҳо дар ин бора, ки гӯё кормандони ин ниҳод дар пайи хусусати ниҳодҳои қудратӣ боздошт шудаанд, асос надорад. Вай гуфт, бояд табаҳкор дар назди қонун ҷавоб гӯяд.

Бино бар иттилоъи раиси Ожонс, баррасии парвандаи 10 тан аз кормандони пешини ин ниҳод дар Додгоҳи олӣ идома дорад.

Илова бар ин ҷаноби Султонзода гуфт, сару садоҳое, ки гӯё боздошти кормандони ожонс дар пайи хусумат ё қасосгирии ниҳодҳои қудратии кишвар анҷом дода шуда бошад, асос надоранд.

Чанде пеш раиси Додгоҳи Олии Тоҷикистон Шермаҳмад Шоҳиён дар нишасти хабарӣ қайд карда будааст, ки "атрофи дастгир шудани кормандони Оҷонсии зидди фасод маводи хеле зиёд ба табъ расид. Шумораи кормандони боздоштшуда ҳар гуна пахш мешуданд. Ба маълумоти шумо мерасонем, ба Суди олӣ нисбати 10 корманди Оҷонсии мубориза бо коррупсия ва нисбати 3 нафар корманди сохторҳои дигар парвандаи ҷиноӣ ворид шудааст".

Пештар хабар дода шуда буд, ки камубеш 15 корманди Ожонси мубориза бо фасод дар Тоҷикистон боздошт шудаанд.

Ин кормандон, ки дар миёнашон раҳбари пешини Идораи бозҷӯии Ожонс Фирӯз Холмуродов низ ҳаст, муттаҳам ба ҷаъли санадҳои расмӣ ва ришваситонӣ шудаанд. Вале дар ин созмон гуфтанд, ки ин кормандон пеш аз ин ки боздошт шаванд, аз кор бар канор шуда буданд ва аз ин рӯ тавзеҳе дар ин бора надоданд.

Аммо расонаҳои тоҷикӣ хабар доданд, ки Давлатбек Хайрзода, муовини пешини раиси Ожонс, низ чанде пеш дар фурӯдгоҳи шаҳри Хуҷанд, ки мехоста аз онҷо ба Маскав парвоз кунад, боздошт шудааст.

Гуфта мешавад, ки афзун бар вай панҷ корманди дигари ожонс, аз он ҷумла раҳбари пешини Идораи бозҷӯии Ожонс Ҷамолҷон Муборов низ боздошт шудаанд. Ӯро муттаҳам ба суъистифода аз мақом ва ҷаъли санадҳои расмӣ кардаанд.

Бино ба гузориши бархе аз расонаҳо, ин боздоштҳо дар паи амалиёти муштараки нерӯҳои амниятӣ, Додситонии кулл ва Ожонси фасодзудоии Тоҷикистон сурат гирифта ва эҳтимолан бо парвандаи мудири пешини Идораи сохтусози шаҳри Душанбе Саидшариф Анваров пайванде доранд. Додгоҳи Душанбе 21 апрел ӯро ба ҷурми ришваситонӣ ва дуздии пули сохтмони бемористони "Истиқлол" барои 18 сол зиндонӣ карда буд.

Ёдовар мешавем, ки раисҷумҳури Тоҷикистон Эмомалӣ Раҳмон дар марти 2017 бархе аз раҳбарони Ожонси фасодзудоиро ҷобаҷо карда буд. Дар солҳои 2015 — 2016 раҳбарии ин созмонро Рустам Эмомалӣ бар уҳда дошт, ки дар оғози соли 2017 шаҳрдори Душанбе таъйин шуд.

125
Барчаспҳо:
фасод, парванда, боздошт, Сулаймон Султонзода, Тоҷикистон
Похороны в Таджикистане, архивное фото

Тӯраҷонзода дар бораи фавтидагон ва маризони “вируси корона”

430
(Таҷдидшуда 01:46 27.05.2020)
Ҳоҷӣ Маҳмудҷон Тӯраҷонзода, руҳонии саршиноси тоҷик, мегӯяд, ҳадисҳои саҳеҳ аз Паёмбари ислом (с) мавҷуданд, ки фавтидагони замони эпидемияро шаҳид хондааст

ДУШАНБЕ, 27 май — Sputnik. Ҳоҷӣ Маҳмудҷон Тӯраҷонзода гуфт, дини ислом дар боби қурбониён, гирифторон ва қонуни қавоиди беҳдоштии замони густариши маризиҳои вогир ё эпидемия ҳанӯз 1400 сол пеш бар асоси ҳадисҳои Паёмбар Муҳаммад (с) ҳукмҳои худро ҷорӣ кардааст.

