Президент Таджикистана Эмомали Рахмон и его брат Нуриддин Рахмонов, архивное фото

Ҳамдардии мардуми Тоҷикистон бо Эмомалӣ Раҳмон

922
(Таҷдидшуда 15:37 09.10.2017)
Мардуми Тоҷикистон тариқи шабакаҳои иҷтимоӣ ба раисҷумҳури Тоҷикистон ҳамдардӣ кардаанд

ДУШАНБЕ, 8 окт — Sputnik. Рӯзи 7 —уми октябри соли 2017 аз бемории сактаи қалб бародари раисҷумҳури Тоҷикистон, Нуриддин Раҳмон дар синни 67-солагӣ аз олам дар гузашт.

Аҳли фарҳангу адаби ҷомеаи Тоҷикистон ба раисҷумҳури Тоҷикистон изҳори таслият мекунад.

Ҳамин тавр Исматулло Холов-сҳунарманди шинохтаи тоҷик аз номи "Иттиҳодияи давлатии гурӯҳҳои эҷодию консертӣ" дар саҳифаи Фейсбукиаш менависад:

"Ҳамдардии хешро аз номи аҳли ҳунари "Иттиҳодияи давлатии гурӯҳҳои эҷодию консерти"-и Вазорати фарҳанги Ҷумҳурии Тоҷикистон ба Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бинобар сабаби марги нобаҳангоми бародарбузургашон фақид Нуриддин Раҳмон ҳамдарди баён менамоем,Ҷаноби Олӣ, ба Шумову бастагону пайвандон ва ба аҳли хонаводаи эшон аз даргоҳи Худованди азза ва ҷаъл сабри ҷамил хоҳонем".

Корбари дигари Фейсбук, Сорбонҷон Рамазонзода аз дӯстон даъват кардааст, ки даст ба дуо бардошта аз даргоҳи раҳматаш илтиҷои бандагӣ куанд. Руҳашон шоду хонаи охираташон обод бошад ба Пешвои муазами миллат ҳамдарди ва сабри чамилро гуё шавем".

Мардихудо Давлатов низ ба раисҷумҳури Тоҷикистон изҳори таслият кардааст.

"Изҳори тасаллият ба Асосгузори сулҳу ваҳдат, Пешвои миллат, Президенти Ҷумҳурии Тоҷикистон Муҳтарам Эмомали Раҳмон,бинобар сабаби марги ногаҳонии бародаратон ҳамдарди баён менамоям ба шумо аз даргоҳи Худованди азза ва ҷаъл сабри ҷамил хоҳонам.Инно лиллохи ва инно илайхи рочиъун Худованд рахмату магфиратшон кунад!".

Олим ва шоири маъруф Рустам Ваҳҳоб номаҳои таслияти мардумро ба Эмомалӣ Раҳмон хулосабарораӣ карда шеъре навиштааст.

"Мо аз они Худоем ва ба сӯйи Ӯ бозгардон. Бо арзи таслият ва ҳамдардии амиқ бино бар даргузашти ногаҳонии марҳум Нуриддин Раҳмон, бародарбузурги Президенти муҳтарами кишварамон Эмомалӣ Раҳмон, соатҳост паёмҳои самимонаи таслият ва ҳамдардии мардумро мутолиа менамоям ва дар ҳошияи ин паёмҳои софдилона чанд сатре манзумро арза месозам, ки ба сурате бозгӯйи мазмуни онҳо низ ҳаст:

БЕХАЗОНӢ

"Қадри одам ҳам баланд аз хоксорӣ мешавад"

Он ки қадри хок донад, осмонӣ мешавад,

Он ки қадри халқ донад, ҷовидонӣ мешавад.

Он ки умре рӯй дорад ҷониби Хизри мурод,

Обрӯяш беҳ зи оби зиндагонӣ мешавад.

Назри осоиш бувад чун изтироби аҳли дил,

Қатраи хуни диле муҳри амонӣ мешавад.

Он ки бо халқи Худояш меҳрубонӣ расм буд,

Аз Худовандаш нисори меҳрубонӣ мешавад.

Дар ҳарими аҳли заҳмат некномӣ парваранд,

Бенишонӣ оқибат олинишонӣ мешавад.

