Парвиз Иброҳимов, акс аз бойгонӣ

Каме пул намерасад: муҳоҷир ба осебдидагон дар Дарвоз ёрӣ мерасонад

170
Парвиз Иброҳимов, бунёдгузори шабакаи ютюбии "Фонд таджика", аз накӯкорон даъват карда, ки ба осебдидагон аз балоҳои табиъӣ дар Дарвоз ёрӣ бирасонанд

ДУШАНБЕ, 8 авг — Sputnik. Чанде пеш Парвиз дар шабакааш дар Ютуб иттилоъ дода буд, ки барои кумакрасонӣ ба мардуми Дарвоз, ки аз селу гилшор осеб дида буданд, ба он ноҳия сафар хоҳад кард ва аз саховатпешагон ҳам дархости кумаки молӣ карда буд.

Парвиз бо интишори наворе дар сафҳааш дар "Одноклассники" аз раванди сохтусози хонаҳо барои осебдидгаон аз балои табиъӣ гузориш дод.

Вай дар ин навор хабар медиҳад, ки ҳоло дар Дарвоз қарор дорад ва бо чанде аз мардуми маҳалл низ суҳбат кардааст.

"Чуноне, ки ваъда дода будем, ки ба Дарвоз меравем, ҳоло дар ин ноҳия қарор дорем. Мо аз рафти корҳои барқарорсозӣ  бохабар шудем. Ҳастанд нафароне, ки ба кумак эҳтиёҷ доранд ва мо бо онҳо ҳамсуҳбат шудем ва пурсон шудем, ки ба чӣ эҳтиёҷ доранд. Мо ниёзҳояшонро феҳристбандӣ кардем ва баровард кардем, ки 28 ҳазор сомонӣ пул ниёз дорем. Аммо камтар пули мо намерасад. Касоне, ки мехоҳанд ба осебдидагон кумак расонанд, метавонанд ба ин суроға хайри худро равон кунанд", — мегӯяд дар навор Парвиз Иброҳимов.

Мо аз рафти кор боз ба навор мегирем ва пешниҳоди шумо мегардонем, афзудааст вай.

Рӯзи 8 ва 9 июл аз дараҳое дар каронаи афғонистонии Дарвоз селу гилшор фурӯ рехта ва бистари рӯди Панҷро дар ду ҷо баст.

Дар паи фурӯ рехтани селу гилшор дар бахшҳои Нусай, Шикай ва Кӯфоб дар Афғонистон 14 кас куштаву 20 кас захмӣ ва дар 143 хона куллан ва 55 хона қисман вайрон ва 16 нерӯгоҳи хурди барқобӣ, 22 ҷӯйбор, 13 бунгоҳи обрасонӣ, 2,5 килуметр роҳ ва 11 пул нобуд шуданд.

Дар канораи тоҷикистонии рӯди Панҷ рустоҳои Хостав ва Ширговад аз сел осеб диданд.

Парвиз Иброҳимов яке аз муҳоҷирони тоҷик аст, ки дар Ютуб шабакаи хешро бо номи "Фонд Таджика" ташкил кардааст. Вай дар шабакааш наворҳоеро аз кумакаш ба ниёзмандон нашр  мекунад.

Худи Парвиз дар суҳбат бо Sputnik Тоҷикистон гуфта буд, "Фонд таджика" танҳо номи шабакааш дар Ютуб буда бунёди хайриявие  нест.

Чанде пеш  Парвиз бо ҳамдастӣии муҳоҷирон Иззат ном "бомж"-и тоҷикро ба Тоҷикистон гусел кард.

170
Барчаспҳо:
офати табиӣ, кӯмак, Парвиз Иброҳимов, Дарвоз, Тоҷикистон
ДТП, архивное фото

Боз як садамаи марговар: пиёдагарди 38-сола зери чархи “Фолсваген-Пасат” ба ҳалокат расид

67
Вазорати умури дохилаи Тоҷикистон боз аз як садамаи маргбор, ки дар ҳудуди деҳаи Ҳоҷиёни ҷамоати деҳоти М.Турсунзода рух додааст, хабар дод

ДУШАНБЕ, 3 июн - Sputnik. Бино бар иттилои дафтари матбуоти Вазорати умури дохилаи Тоҷикистон садамаи маргбор санаи 1-уми июни соли равон, тахминан соати 23:40 рух додааст.