Тураҷонзода дар суҳбат бо Sputnik Тоҷикистон изҳор дошт, ки “вируси корона” ҳам ба қатори вабову тоун маризии фарогир ё вогир буда, дар замонаҳои Паёмбар (с) шуюъ мекарданд.

Вай дар боби фавтидагон ду ҳадисеро мисол овард, ки саҳеҳ буда, аз сӯи Имом Бухориву Имом Муслим ривоят шудаанд: яке, “Шаҳодату уммати фи тоун” – “Шаҳодати уммати ман дар тоун аст” ва дигарӣ, “Дуъия ал-матъуну шаҳидан” - “Касе ки ба маризии тоун мемирад, ӯ дараҷаи шаҳодат мебарад”.

Азоби Худост ё раҳмат? шарҳи Тӯраҷонзода

“Паёмбар (с) мегуфтанд, ин як навъ азоби Худост, барои ҳар уммате, ки Худо хоҳад, мефиристад, аммо барои бандагони муъмин раҳмат аст. Манзур ин буд, ки худро қарантина карда, амали савоб анҷом диҳед, агар Худованд ба мо тақдир карда бошад, ба ҳамин беморӣ ҳалок мешавем, аммо агар тақдир накарда бошад, қазояш нарафта бошад, сад “вируси корона” – ву тоуну ҳар вабои дигар бошад, дар комаш ҳам ки бошем, ҳалок намешавем. Бояд ба ҳамин чӣ эътиқод дошта бошем. Ҳамин эътиқодро дошта бошеду мариз шаведу намиреду зинда ҳам монед, шумо савобу аҷри шаҳидро мегиред. Дар сурати фавтидан аз ин беморӣ, он гоҳ бандаи Худо шаҳид мешавад, фармудаанд Паёмбари ислом (с)”, - гуфт Ҳоҷӣ Маҳмудҷон Тӯраҷонзода.

Дар боби қарантина руҳонии саршиноси тоҷик мегӯяд, дар асри Паёмбари Ислом (с) дар Мадинаи мунаввара вабо ё табларза, ки ҳуммо мегуфтанд, иттифоқ афтода буд ва аз он айём ин ҳадис аз эшон дар “Саҳеҳайн” – и Имом Бухорӣ ва Имом Муслим нақл шудааст:

“Чун аз маризии вабо дар як сарзамин хабар ёфтед, агар дохил бошед, хориҷ ва агар хориҷ бошед, дохил нашавед”.

Ҳоҷӣ Маҳмудҷон Тӯраҷонзода дар такя ба манобеъи таърихӣ ин қиссаро меорад, ки як маризии вогир ё эпидемияи тоун низ дар замони хилофати Умар ибни Хаттоб (634 — 644) дар Шом (Сурияи имрӯз) иттифоқ афтода, мӯҷиби фавти 17 ҳазор нафар, ба шумули саҳобагони Паёмбар (с) шудааст.

Шумо аз қазои Худо мегурезед? Суол аз Умар, ки вориди минтақаи эпидемия нашуд

Бино ба ин манобеъ, он замон нерӯҳои хилофат барои забти Сурия, ки таҳти султаи Императории Византия буд, меҷангиданд ва халифа Умар соли 635 барои ошноӣ бо ҷабҳаи ҷанг аз Мадина озими Шом мешавад, аммо дар марз ба ӯ маслиҳат медиҳанд, ки аз роҳаш баргардад.

“Амирони лашкар ба истиқболи он кас баромаданд ва дар марзи Шом ба он кас хабар доданд, ки дар ин мулк тоун омадаву ҷони хеле аз мардумро рабудааст. Ҳазрат саҳобаҳоро ҷамъ карда, ба маслиҳат нишастанд, ки ворид шаванд, ё на. Ихтилофи назар шуд, чун ҳадиси Паёмбар (с)-ро бархе саҳобаҳо нашунида будаанд. Мегуфтанд, ки чун аз ҳамин қадар роҳ омадед, вориди Шом нашавед, кори хубе намешавад. Бархе гуфтанд, на, ҳаёти Шумо барои ҳифзи хилофат муҳим аст, агар гирифтор ва шаҳид шавед, хилофат нуқсон мебинад. Ба як хулоса намерасанд. Фардои он рӯз яке аз саҳобаҳо Абдураҳмон ибни Авф, ки дар он машварат набуд, ҳозир шуд ва гуфт, ки шахсан аз Расули Акрам (с) ин ҳадисро шунидааст. Ҳазрат гуфтанд, чун Паёмбар (с) гуфта бошанд, мо ҳам аз роҳ гаштем. Яке аз саҳобаҳо гуфт, ё амиралмуъминин, Шумо аз қазои Худо мегурезед? Ҳазрат гуфтанд, ки бале, мо аз қазои Худо ба сӯи қазои Худо мегурезем. Он тараф ҳам қазои Худост. Ҳар чӣ муқаддар карда бошад, ҳамон ба сарамон меояд”, - қисса мекунад руҳонии тоҷик.

