Ҷаласа дар ВКД

Барканории мансабдорон: ба амниятиҳо натиҷаи нақзи қонуни танзимро фаҳмониданд

345
(Таҷдидшуда 12:44 25.09.2017)
Дар машварате, ки бо кормандони ҳифзи ҳуқуқ оиди исллоҳи қонуни танзим гузаронида шуд, ёдоварӣ карданд, ки дар сурати вайрон кардани қоуни танзим мансабдорон аз вазифа барканор карда мешаванд

ДУШАНБЕ, 24 сен — Sputnik.  Ба гузориши равобити умумии ВКД ҶТ, рӯзи 21-уми сентябр, дар толори Маркази таълимии Сарраёсати Хадамоти давлатии оташнишонии ВКД, семинар-машварат оид ба тағйиру илова ба қонуни танзим доир гардид.

Дар ин машварат роҳбарияти СХДО ва кормандони масъулу раисони созмонҳои ҷамъиятии хадамоти давлатии оташнишонӣ аз тамоми шаҳру ноҳияҳои ҷумҳурӣ, намояндаи Кумитаи оид ба корҳои дин, танзими анъана ва ҷашну маросимҳои миллӣ Нигинамоҳ Ризоева, кормандони Раёсати кадрҳо ва кор бо ҳайати шахсии ВКД Акрам Элмуродов ва капитани милитсия Некрўз Шомирзоев ширкат кардаанд.

Сардори СХДО Нозимҷон Иброҳимзода ҳангоми суханронӣ гуфтааст, ки  қонун "Дар бораи танзими анъана ва ҷашну маросимҳо дар Ҷумҳурии Тоҷикистон"  аз ҷумлаи қонунҳои умумимиллие мебошад, ки дар қабул ва тағйиру иловаҳо ба он таклифу пешниҳодҳои шаҳрвандон пурра ба назар гирифта шудааст, ки назири чунин қонун дар таҷрибаи қонунгузории дигар давлатҳо ҷой надорад.

Ба иттилоъи манбаъ, намояндаи Кумитаи дин Нигинамоҳ Ризоева ҳам гуфтааст, ки лоиҳаҳои пешниҳодгардида дар асоси дархосту пешниҳоди сокинони мамлакат зимни вохӯриҳо, баромадҳо тавассути воситаҳои ахбори омма, инчунин зимни мулоқот ба муносибати 10-солагии қабули Қонун "Дар бораи танзими анъана ва ҷашну маросимҳо дар Ҷумҳурии Тоҷикистон" 11 июли соли 2017 баён гардида буданд, таҳия гардидаанд.

"Ба он як қатор меъёрҳои наве ворид гардидаанд, ки онҳо барои ҳимояи манфиатҳои аҳолӣ равона карда шудаанд. Аз ҷумла, дар рӯзҳои Иди Рамазон ва Қурбон оростани дастархони маънавии хоксорона ва роҳ надодан ба исрофкорӣ ва зиёдаравӣ", — гуфтааст вай.

Акрам Элмуродов ва Некрӯз Шомирзоев тағйиру иловаҳои воридгардидаро ба моддаҳои 10, 11 ва 14-и Қонуни мазкур муфассал шарҳ доданд.

Ҳамчунин дар рафти семинар-машварат қайд карда шуд, ки тибқи таҳлилҳо аксари мардум бар он ақидаанд, ки талаботи қонуни мазкурро бештар шахсони мансабдор, хизматчиёни давлатӣ, сарватмандон, соҳибкорон ва ходимони дин вайрон мекунанд.

"Бо назардошти ин ҳолат мувофиқи меъёри нави қонун, раисони вилоятҳо ва шаҳру ноҳияҳо, дигар шахсони мансабдори давлатӣ, хизматчиёни давлатӣ, судяҳо, кормандони мақомоти прокуратура, амният, корҳои дохилӣ, назорати давлатии молиявӣ ва мубориза бо коррупсия, дигар кормандони мақомоти ҳифзи ҳуқуқ, андоз, гумрук ва хизматчиёни ҳарбӣ барои вайрон кардани талаботи Қонуни мазкур аз ҷониби онҳо ва фарзандонашон мутобиқи Қонунгузории Ҷумҳурии Тоҷикистон аз мансаб озод карда мешаванд", — омадааст дар хабарнома.

Бархе аз таҳлилгарону коршиносон аз ислоҳи қонуни танзим ҷонибдорӣ карда, онро далели аз қарзҳо халос шудани мардуми тоҷик медонанд. Тоҳир Қаландаров коршиноси Фарҳангистони Русия гуфта буд, ки ин қонун мардумро аз қарз озод мекунад.

345
Мавзуъ
Бахшида ба қонуни танзим: Филми "Тангно"-ро дар Хуҷанд ба намоиш гузоштанд
Тоҳир Қаландаров: қонуни танзим мардумро аз қарз озод мекунад
Танзим: раисҷумҳур аз ин пас мансабдорони қонуншиканро аз симаташон барканор мекунад
Сотрудник милиции проверяет салон маршруток в Душанбе

Пулис сокини 30 - солаи Кӯлобро меҷӯяд: аз чор нафар 1.5 миллион сомонӣ гирифту ғайб зад

269
Кормандони Вазорати умури дохилии Тоҷикистон сокини 30 - солаи Кӯлобро меҷӯянд, ки дар фиреби 4 мард муттаҳам дониста мешавад

ДУШАНБЕ, 11 авг – Sputnik. Аз болои сокини 30 - солаи шаҳри Кӯлоб марди 40 - сола, ки низ аз ҳамин шаҳр мебошад, ба ШВУД дар шаҳри Кӯлоб муроҷиат намуд, хабар медиҳад котиботи ВУД.

