Амалиёти "Кӯкнор-2017": 2,5 тонна маводи нашъаовар ёфт ва мусодира шуд

© SputnikЦеремония сжигания наркотиков в Таджикистане
Церемония сжигания наркотиков в Таджикистане - Sputnik Тоҷикистон
Обуна шудан
Марҳилаи якуми амалиёти ҷумҳуриявии "Кӯкнор-2017" ба охир расид. Натиҷаҳои онро кормандони Ожонси мубориза бо маводи мухаддир ҷамъбаст карданд

ДУШАНБЕ, 13 сен — Sputnik. Тавре Ожонси мубориза бо маводи нашъаовари Тоҷикистон иттилоъ медиҳад,  кормандони ниҳод дар ҷаласае натиҷаҳои марҳилаи якуми амалиёти ҷумҳурияии "Кӯкнор-2017" ҷамъбаст карданд.

Бино бар иттилои манбаъ, дар амалиёти мазкур, ки марҳилаи якуми он аз 20 май то 31 август давом ёфт, намояндагони вазорату идораҳои дахлдор, мақомоти иҷроияи ҳокимияти давлатии вилоятӣ, шаҳрӣ ва ноҳиявии ВМКБ, вилоятҳои Суғд ва Хатлон, инчунин ноҳияҳои тобеи марказ иштирок намуданд.

Манбаъ меафзояд, дар рафти баргузории марҳилаи якуми амалиёт аз ҷониби мақомоти ҳифзи ҳуқуқи ҷумҳурӣ 410 ҳолати вобаста ба муомилоти ғайриқонунии маводи нашъаовар ошкор карда шуда, аз муомилоти ғайриқонунӣ 2 тоннаву 542 кг 582 гр маводи нашъаовар ва 4 746 дона ҳабҳои синтетикӣ дарёфт ва мусодира карда шуданд. Инчунин, дар ин давра 1 миллиону 346 ҳазору 649 бех ниҳолҳои нашъадори худрӯй дарёфт ва бо роҳи сӯзонидан нобуд карда шуданд.

Уничтожение крупной партии наркотиков, архивное фото - Sputnik Тоҷикистон
Дар ноҳияи Муъминобод ронандаи "Мерседес" бо 24 кг маводи нашъаовар боздошт шуд

Бино бар иттилои манбаъ, бо мақсади пешгирии сӯистеъмоли маводи нашъаовар нақшаҳои чорабиниҳои муштарак таҳия ва тасдиқ гардида, дар асоси он байни табақаҳои мухталифи аҳолии ҷумҳурӣ, ҷиҳати боз ҳам баланд бардоштани сатҳи маълумотнокии аҳолӣ оид ба пешгирии нашъамандӣ ва эмин нигоҳ доштани аҳолӣ аз ин хатарҳо чорабиниҳои оммавӣ, фарҳангӣ, пешгирикунанда ва фаҳмондадиҳӣ гузаронида шуданд.

Лентаи хабарҳо
0