Ҷашнвораи оши палав дар Хуҷанд. Акс аз бойгонӣ

Грантҳо ва шаҳрвандони ифтихорӣ: 23 сентябр Рӯзи Хуҷанд таҷлил мешавад

55
(Таҷдидшуда 16:55 20.09.2017)
Дар ин рӯз дар пойтахтии шимолии Тоҷикистон барномаҳои фарҳангӣ баргузор шуда, шаҳрвандони ифтихории Хуҷанд ва маҳаллаи беҳтарини ин шаҳр интихоб мешаванд

ДУШАНБЕ, 20 сен — Sputnik. Ба гузориши равобити умумии ҳукумати вилояти Суғд, рӯзи 23-сентябр шаҳри хуҷанд ба майдони ҷашнӣ табдил меёбад.

Рӯзи 23-юми сентябр, соати 17:00 дар назди Театри мазҳака-мусиқавии ба номи Камоли Хуҷандӣ бо ширкати меҳмонони дохиливу хориҷӣ Рӯзи шаҳри Хуҷанд таҷлил мешавад.

Дар ин рӯз хаймаи дастовардҳои соҳаҳои гуногуни шаҳр бо шумули маҳсули ҳунарҳои миллӣ, истеҳсолоти корхонаҳои саноатӣ, бофандагӣ, қаннодӣ, ширӣ, гӯштӣ ва ғайра ба маърази тамошо гузошта мешавад.

"Ҳамзамон озмуни шаҳрии "Маҳаллаи беҳтарин" натиҷагирӣ, унвони навбатии "Шаҳрвандони фахрии шаҳри Хуҷанд" ва ба 15 нафар занҳои ҳунарманд грантҳои раиси шаҳри Хуҷанд тақдим карда мешаванд", — омадааст дар хабарнома.

Иштироки ҳунармандони номвари Тоҷикистон дар барномаи фарҳангии Рӯзи шаҳри Хуҷанд дар назар дошта шудааст.

Ҷоиз ба зикр аст, ки ин бори сеюм аст, ки ҳамасола санаи 24 сентябр чун Рӯзи шаҳри Хуҷанд таҷлил карда мешавад.

Ёдоварӣ мекунем, ки бунгоҳи пажӯҳишҳои гардишгарии ТурСтат шаҳри Хуҷандро ба даҳгонаи шаҳрҳои қадима, ки ба далели осори торихӣ ва фарҳангияшон дар миёни ҷаҳонгардон номдор гаштаанд, ворид кардааст.

55
Барчаспҳо:
Рӯзи Хуҷанд, 23 сентябр, Хуҷанд
Мавзуъ
Намоишгоҳ-фурӯшгоҳи маҳсулоти кишоварзӣ дар Хуҷанд
Дар "Қалъаи Хуҷанд" ҷашнвораи "Оши палав" баргузор мешавад
Девушка в наручниках, архивное фото

"Арӯси хонавода хусурашро бо ҷӯбдаст латукӯб кард" - ВКД

5
Зан аз ҷониби кормандони Вазорати корҳои дохила боздошт шуда, нисбати вай бо моддаи 111 қисми 1 Кодекси ҷиноятии Ҷумҳурии Тоҷикистон парвандаи ҷиноӣ боз шудааст

ДУШАНБЕ, 22 сен — Sputnik. Арӯси хонавода хусурашро бо ҷӯбдаст латукӯб кард, гузориш медиҳад, Вазорати корҳои дохилаи Тоҷикистон.

Бино бар иттилои манбаъ, қазия рӯзона 16 сентябр дар ҷамоати деҳоти Исфисори ноҳияи Бобоҷон Ғафуров рух додааст.

Гуфта мешавад, зани боздоштшуда 42-сола аст. Аммо синну соли падари шавҳари ин зан дақиқ карда намешавад.

Ҳарчанд ҳодиса ҳафтае пеш рух дода бошад ҳам, ВКд дар бораи дар пайи чораҷӯиҳои бозҷӯӣ дастгир шудани зан имрӯз, 22 сентябр гузориш додааст.

Сабаби ин ҳодиса низ ҷангу ҷанҷоли байни хусур ва арӯси хонавода гуфта мешавад.

“Очаҷон мана об ба напарто”: худкушии зан бо ду фарзандаш баъди суҳбати телефонӣ бо шавҳар

Мувофиқи хулосаи ташхиси судӣ-тиббӣ ҷароҳати бардоштаи ҷабрдида зарари миёна ба саломатӣ мансуб мебошад.
Нисбати гумонбаршаванда парвандаи ҷиноятӣ бо моддаи 111 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

 

5
Рустам Назарзода, архивное фото

Кӯмак дар мубориза бо КОВИД-19: сипоси генерал Назарзода ба намояндаи агентии Оқохон

24
(Таҷдидшуда 11:39 22.09.2020)
Оҷонсии Оқохон ба Кумитаи ҳолатҳои фавқуллодаи Тоҷикистон барои мубориза бо коронавирус кӯмаки моддӣ, аз ҷумла таҷҳизоти тиббӣ расонидааст

ДУШАНБЕ, 22 сен — Sputnik. Бахши Оҷонсии Оқохон дар Тоҷикистон ба Кумитаи ҳолатҳои фавқуллода кӯмаки моддӣ расонид, хабар медиҳад КҲФ Тоҷикистон.

Бино бар иттилои манбаъ,  кӯмаки моддӣ иборат аз таҷҳизоти тиббӣ аз либосҳои  махсуси бисёркарата, мӯзаҳои резинӣ, айнакҳои муҳофизатӣ, ниқоб, сӯзандору, дастпӯш, дастгоҳҳои набзсанҷӣ, ҳароратсанҷҳои электронии фосилавӣ, антисептик ва воситаҳои уфунатзудоӣ  иборат мебошанд.

"Раиси Кумитаи ҳолатҳои фавқулода ва мудофиаи граждании мамлакат Рустам Назарзода дар маросими супоридани воситаҳои  тиббӣ ба сарвари Агентии Оқохон оид ба макони зист  Ҳадӣ Ҳусайнӣ  изҳори сипос карда, зикр намуд, ки кумаке, ки имрӯз дастрас шуд, ба пешгирӣ аз густариши COVID-19 дар Тоҷикистон равона шудааст", - менависад КҲФ Тоҷикистон.

Ҳадӣ Ҳусайнӣ иброз намуд, ки оҷонсӣ дар оянда низ аз талошҳои Ҳукумати Ҷумҳурии Тоҷикистон дар пешгирӣ аз густариши коронавируси   COVID-19 пуштибонӣ мекунад.

Ёдовар мешавем, ки кумакҳои мазкур бо мақсади пешгирӣ аз густариши   COVID-19  пешбинӣ шуда,  барои табобати ҳайати шахсии Кумита дар сурати мубтало шудан ба бемории мазкур истифода мешаванд.

Илова бар ин Агентӣ як мошини тамғаи "Ниссан"-ро, ки мутааллиқ ба Кумитаи мазкур буд, пурра таъмир карда, ба ихтиёри ин ниҳод гузошт.

 

24