Бар тибқи даъвои сокини Кӯлоб, ҷавони 30 - сола соли гузашта ба боварияш даромада аз ӯ 1 миллиону 147 ҳазору 500-сомонӣ гирифта, ғайб задааст.

Зимнан, ин ҷавон бо ҳамин тарзу усул бо роҳи фиреб ба воситаи шахси сеюм ба боварии марди 34 - солаи сокини ҳамин шаҳр даромада, аз ӯ 88 ҳазор сомониро гирифта, барнагардондаст.

Раис аз дасти коргар фиреб хурд: боздошти корманди ширкати “Афзалият-Групп” барои қаллобӣ

Инчунин ӯ бо роҳи фиреб ба воситаи марди 34 - сола ба боварии марди 32 - солаи сокини шаҳри мазкур даромада, аз ӯ 115 ҳазор сомонӣ гирифта, маблағи мазкурро ба эҳтиёҷоти шахсиаш сарф намудааст.

"Боз ӯ бо роҳи фиреб ба боварии марди 30 - солаи сокини ҳамин шаҳр даромада, ба воситаи ӯ аз марди 34 - солаи сокини ҷамоати деҳоти Балхоби ноҳияи Муъминобод, 234 ҳазор сомонӣ, чорвои майдаи шохдор гирифта ба эҳтиёҷоти шахсиаш сарф намудааст", - таъкид мешавад дар хабар.

ВУД Тоҷикистон тавзеҳ медиҳад, ки  дар маҷмӯъ номбурда ба шахсони дар боло зикршуда, маблағи умумии 1 миллиону 584 ҳазору 500  сомонӣ зарари махсусан калони моддӣ расонидааст.

Манбаъ меафзояд, нисбати гумонбаршаванда бо моддаи 247 қисми 4 банди "б"-и Кодекси ҷиноии Тоҷикистон парвандаи ҷиноятӣ оғоз гардида, тафтишот идома дорад.

269
Барчаспҳо:
қаллобӣ, пулис, ҷустуҷӯ, сокин, Кӯлоб
Народный поэт Таджикистана Гулназар Келди

“Худатонро эҳтиёт кунед!” Насиҳати Гулназар Келдӣ аз шифохонаи “Истиқлол”

385
 Гулназар Келдӣ, Шоири халқӣ ва муаллифи Суруди миллии Тоҷикистон бо гумони ибтило ба “вируси корона” ба Маҷмааи тандурустии “Истиқлол” интиқол ёфтааст

 ДУШАНБЕ, 11 авг — Sputnik. Худи шоир дар таъйиди ин хабар ба Sputnik Тоҷикистон гуфт, як рӯзи қабл дарди ногуворе саропои вуҷудашро ларзонд ва наздиконаш маслиҳат донистанд, ки ӯро ба шифохона интиқол диҳанд.

“Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфт Шоири халқии Тоҷикистон.

Гулназар Келдӣ 20 сентябри соли 1945 таваллуд шуда, ба номи худ Ҷоизаи давлатии Тоҷикистон ба номи Абӯабдуллоҳи Рӯдакӣ (1994), Ҷоизаи Комсомоли Тоҷикистон, Ҷоизаи ба номи М. Турсунзода.

Шоири халқии Тоҷикистон (1995) – ро сабт кардааст. Муаллифи матни Cуруди миллии Тоҷикистон мебошад. "Расми сарбозӣ" - нахустин маҷмӯаи шеърҳои ӯ соли 1969 чоп шудааст.

Эълони омори тозаи сироят, фавт ва шифоёбӣ аз коронавирус дар Тоҷикистон

"Дастархон" (1972), "Нордбон" (1975), "Ағба" (1978), "Паҳно" (1981), "Лангар" (1983), "Пайи дарё" (1985), "Чашми нигин" (1988), "Табхола" (1992 г.), “Туву хубиву раъноӣ” маҳсули фаъолияти беш аз нимасраи ӯ мебошанд. Маҷмӯаҳои вай ба забони русӣ бо номи "Звезда Улугбека" (1981) ва "Безымянный родник" (1986) дар нашриёти "Советский писатель" – и Русия ва "Тень тутовника" (1989) дар Душанбе чоп шудаанд. Осори ӯ дар Афғонистону Эрон ва дигар кишварҳо низ ба нашр расидаанд.

385
Президент США Дональд Трамп

Тирпарронӣ ҳангоми суханронии Трамп дар Кохи сафед: ӯ фавран биноро тарк кард - видео

0
Дар Кохи сафед аснои нишасти матбуотӣ Доналд Трамп новобаста аз нотамом мондани ҳарафаш толорро тарк кард

ДУШАНБЕ, 11 авг – Sputnik. Омили асосии берун рафтани кишвардори Амрико Доналд Трамп аз толоре, ки бо хабарнигорон сӯҳбат мекард,тирпарронӣ дар берун аз қасри президент арзёбӣ мешавад.

Дар Телеграмм наворе нашр шудааст, ки яке аз муҳофизони Кохи сафед назди Трамп омада, ба ӯ чизеро гуфт, ки кишвардор баъди ҳарфи ӯ фавран аз толор берун рафт.

Сипас маълум гардид, ки дар беруни бино нафари мусаллаҳ сӯи кормандони мақомоти ҳифзи ҳуқуқ тир кушодаст ва аз тири ҷавобӣ маҳв гардидааст.

манобеи РИА Новости менависад, пас аз маҳв шудани силоҳбадаст, кишвардор дигарбора назди хабарнигорон ҳозир шуд ва нишасти хабарӣ идома ёфт.

 

 

 

 

 

0
Барчаспҳо:
навор, Кохи сафед, тирпарронӣ, Доналд Трамп