Меҳргони барзгар базри баҳори дигар аст,

Манзилаш боғу баҳори бехазонӣ мешавад.    

 

 

922
Барчаспҳо:
ҳамдардӣ, Эмомалӣ Раҳмон, Тоҷикистон
Мавзуъ
Изҳори таслияти ҳукумат ба Эмомалӣ Раҳмон
Бародари раисҷумҳури Тоҷикистон Нуриддин Раҳмон дар гузашт

Вазорат тасдиқ кард: дар Тоҷикистон шумори ҷонбохтагон бар асари COVID-19 афзоиш ёфт

140
(Таҷдидшуда 22:19 30.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии вируси коронаро нашр кард

ДУШАНБЕ, 30 сен — Sputnik. Шабонарӯзи гузашта 43 ҳодисаи нави бемории COVID-19 дарёфт гардида,  иттилоъ додааст дафтари матбуоти Вазорати тандурустӣ ва ҳифзи иҷтимоии аҳолии Тоҷикистон.

Бино бар иттилои манбаъ шаббнарӯзи гузашта 74 нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд

Тавре манбаъ қайд кардааст дар маҷмӯъ шумораи гирифторони ин беморӣ ба  9769 нафар баробар гардидаст.

Инчунин,  таъкид шудааст, ки то санаи  30 сентябр дар мамлакат  8572  (87,7%) нафар аз бемории COVID-19 шифо ёфта,  бар асари он 76  нафар фавтидаанд.

Маврид ба зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

140
Барчаспҳо:
афзоиш, вазорат, сироят, омор, вируси корона, Тоҷикистон
Футбольный мяч на поле, архивное фото

Дар деҳаи Шуҷанди ноҳияи Рӯшон варзишгоҳи муосир бунёд шуд

23
(Таҷдидшуда 21:40 30.09.2020)
Дар рӯзи ифтитоҳи варзишгоҳ Хонаи фарҳанги деҳа низ пас аз таъмиру таҷдид дари худро ба рӯи сокинон боз намуд

ДУШАНБЕ, 30 сен — Sputnik. Дар деҳаи Шуҷанди ноҳияи Рӯшони Вилояти Мухтори Кӯҳистони Бадахшон варзишгоҳи муосир ба истифода дода шуд. 

Дар варзишгоҳ барои машқ ва мусобиқа аз намудҳои баскетбол, волейбол, футболи хурд, давидан ба масофаи кӯтоҳ шароити мусоид фароҳам оварда шудааст, хабар медиҳад АМИТ "Ховар".

Директори мактаби №10-и деҳаи мазкур Акимбек Акимбеков гуфт, ки "ин варзишгоҳ дар наздикии бинои таълимгоҳ  воқеъ аст. Дар мувофиқа бо бахши ҷавонон ва варзиши назди мақомоти ноҳия то нисфирӯзӣ хонандагони таълимгоҳ дар ин варзишгоҳ  дарси тарбияи ҷисмонӣ мегузаронанд ва пас аз анҷоми дарс он дар ихтиёри ҷавонони деҳа гузошта мешавад".

Муовини аввали раиси ноҳияи Рӯшон Гулмаст Дӯсталиев гуфт, ки "Ҳукумати ҷумҳурӣ ба солимии насли наврас таваҷҷуҳи зиёд равона месозад ва инро мо дар ноҳияи худ низ мушоҳида мекунем. Танҳо дар се соли охир се варзишгоҳи мутобиқ ба меъёрҳои байналмилалӣ мавриди баҳрабардорӣ  қарор дода шуданд".

Ба иттилои Дӯсталиев барои бунёди ин варзишгоҳ дар ҳамкорӣ бо шарикони рушд 650 ҳазор сомонӣ сарф шуд.

Ҳоло сохтмони майдони футбол дар маркази ноҳия барои 6 ҳазор ҷои нишаст идома дошта, дар назар аст, ки  дар остонаи ҷашни 30-солагии Истиқлоли Тоҷикистон ба истифода дода шавад.

23
Барчаспҳо:
Варзишгоҳ, Рӯшон, ВМКБ
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон