Пайдо шудани колои қочоқ дар анбори равғанбарорӣ дар Исфара

Аз анбори корхонаи равғани Исфара колои қочоқӣ пайдо шуд

158
(Таҷдидшуда 13:55 09.11.2017)
Арзиши умумии колои қочоқӣ, ки аз Қирғизистон ба Тоҷикистон ғайриқонунӣ ворид карда шудааст, наздики 200 ҳазор сомониро ташкил медодааст

ДУШАНБЕ, 9 ноя — Sputnik. Хадамоти гумруки Тоҷикистон гузориш дод, аз корхонаи равғани Исфара колои қочоқӣ пайдо шудааст.

Бино бар иттилои манбаъ,  корхонаи равғанро кормандони хадамот ҳамроҳ бо  кормандони додситонӣ аз бозрасии гумрукӣ гузаронданд.

Дар паи бозрасӣ аз ин анбор ҷевонҳои гуногунҳаҷм, кат барои кӯдакон, инчунин қисмҳои эҳтиётии асбобҳои сохтмонӣ пайдо шудааст, ки бо роҳи ғайриқонунӣ аз Қирғизистон ба Тоҷикистон ворид гардидаанд.

Гуфта мешавад, арзиши умумии колои қочоқӣ наздикӣ 200 ҳазор сомониро ташкил медиҳад.

Аз рӯйи ҳолати мазкур парвандаи ҷиноятӣ боз шудааст.

Бино бар иттилои манбаъ, ин колоро як шаҳрванди Тоҷикистон,  ки номашро хадамот ошкор намекунад,  бе назорати гумрукӣ аз Қирғизистон ба Тоҷикистон ворид кардааст.

158
Барчаспҳо:
коло, қочоқ, хадамоти гумрук, Исфара, Тоҷикистон
Дети играют на улице зимой, архивное фото

Аҳолии Тоҷикистон чанд миллион шуд?

194
(Таҷдидшуда 16:55 26.11.2020)
Агентии омори Тоҷикистон эълом кард, ки теъдоди ҷамъияти Тоҷикистон ба 9 миллиону 444 ҳазору 250 нафар расидааст

ДУШАНБЕ, 26 ноя — Sputnik. Дар 10 моҳи ахири соли ҷорӣ, аҳолии Тоҷикистон бо рушди беш аз 2 дарсадӣ дар муқоиса бо ҳамин давраи соли гузашта ба 9 444 250 нафар расидааст.

Хабаргузории "Парс тудей" ба такя ба иттилои Агентии омор хабар медиҳад, ки аҳолии вилояти Хатлон ба 3 миллиону 400 ҳазор нафар, вилояти Суғд 2 миллиону 700 ҳазор, ноҳияҳои тобеи марказ  ба 2 миллиону 200 ҳазор нафар баробар шудааст.

Ҳамчунин дар Вилояти Мухтори Кӯҳистони Бадахшон 230 500 нафар ва дар шаҳри Душанбе 871 ҳазор нафар ба сар мебаранд.

Қаблан, Созмони Милали Муттаҳид пешгӯӣ намуда буд, ки аҳолии Тоҷикистон то чӣ андоза тағйир меёбад.

Тибқи дурнамои СММ то соли 2100 аҳолии ҷумҳурӣ 2,5 баробар зиёд шуда, ба беш аз 25 миллион нафар мерасад.

Ҷамшед Табарзода гуфт, чанд фоизи аҳолии Тоҷикистон ба оби нӯшокӣ дастрасӣ надоранд

Дар ҳамин ҳол, то соли 2030 аҳолии Тоҷикистон ба 12 миллион нафар ва дар соли 2040 ба 14 миллион нафар хоҳад расид.

Ҳанӯз соли 2019 Ҳукумати Тоҷикистон барномаи давлатии ҷадид, ки ба солимии репродуктивӣ марбут аст, пиёда намуд.

Ин барнома метавонад аз ҳамли нохостаи беш аз 450 ҳазор занон дар қаламрави ҷумҳурӣ пешгирӣ кунад. Он замон мутахассисони Вазорати тандурустӣ гуфтаанд, ки агар барномаи нав дуруст амалӣ шавад, имкон медиҳад, дар Тоҷикистон дар муддати 3 соли оянда аз 450 ҳазор ва аз ин ҳам бештар таваллуди нохоста пешгирӣ шавад.

Ёдовар мешавем, ки аҳолии Тоҷикистон дар соли 1991 ба 5 миллиону 400 ҳазор нафар баробар буд.

