Министерство финансов РТ. Архивное фото

Тоҷикистон беш аз 2,3 милёрд дулор ба Чин ва дигар кишварҳову созмонҳо қарздор аст

84
Ҷумҳурии Тоҷикистон дар се соли гузашта вомҳоеро, ки аз Эрон, Узбакистон ва Қазоқистон гирифта, пардохт карда, вале ҳамчунон беш аз 2,3 милёрд дулор ба Чин ва дигар кишварҳову созмонҳои вомдиҳанда қарздор аст

ДУШАНБЕ, 10 авг — Sputnik. Вазорати молияи Тоҷикистон эълом кард, ки қарзи хориҷии кишвар дар шаш моҳи нахусти имсол ба 2 милёрду 303 милюну 400 ҳазор дулор расидааст, ки бо 35,8 дарсад аз тавлиди нохолиси миллии Тоҷикистон баробар аст.

Ба гузориши равобити умумии Вазорати молияи ҶТ, ин мизон қарзи хориҷӣ дар муқоиса бо давраи мушобеҳи соли гузашта 26 милюн дулор афзоишро нишон медиҳад.

Ҳамакнун аз миёни кишварҳо ва ниҳодҳои молии ҷаҳонӣ ва минтақаӣ вомдиҳандаи аслии Тоҷикистон Чин аст, ки 1 милёрду 217 милюну 600 ҳазор дулор ба Тоҷикистон қарз дода аст. Пас аз он Бонки ҷаҳонӣ бо 299 милюну 900 ҳазор дулор, Бонки тавсеъаи Осиёӣ бо 227 милюну 500 ҳазор дулор ва Бонки тавсеъаи исломӣ бо 111 милюну 900 ҳазор дулор аз вомдиҳандагони аслии Тоҷикистон ҳастанд.

Ҳамчунин Тоҷикистон ба Сандуқи байналмилалии пул (МВФ ё International Monetary FundIMF) 101 милюну 100 ҳазор дулор, ба Сандуқи тавсеъаи Арабистони Саъудӣ 44 милюну 900 ҳазор дулор, ба Сандуқи тавсеъаи Кувайт 38 милюну 700 ҳазор дулор ва ба давлати Фаронса 24 милюн дулор қарздор аст.

Ҳамзамон Вазорати молия эълом кардааст, ки аз соли 2015 то кунун қарзҳои худро ба Ҷумҳурии Исломии Эрон, Узбакистон ва Қазоқистон ба таври комил пардохт кардааст.

Бархе аз коршиносон дарёфти вомҳои калон аз Чинро мояи вобаста шудани бештари Душанбе ба Пекин медонанд, аммо Ҷамолиддин Нуралиев, муъовини аввали раиси Бонки миллии Тоҷикистон дар посух ба ин нигарониҳо гуфтааст, ки Чин бар хилофи ниҳодҳои молии байналмилалӣ ҳангоми ихтисоси вом ба ин кишвар шартҳои зиёде матраҳ намекунад.

Гуфтанист, чанде пеш яке аз намояндагони маҷлиси қонунгузори Қирғизистон дар матни қарордодҳои вомгирии ин кишвар бо Чин бандеро ошкор карда, истиқлоли Қирғизистонро зери суъол мебарад, зеро Пекин додани вом ба Қирғизистонро ба даст кашидани Бишкек аз ҳаргуна даъвову шикоят аз Чин дар Додгоҳҳои байналмилалӣ вобаста кардааст.

84
Барчаспҳо:
бистонкор, бидеҳкор, қарз, бидеҳӣ, вом, Вазорати молияи Тоҷикистон, Бонки тавсеъаи исломӣ, Бонки тавсеъаи Осиёӣ, Сандуқи тавсеъаи Кувайт, Сандуқи тавсеъаи Арабистони Саъудӣ, Сандуқи байналмилалии пул, Арабистони Саудӣ, Фаронса, Қазоқистон, Ӯзбекистон, Эрон, Тоҷикистон-Чин
Мавзуъ
Тоҷикистон аз Бонки ҷаҳонӣ 50 милюн дулор кумак дарёфт кард
Эмомалӣ Раҳмон ҳайъате аз Шурои мудирони Бонки рушди Осиёиро пазируфт
Бонки сармоягузории зерсохтории Осиё Тоҷикистонро дар навинсозии НБО “Норак” ёрӣ мерасонад
Бонки ҷаҳонӣ барои бозсозии бузургтарин нерӯгоҳи ҶТ $225 млн медиҳад
Сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

39
Бонки миллии Тоҷикистон арзиши сомониро нисбат ба асъори хориҷӣ барои имрӯз, 26 октябр эълон кардааст

ДУШАНБЕ, 26 окт — Sputnik. Тибқи нишондодҳои Бонки миллии Тоҷикистон арзиши 1 рубли русӣ барои имрӯз 0.1345 сомонӣ  ва дар бозори нақд бошад то 0.1380 сомонӣ нишон дода шудааст.

