Шодихон Ҷамшед ва раиси вилояти Суғд Қодирӣ

Боздиди Шодихон Ҷамшед аз шаҳраки навбунёди Сайҳун

286
(Таҷдидшуда 04:24 31.08.2017)
Дар чаҳорчуби Ҳафтаи фарҳанги ВМКБ дар вилояти Суғд раиси вилояти мухтори Кӯҳистони Бадахшон Шодихон Ҷамшед ва ҳамроҳонаш аз шаҳраки тозабунёди Сайҳун боздид карданд

ДУШАНБЕ, 26 авг- Sputnik. Ба гузориши равобити умумии ҳукумати вилояти Суғд, меҳмононро муовини якуми раиси вилоят Рустам Раҳматзода ва Анвар Яъқубӣ дар ин сафар ҳамроҳӣ карданд.

Боздиди роҳбарияти ВМКБ аз шаҳракаи навбунёди Сайҳун
© Фото : Аз равобити умумии ҳукумати вилояти Суғд
Боздиди роҳбарияти ВМКБ аз шаҳракаи навбунёди Сайҳун

Ба раиси ВМКБ иттилоъ додаанд, ки бо дастури Эмомалӣ Раҳмон дар таи чанд соли охир дар дашти Сомғор ба азхудкунии заминҳо оғоз бахшида шуда, аллакай дар марҳилаи аввал зиёда аз 1,5 ҳазор гектар боғи нав бунёд ва беш аз 7,5 ҳазор нафар эҳтиёҷмандон бо заминҳои наздиҳавлигӣ таъмин гардиданд.

"Имрӯзҳо аз ҷониби сокинон бунёди хонаҳои истиқоматӣ босуръат ҷараён дорад", —омадааст дар хабарнома.

Ҷиҳати таъмин намудани шаҳрак ва майдони боғот бо оби полезӣ аз дарёи Сир об бароварда шудааст. Ҳамаи боғҳо бо усули обёрии қатрагӣ обёрӣ карда мешавад. Ниҳолҳои 2 сол қабл шинонидаи ин майдон аллакай ба ҳосилдиҳӣ шурӯъ намуда, ҳосили дилхоҳ ба бор меорад.

Раиси вилояти мухтори Куҳситони Бадахшон бунёди шаҳрак ва азхудкунии заминҳои бекорхобидаро иқдоми бузург унвон карда, таъкид дошт, ки минбаъд ин ташаббус боиси таъмини шаҳрвандон бо манзили зист ва ҳамзамон ҷойи корӣ мегардад.

Манбаъ меафзояд, ки шаҳраки мазкур барои 250 ҳазор аҳолӣ пешбинӣ шуда, майдони боғот то ба 7 ҳазор гектар расонида хоҳад шуд.

286
Барчаспҳо:
ҳафтаи фарҳангии Бадахшон, боздид, Шодихон Ҷамшед, Суғд, Тоҷикистон
Мавзуҳо:
Ҳафтаи фарҳанги ВМКБ дар вилояти Суғд (11)
Мавзуъ
Туҳфаҳои Шодихон Ҷамшед ба Оқил Оқилов ва дар меҳмонии Фарзона
Барномаи фарҳангии бадахшониҳо дар Суғд: аз намоиши театрӣ то рақсу суруд
Фарҳангиёни Бадахшонро дар Суғд бо нону асал пешвоз гирифтанд
Школьники в масках

Ноиби сарвазири Тоҷикистон гуфт, чӣ бояд кард, то талабаҳо мубталои COVID-19 нашаванд

98
(Таҷдидшуда 20:59 14.08.2020)
Гуруҳи корӣ таҳти раёсати Ширин Исматуллозода, ноиби сарвазири Тоҷикистон, ҳангоми санҷиш дар шаҳри Роғун ва навоҳии Рашт камбудиҳои зиёд дар бахши мубориза бо COVID-19 ошкор кардаст

ДУШАНБЕ, 14 авг — Sputnik. Гуруҳи корӣ таҳти раёсати Ширин Исматуллозода аз шаҳри Роғун ва ноҳияҳои Сангвор, Нуробод, Рашт, Тоҷикобод ва Лахш боздида карда, вазъи соҳаи тандурустӣ ва омодабошии муассисаҳои таълимӣ ба соли нави хонишро санҷидаанд, хабар дод “Ховар”.

“Зимни боздид маълум гардид, ки аҳолӣ, соҳаи маориф ва табибон нисбат ба бемории сироятии COVID-19 ва гирифторшавӣ ба он фориғболӣ нишон медиҳанд.”, - омадааст дар иттилоия.