194
Барчаспҳо:
Тоҷикистон, аҳолӣ
Министр экономики Завки Завкизода отдал подарки детскому дому в районе Нуробод

Завқӣ Завқизода ба кӯдакони ятими ноҳияи Нуробод либоси гарм бурд

66
(Таҷдидшуда 15:10 26.11.2020)
Вазири рушди иқтисод ва савдои Тоҷикистон таъкид доштааст, ки амалҳои хайру савоб, аз ҷумла ғамхорӣ зоҳир намудан ба ятимону бепарасторон, пирону эҳтиёҷмандон ҳамеша дар мадди назари Ҳукумати кившар аст

ДУШАНБЕ, 26 ноя — Sputnik. Завқӣ Завқизода, вазири рушди иқтисод ва савдо ба Мактаб-интернати ҷумҳуриявии кӯдакони ятими ноҳияи Нуробод кӯмакҳои моддӣ дастрас намуд. Иттилоъ додааст дафтари матбуоти вазорат.

Бино бар иттилои манбаъ, бо мақсади омодагӣ ба фасли зимистон ва зимистонгузаронӣ як зумра маводҳои либоса, таълимӣ ва хурокворӣ супорида шуд.

Гуфта шудааст, ки вазир 110 дона курткаи зимистона, 135 ҷуфт пойафзол, 50 литр равған, 10 халта орд, 40кг гӯшт, 50 кг биринҷ, 50 кг шакар, 200 адад ниқоби муҳофизатии тиббӣ, 20 адад моеъи антисептикӣ, 135 дона ручка, 135 дона дафтар ва 20 қуттӣ бур ба таълимгарони Мактаб интернати мазкур супорид.

Завқӣ Завқизода дар назди таълимгирандагон таъкид доштааст, ки   амалҳои хайру савоб, аз ҷумла ғамхорӣ зоҳир намудан ба ятимону бепарасторон, пирону эҳтиёҷмандон, маъюбону камбизоатон ҳамеша дар мадди назари Ҳукумати ҷумҳурӣ қарор дорад.

Кӯмаки бештар намоед: Завқизода аз СММ чӣ хост?

Айни замон дар Мактаб интернати ҷумҳуриявии кудакони ятими ноҳияи Нуробод 135 нафар хонандагон бо шароитҳои хуб таълиму тарбия мегиранд.

66
Барчаспҳо:
кумак, ятимхона, вазир, Тоҷикистон
Мошинҳои милиса, акс аз бойгонӣ

Шарҳи ВУД дар бораи қазияи писари Маҳмурод Одинаев-видео

0
(Таҷдидшуда 16:56 26.11.2020)
Вазорати умури дохилии Тоҷикистон бо нашри як гузориш қазияи латукӯби Шайхмуслиҳиддин Ризоев, писари Маҳмурод Одинаев, ноиби раиси ҲСДТ-ро шарҳ додааст

ДУШАНБЕ, 26 ноя – Sputnik. ВУД ба фаъолияти сиёсии Одинаев рабт доштани латукӯби писараш - Шайхмуслиҳиддин Ризоевро рад карда, изҳор доштаст, ки ӯ аз ҷониби Имомиддин Амиршоев, муҳофизи тарабхонаи “Шоми Шӯроб” латукӯб шудааст.

Ба иттилои манбаъ, ҳодиса тақрибан соати 2-и шаб дар ҳоле рух додааст, ки муҳофизони тарабхона хостаанд, духтар Шаҳноза Саидоваро аз дасти Ризоев халос кунанд.

Шаҳноза Саидова дар гузориш гуфтааст, ки бо мошини Ризоев назди тарабхона омадааст, аммо пулро надода, изҳор доштааст, ки маблағро дугонааш медиҳад, аммо ронанда бовар накардааст ва муноқиша рух додааст.

Худи Ризоев дар шарҳи қазия изҳор дошт, ки духтари мусофирро аз роҳ савор карда, то пеши тарабхонаи “Шоми Шӯроб”-и деҳаи Шӯроби шаҳри Ҳисор бурд, аммо духтар гуфт, ки маблағро дугонааш медиҳад, ки дар тарабхона аст. Ӯ афзуд, ки дар тарабхона дугонаро наёфт ва вақте баромад, Саидова аллакай ба дигар мошин савор шуданӣ буд.

“Ман ӯро аз даруни мошин кашида фаровардам, якто задам, ки бачаҳо тарафи ман давида маро заданд”, - гуфт Шайхмуслиҳиддин Одинаев.

Маҳмурод Одинаев, ноиби раиси ҲСДТ, қаблан дар расонаҳо аз латукӯби писараш, ки таксӣ меронад,  хабар дода, эҳтимолан онро ба фаъолияти сиёсии худ рабт дод.

Ин дар ҳолест, ки бар асоси хабарҳои нашршудаи охир Маҳмурод Одинаев тайи рӯзҳои охир нопадид шудааст.

Мақомоти умури дохилии Тоҷикистон дар ин бора шарҳе ироа накардаанд.

0
Барчаспҳо:
боздошт, латукӯб, Тоҷикистон