Рамазон Рахимзода. Архивное фото

Раҳимзода барои шикояти як турк аз ришвахории милисаҳои тоҷик 25 кормандашро муҷозот кард

439
(Таҷдидшуда 09:56 29.08.2017)
Бо фармони вазири корҳои дохила аз 28-уми август 25 корманди милиса муҷозот шуданд

ДУШАНБЕ, 29 авг — Sputnik. Равобити умуми Вазорати умури дохилаи Тоҷикистон иттилоъ медиҳад, ки вазири ин ниҳод барои  мақолаи  як гардишгари турк, ки аз ришвахории милисаҳои тоҷик шикоят мекард, 25 кормандашро муҷозот кардааст.

Бино бар иттилои манбаъ, Вазорати корҳои дохилӣ мақолаи дар шабакаи интернет таҳти унвони "Ягон пулис мисли Тоҷикистон аз паси ришва нест"-ро, ки аз ҷониби аксбардор ва сайёҳи турк Меҳмет Генҷ нашр шуда буд, мавриди баррасӣ қарор дод.

Зимни санҷиши хизматӣ муайян карда шуд, ки баъзе кормандони ШБДА РВКД дар шаҳри Душанбе, ШБДА дар Қисми минтақавии РВКД дар вилояти Хатлон оид ба гурӯҳи ноҳияҳои Кӯлоб, шуъбачаҳои БДА мақомоти корҳои дохилӣ дар ш.Кӯлоб, ноҳияҳои Ш.Шоҳин ва Дарвоз ба камбудиҳо ва қонуншиканӣ роҳ додаанд.

"Ҷиҳати бартараф намудани камбудиҳои ҷойдошта тадбирҳои мушаххас андешида шуда, бо Фармони Вазири корҳои дохилии Ҷумҳурии Тоҷикистон аз 28-уми августи соли 2017 ба 25 нафар кормандони мақомоти корҳои дохилӣ ҷазоҳои интизомӣ татбиқ карда шуд",- гуфта мешавад дар гузориши манбаъ.

439
Барчаспҳо:
гардишгар, ришва, Рамазон Раҳимзода, Тоҷикистон
Туман в Душанбе, архивное фото

Ҳавои беборишу тағирёбанда: дар Душанбе меғ мефарояд

9
(Таҷдидшуда 09:52 27.11.2020)
Ожонсии обуҳавошиносии Тоҷикистон эълон доштааст, ки имрӯз дар ҷумҳурӣ ҳаво тағйирёбандаи бебориш хоҳад шуд

ДУШАНБЕ, 27 ноя – Sputnik. Бино бар иттилои Ожонсии обуҳавошиносӣ, имрӯз дар  шаҳри Душанбе ҳаво тағйирёбандаи бебориш шуда, туман мефарояд. Ҳарорати ҳаво шабона 1+3 дараҷа гарм ва рӯзона 13+15 дараҷа гарм мешавад.

Дар шаҳру ноҳияҳои тобеи марказ низ ҳаво тағйирёбандаи бебориш мешавад.  Дар ноҳияҳо туман мефарояд Ҳаво  дар водиҳо  шабона аз 1 дараҷа хунук то 4 дараҷа гарм ва рӯзона 10+15 дараҷа гарм мешавад.  Дар ноҳияҳои кӯҳӣ ҳаво шабона 1-6 дараҷа хунук ва рӯзона 5+10  дараҷа гарм мешавад.

Дар Вилояти Мухтори Кӯҳистони Бадахшон ҳаво ҳамчунин тағйирёбанда шуда, эҳтимоли бориши нисбатан сусти марҳилавӣ (0-0,5мм) дар назар аст. Ҳаво дар ғарби вилоят   шабона 0-5 дараҷа хунук мешавад. Рӯзона ҳаво  4+9 дараҷа гарм мешавад. Дар  шарқи вилоят  ҳаво шабона 16-21 дараҷа хунук ва рӯзона  4-9   дараҷа хунук мешавад.

Ҳаво дар вилояти Суғд  тағйирёбандаи бебориш шуда, дар баъзе ноҳияҳо туман мефарояд. Ҳаво  дар водиҳо шабона аз 2 дараҷа  хунук то 3 дараҷа гарм ва рӯзона 7+12 дараҷа гарм мешавад. Дар ноҳияҳои кӯҳӣ ҳаво шабона  2-7 дараҷа  хунук ва рӯзона 3+8 дараҷа гарм мешавад.

Дар вилояти Хатлон  ҳаво тағйирёбандаи бебориш шуда, дар ноҳияҳо туман мефарояд.  Ҳаво дар водиҳо шабона 0+5 дараҷа гарм ва рӯзона 12+17 дараҷа  гарм  мешавад. Дар  доманакӯҳҳо ҳаво шабона аз 2 дараҷа хунук  то 3 дараҷа гарм ва рӯзона 3+8  дараҷа гарм мешавад.

9
Барчаспҳо:
ҳаво, меғ мефарояд, Душанбе, Ожонси обуҳавошиносӣ, Тоҷикистон
Цистерна с нефтью, архивное фото

Маълум шуд саҳми воридоти сӯзишворӣ, гандум ва орд ба Тоҷикистон чиқадар аст

39
(Таҷдидшуда 01:50 27.11.2020)
17 дарсад аз воридоти Тоҷикистон аз январ то поёни октябри соли 2020 ба сӯзишворӣ, гандум ва орди Тоҷикистон ихтисос доштааст

ДУШАНБЕ, 27 ноя – Sputnik. Ба нақл аз сомонаи хабарии Авесто, Тоҷикистон дар 10 моҳи соли равон ба маблағи 436 миллион доллар сӯзишворӣ, орду гандум ворид карда аст, ки баробар бо 17,2 дарсад аз воридоти 2,5 миллиард долларии ин кишвар дар ин муддат мебошад.

Ҳаҷми сӯзишвории воридоти тайи ин муддат аз хориҷ ба Тоҷикистон наздик ба 489 ҳазор тон эълом шуда, ки ба ин манзур 232 миллион доллар ҳазина кардаанд.

Ин шохис дар муқоиса бо давраи монанди сол қабл афзоиши наздик ба 16 дарсадиро нишон медиҳад.

Ҳамчнин дар 10 моҳи гузашта аз хориҷ ба Тоҷикистон беш аз 761 ҳазор тон гандум ба арзиши молии 165 миллиону 500 ҳазор доллар ворид шудааст, ки дар муқоиса бо давраи мушобеҳи соли қабл бо коҳиши беш аз 7 дарсади рӯбарӯ аст.

Мизони орди воридоти ба Тоҷикистон дар ин муддат низ беш аз 73 ҳазор тон ба арзиши молии 18 миллиону 700 ҳазор доллар эълом шудааст.

Тоҷикистон ҳамасола бахши умдаи сӯзишворӣ, орду гандуми мавриди ниёзи худро аз Русия ва Қазоқистон ворид мекунад.

39
Барчаспҳо:
гандум, воридот, орд, сӯзишворӣ, Тоҷикистон