Национальный банк Таджикистана
© Фото : Пресс-служба президента Таджикистана
Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз10.3392 то 10.3400 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.2551 то 12.5000  сомонӣ арзёбӣ кардааст.

Дар бонкҳои дигари кишвар, аз ҷумла "Бонки Эсхата" нишондоди асъор нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1390 то 0,1410 сомонӣ муқаррар кардааст.

Дар “Спитаменбонк” бошад арзиши 1 рубл аз 0.134 то 0.141 ва дар “Алифбонк” бошад 1 рубл аз 0,1340 то 0,1430 сомонӣ нишон дода шудааст.

Пешгӯии коршинос аз ҷаҳиши рекордии доллар то охири октябр

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

 

39
Улица в городе Душанбе, архивное фото

Тирамоҳи гарм: имрӯз дар Тоҷикистон то 26 дараҷа гарм мешавад

47
(Таҷдидшуда 09:48 26.10.2020)
Имрӯз дар ҷумҳурӣ ҳавои камабр ва тағйирёбандаи бебориш дар назар аст. Дар ин бора аз Агентии обуҳавошиносии Тоҷикистон хабар медиҳад

ДУШАНБЕ, 26 окт — Sputnik. Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбандаи бебориш мешавад.  Шамол аз самти шарқ бо гузариш ба  ғарб бо суръати 3-8 метр дар як сония мевазад.

Ҳаво дар ғарби вилоят   шабона аз 1 дараҷа хунук то 4 дараҷа гарм ва рӯзона 12+17  дараҷа гарм  мешавад. Дар  шарқи вилоят  ҳаво шабона аз 6-11 то 10-15 дараҷа хунук ва рӯзона 1+6 дараҷа гарм мешавад.

Ҳаво дар вилояти Суғд камабр ва  дар баъзе ҳолатҳо тағйирёбандаи бебориш мешавад.  Шамол аз самти шарқ бо гузариш ба  ғарб бо суръати 3-8 ва дар ноҳияҳои алоҳидаи кӯҳӣ бо шиддати то 12+17 метр дар як сония мевазад.

Ҳаво  дар водиҳо шабона 7+12 ва рӯзона 17+22 дараҷа гарм  мешавад. Дар ноҳияҳои кӯҳӣ ҳаво шабона  0-5 дараҷа  хунук ва рӯзона 11+16 дараҷа гарм мешавад.

Дар вилояти Хатлон  ҳавои камабр ва тағйирёбандаи бебориш  дар назар аст. Шамол аз самти шарқ бо гузариш ба  ғарб бо суръати 3-8 метр дар як сония мевазад. Ҳаво дар водиҳо шабона 7+12 ва рӯзона 21+26  дараҷа гарм мешавад. Дар  доманакӯҳҳо ҳаво шабона 1+6 ва рӯзона 16+21 дараҷа гарм мешавад.

Дар шаҳру ноҳияҳои тобеи марказ ҳавои камабр ва дар баъзе ҳолатҳо тағйиёбандаи  бебориш пешбинӣ  шудааст. Шамол аз самти шарқ бо гузариш ба  ғарб бо суръати 3-8 метр дар як сония  мевазад. 

Ҳаво  дар водиҳо  шабона 2+7 ва рӯзона 18+23 дараҷа гарм мешавад.  Дар ноҳияҳои кӯҳӣ ҳаво шабона аз 1 дараҷа хунук то 4 дараҷа гарм  ва рӯзона 14+19 дараҷа  гарм мешавад.

Тирамоҳи гарм: имрӯз дар Тоҷикистон ҳаво то 27 дараҷа гарм мешавад

Дар  шаҳри Душанбе ҳавои камабри бебориш дар назар аст. Шамол аз самти шарқ бо гузариш ба  ғарб бо суръати 3-8 метр дар як сония мевазад. Ҳарорати ҳаво шабона 3+5 ва  рӯзона 21+23 дараҷа  гарм мешавад.

 

 

47