Тӯраҷонзода дар бораи қарантина ва фосилаи иҷтимоӣ

Ҳоҷӣ Маҳмудҷон Тӯраҷонзода мегӯяд, азбаски эпидемия ё маризиҳои вогир дар таърихи башар зиёд иттифоқ меуфтоданд ва рушди илми тиб ба дараҷае, ки дар замони муосир аст, набуд, воқеиятҳо собит месозанд, ки асли ҳама гуна тадобири беҳдоштӣ дар он замонҳо вуҷуд дошт.

“Қарантинае, ки ҳоло дар дунё ҳаст, 1400 сол пеш олами ислом ҷорӣ карда буд. Агар мардум аз кишваре, ки “вируси корона” сар зада буд, хориҷ ва ё он ҷо дохил намешуданд, ҳоло мо шоҳиди чунин фоҷиаҳо набудем. Паёмбари ислом (с) як ҳадиси дигар ҳам доранд: “Фирр мин ал-ҷузом, фирорака мин ал – асад” – “Аз касе, ки бемории ҷузом (бодхӯра, ки гӯшти баданро мехӯрад) дорад, мисле ки аз шер бошад, гурезед!” Ин ҳам далели фосилаи иҷтимоӣ! Ҳоло он чӣ дар бораи фосилаи иҷтимоиву қарантинаи хонагӣ аст ё кишварӣ, назофату беҳдоштиву гигиена, дасту биниро шӯеду тозагиро риоят кунед, мегӯянд, ҳама асли исломӣ доранд”, - гуфт руҳонии саршиноси тоҷик.

Ҳоҷӣ Маҳмудҷон Тӯраҷонзода аз хонаводаи маъруфи Тӯраҷонзодаҳо, руҳониёни маъруфи тоҷик ва устоди улуми динӣ аст. Эшони Нуриддинҷон ва Ҳоҷӣ Акбари Тӯраҷонзода, собиқ қозии мусалмонони Тоҷикистон, намояндагони дигари маъруфи ин хонавода ҳастанд

430
Барчаспҳо:
Муҳаммад, ҳадис, беморӣ, Ҳоҷӣ Акбар Тураҷонзода, вируси нав, Тоҷикистон
Жители города Душанбе в защитных масках на улице

То 400 сомонӣ ҷарима: вакилони тоҷик барои мубориза бо коронавирус чӣ пешниҳод карданд?

396
(Таҷдидшуда 19:01 26.05.2020)
Вакилони тоҷик пешниҳод кардаанд, ки барои риоя накардани чораҷӯиҳои беҳдошт ҷиҳати пешгирии сирояти корона ҷарима то 400 сомонӣ боло бурда шавад

ДУШАНБЕ, 26 май — Sputnik. Намояндагони Маҷлиси Тоҷикистон пешниҳод карданд, ки ҷаримаи афроди поймолкунандаи муқаррарот ва қоидаҳои беҳдоштӣ  дар роҳи мубориза бо коронавирус дар кишвар афзоиш ёбад.

Намояндагони маҷлис пофишорӣ доранд, ки ҳамаи шаҳрвандони кишвар тасмими Ситоди муқобила бо коронавирус дар мавриди истифода аз ниқоби тиббӣ дар маконҳои умумиро риоят намекунанд.

Дар ҳоли ҳозир маъмурони иҷроии қонун дар Тоҷикистон фақат нафаронеро, ки бидуни ниқоби тиббӣ дар маконҳои умумӣ равуо мекунанд, ҳушдор медиҳанд ва ё аз 116 то 290 сомонӣ ҷарима мекуанд.

Намояндагони  маҷлис бо ишора ба ин ки ин маблағ барои иҷбори афрод ба истифода аз ниқоби тиббӣ кофӣ нест, пешниҳод карданд ин ҷарима то 406 сомонӣ афзоиш ёбад.

396