Манбаъ афзуд, дар кӯчаву бозорҳо сокинон бениқоб гашту гузор мекунанд, дар  муассисаҳои таълимӣ  захираи маводи антисептикӣ, ниқоб, варақаҳои тарғиботиву ташвиқотӣ барои пешгирии беморӣ кам ба назар мерасанд.

Муовини сарвазири Тоҷикистон таъкид кардааст, ки “агар ҳар як омӯзгор бо табибон ва волидон ҳамкорӣ кунанд, боварӣ дорам, ки мактаббачагон ҳеҷ гоҳ интиқолдиҳандаи беморӣ намегарданд”.

Исматуллозода дастур дод, ки омӯзгорону муҳассилин бе ниқоб ба дарс надароянд ва дар даромадгоҳи мактабҳо ҳатман маводи антисептикӣ ва ҳароратсанҷ гузошта шавад.

Инчунин дастур дода шудаст, ки аз ҳисоби кормандони миёнаи тиб дар мактабҳо навбатдориҳо ташкил карда шаваду ҳар як омӯзгор 2-3 дақиқаи дарсро ба фаҳмондадиҳӣ барои риояи қоидаҳои беҳдоштӣ ҷудо кунад.

98
Барчаспҳо:
пешгирӣ, беморӣ, талабагон, Тоҷикистон
Ветерану ВОВ Мирзошарифу Гафурову исполнилось 100 лет

Даргузашти Мирзошариф Ғафуров дар 101-солагӣ

125
Мирзошариф Ғафуров, куҳансарбози Ҷанги Бузурги Ватанӣ, сокини 101- солаи деҳаи Рӯмони ноҳияи Бобоҷон Ғафуров имрӯз дар манзили зисташ аз олам даргузашт

ДУШАНБЕ, 14 авг – Sputnik. Мирзошариф Ғафуров то лаҳзаи даргузашташ шикояти ҷиддие аз саломатӣ надошт, гуфт Мирзотоҳир Ғафуров, писари марҳум дар суҳбат бо Sputnik Тоҷикистон.

 “Ягон шикояти ҷиддӣ аз вазъи саломаташон надоштанд, бо амри тақдир субҳи имрӯз дар синни 101-солагӣ ҷон ба Ҷонофарин супурданд”, - гуфт Ғафуров.

Маросими ҷанозаи марҳум имрӯз дар қабристони ба номи Балодуркуни ҷамоати деҳоти Ҳайдар Усмонови ноҳияи Бобоҷон Ғафуров доир шудааст.

Мирзошариф Ғафуров 7-уми январи соли 1919 дар деҳаи Рӯмони ноҳияи Бобоҷон Ғафуров таваллуд шудааст. Дар моҳи майи соли 1940, замоне, ки ӯ ҳанӯз 18-сола буд ва дар курси дуюми факултаи физикаю математикаи омӯзишгоҳи педагогии шаҳри Хуҷанд ба номи С.М. Киров (ҳоло ДДХ ба номи ак. Б. Ғафуров) таҳсил мекард,  ба хизмати аскарӣ даъват шуд ва бо ҳамин хизмати ӯ дар сафи аскарӣ 9 сол давом кард.

Ӯ аз оғози ҶБВ  борҳо дар миёни дуду оташи ҷанг қарор гирифт ва бо инояти Худованд саломат ва бо сари баланди пирӯзӣ бар фашизм ба хона баргашт.

“Барои хизмати сарбозӣ маро ба шаҳри Кушкаи Туркманистон фиристоданд. Он вақт ҳама ҷо тинҷу амон ва арзонию фаровонӣ буд. Ҳеҷ кас намедонист, ки ин ҳама осудаҳолӣ баъд аз як сол ба як вазъи беамону нобасомон табдил меёбад ва чи гуна осмони софро дуду оташи ҷанг ғуборолуд мекунад”, - нақл карда буд Ғаффуров қаблан дар суҳбат бо Sputnik Тоҷикистон.

Мирзошариф Ғафуров барои шуҷоатмандӣ дар замони ҶБВ бо даҳҳо медалу мукофот қадршиносӣ гардидааст.

Соли ҷорӣ дар арафаи 75 – солагии Иди Ғалаба? Ғафуров дар қатори дигар иштирокчиёну собиқадорони ҷанг бо медали “75 -солагии Ғалаба дар ҶБВ,  1941-1945 сол”-и Федератсияи Русия сарфароз сарфароз гардонида шуд.

125
Барчаспҳо:
Ҷанги Бузурги Ватанӣ, аз дунё даргузашт, ҷанг, Тоҷикистон