Тибқи иттилои манбаъ, ронандаи автомашинаи тамғаи “Фолсваген-Пасат”, Ибрагимов Умедҷон Маҳмуродович, соли таваллудаш 1996, сокини ҷамоати деҳоти Зайнабобод, ноҳияи Рӯдакӣ ҳангоми ҳаракат кардан дар ҳудуди деҳаи Ҳоҷиёни ҷамоати деҳоти М.Турсунзода, аз ӯҳдаи идораи воситаи нақлиёт набаромада, пиёдагард Абдуалимов Зоир Тоирович, соли таваллудаш 1982, сокини ҷамоати деҳоти Чимтеппа-ро пахш намудааст. 

Манбаъ қайд кардааст, дар натиҷа Абдуалимов З.Т. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Дар ҳоли ҳозир, кормандони милитсияи Тоҷикистон аз руи ин ҳодиса таҳқиқотро идома дорад.

Чанде пеш, Ронандаи автомашинаи тамғаи “Лексус RX-350”, Мухторов Шараф Насриддинович, соли таваллудаш 1988, сокини ноҳияи Файзобод, ҳангоми ҳаракат кардан дар роҳи автомобилгарди “Ваҳдат-Рашт”, воқеъ дар деҳаи Бӯстон, аз уҳдаи идора кардани воситаи нақлиёт набаромада, пиёдагард, Кучкинов Нуриддин Худойбердиевич, соли таваллудаш 1992, сокини ноҳияи Қубодиёнро пахш намуд

Дар натиҷа, Кучкинов ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.

67
Барчаспҳо:
пахш, пиёдагард, Турсунзода, деҳа, садама, вазорати умури дохила, Тоҷикистон
Граница между Кыргызстаном и Казахстаном

ВУХ: 237 шаҳрванди дармонда дар марзи Қазоқистон ва Ӯзбекистон ба Ватан баргаштанд

86
(Таҷдидшуда 10:46 03.06.2020)
Вазорати умури хориҷаи Тоҷикистон эълон кард, шаҳрвандони Тоҷикистон, ки дар сарҳади давлатии Қазоқистон ва Ӯзбекистон дармонда буданд, ба Ватан баргардонида шуданд

ДУШАНБЕ, 3 июн - Sputnik. Бино бар иттилои дафтари матбуоти Вазорати умури хориҷаи Тоҷикистон, шоми 2 июни соли равон 237 нафар шаҳрвандони Тоҷикистон, ки бинобар баста будани марзҳо дар гузаргоҳи “Жибек Жоли”-и миёни сарҳади давлатии Қазоқистон ва Ӯзбекистон муваққатан дармонда буданд, ба Ватан баргардонида шуданд.

Дар ҳамин ҳол, вазорати умури хориҷии Тоҷикистон  ба мақомоти Ӯзбекистон барои мусоидати фаврӣ дар ташкили долони бетамоси транзитии мустақим дар қаламрави он кишвар барои интиқоли шаҳрвандони Тоҷикистон миннатдории самимӣ изҳор медорад.

Ҳамзамон Вазорати умури хориҷа ба мақомоти Қазоқистон барои таъмини шароит барои шаҳрвандони Тоҷикистон бо мақсади убури бемамониати сарҳад сипоси беандоза баён кардааст.

Парвози вижаи "Уралские авиалинии" 50 шаҳрванди Тоҷикистонро ба Ватан бурд

Ёдрас мешавем, ки чанде пеш бо парвози махсус аз Русия ба Тоҷикистон тақрибан 50 кнафар, ки дар паи банд шудани марзҳо дар кишвар дар монданд, ба ватан бозгардонида шуданд.

Ҳамин тариқ, аз 19 то 30 майи соли равон дар ҳамоҳангӣ бо Русия аз марказҳои нигоҳдории муваққатии шаҳрвандони хориҷии он кишвар ба Тоҷикистон дар маҷмӯъ 680 нафар шаҳрвандони Тоҷикистон, ки ҳуҷҷатҳои омодашудаи зарурӣ барои сафар доштанд, инчунин ҷасадҳои 58 ҳамватан баргардонида шуданд.

86
Барчаспҳо:
марз, Ватан, баргардонӣ, Ӯзбекистон, Қазоқистон, сарҳад, Тоҷикистон