Мудири Китобхонаи миллии Тоҷикистон Сайфиддин Назарзода

Назарзода хостори ҳузури 5 корманди Ожонси мубориза бо фасод дар додгоҳ шудааст

269
(Таҷдидшуда 18:13 24.09.2017)
Идомаи баррасии шикояти Назарзода - раиси собиқи Китобхонаи Миллӣ дар додгоҳ

ДУШАНБЕ, 23 сен — Sputnik. Сайфиддин Назарзода  хостори ҳузури 5 корманди Ожонси мубориза бо фасод дар додгоҳ шудааст. Дар ин бора хабаргузории "Порс тудэй" иттилоъ медиҳад.

Бинобар иттилои манбаъ, дар Додгоҳи ноҳияи Исмоили Сомонии шаҳри Душанбе баррасии шикояти Сайфиддин Назарзода, раиси барканоршудаи Китобхонаи Миллии Тоҷикистон, ки муттаҳам ба нақзи Қонуни танзими анъана ва ҷашну маросим дар ҷашни арӯсии писараш мебошад, идома дорад.

Назарзода қаблан бо эътироз ба ҳукми барканории хеш аз симмати раёсати Китобхонаи Миллии Тоҷикистон пахши гузорише аз шеваи баргузории ҷашни арӯсии писараш аз телевизиони давлатии Тоҷикистонро кори дасти бадхоҳон унвон кардаву муддаӣ шуда буд, ки қонуни танзими маросимро нақз накардааст.

Аммо ошпази палови ҷашни арӯсии писари Сайфиддин Назарзода шаҳодат додааст, ки барои 400 меҳмон биринҷ пухтааст, ки боз ҳам кофӣ набуд. Ҳол он ки бояд бар асоси Қонуни танзими анъана ва ҷашну маросим теъдоди меҳмонон набояд аз150 нафар бештар бошад.

Кормандони Ожонси давлатии мубориза бо фасоди молии Тоҷикистон, ки алайҳи Назарзода ба иттиҳоми нақзи ин қонун шикоят кардаанд, мегӯянд, ки дар ҷашни арӯсии писари раиси пешини Китобхонаи Миллии Тоҷикистон 300 меҳмон ҳузур дошт.

Назарзода хостори ҳузури 5 корманди Ожонси давлатии мубориза бо фасоди молии Тоҷикистон дар додгоҳ шудааст, ки бидуни даъват дар маросими арӯсии писараш иқдом ба тасвирбардорӣ кардаанд ва баъдан ин гузориш аз телевизиони давлатӣ барои муттаҳам намудани вай ба нақзи қонуни танзими маросим пахш гардидааст.

Вай муддаӣ аст, ки ин афрод амдан ба ҳадафи зиёд нишон додани теъдоди меҳмонон дар ҷашни арӯсии писараш аз бархе даъватшудагон тасвири такрорӣ таҳия кардаанд, ки баъдан ин саҳнаҳоро ба унвони ҳузури беш аз андозаи меҳмонон ба намоиш гузоранд.

Сайфиддин Назарзода, раиси Китобхонаи Миллии Тоҷикистон дар авоили моҳи август ба далели нақзи Қонуни танзими анъана ва ҷашну маросим аз сўйи раиси ҷумҳурии Тоҷикистон аз ин симмат барканор шуд, ки муддаӣ аст ин иқдом ғайримунсифона мебошад.

269
Барчаспҳо:
қонуни танзим, Ожонси мубориза бо фасод, Сайфиддин Назарзода, Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

463
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

463
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

2697
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

2697
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон