Иранский певец Мухсин Човуши

Афсонаи сафари ҳунарии Муҳсин Човушӣ ба Тоҷикистон ё овоз ҳам "дубликат” дорад?

613
(Таҷдидшуда 19:03 10.11.2017)
Вай Муҳсин Човушӣ нест, кӣ ба Шумо гуфтаст Муҳсин Човушӣ? Вай Ризол Муҳаммад аст. Медонед, вай намояндаи Муҳсин Човушӣ аст ва Муҳсин дар ҷое суруд намехонад. Вай дар клипҳо ҳам нест. Ин ҳам ҳунарманди эронӣ аст, ки сурудҳои ӯро мехонад. Муҳсин ҳеҷ вақт ба хориҷа сафар намекунад ва консерт намедиҳад, барои ҳамин намояндааш меояд.

ДУШАНБЕ, 10 ноя — Sputnik, Гурдофарид Ҳакимзода. Саҳари солеҳон. Рӯзи ман бо садои радио оғоз меёбад. Радио огаҳии бозаргонӣ пахш кардан гирифту хостам онро хомӯш карда аз паси корам шавам, лекин даст нигаҳ доштам. Зеро садои Муҳсин Човуширо шунидам, ки мехонд "Азизам куҷоӣ? Дақиан куҷоӣ?"…

Суруде, ки бисёр гӯшаш мекунам. "Муҳсин Човушӣ танҳо як рӯз ба ноҳияи Ашт меояд", — огаҳӣ мерасонд радио. Шод шудаму хостам дигаронро ҳам аз ин хабар огоҳ кунам.

Дар дафтари кор зуд гӯши телефонро мегираму ба шуморае, ки радио эълон кард, занг мезанам.

— Салом алейкум!

— Алейкум салом!

— Хабарнигор ҳастам… Мехостам дар бораи консерти Муҳсин Човушӣ бипурсам.

— Марҳамат, марҳамат..

— Оё Муҳсин Човушӣ ба Тоҷикистон меояд?

— Бале, рӯзи 11-уми ноябр дар Душанбе ҳунарнамоӣ мекунад ва рӯзи 12-ум ба ноҳияи Ашт меоянд. Ҷузъиёташро аз дигар кас ҷӯё шавед, гуфт вай ва шуморае дод то тамос бигирам.

Баннер на улыцах Душанбе и район Ашт
© Фото : Шохзод Давлатов
Баннер на улыцах Душанбе и район Ашт

Ба он "дигар кас"  занг мезанам. Дар посух ба суолам шунидам, ки на Муҳсин Човушӣ, балки Ризол Муҳаммад Човушӣ меояд. Ин "дигар кас" бо шунидани номи Муҳсин Човушӣ шигифтзада мешавад. "Кӣ ба шумо гуфта, ки Муҳсин меояд? Ин хабар дуруст нест. Агар хабарнигор бошед, номи маро нанависед", — гуфт вай.

Чӣ аҷаб?! Магар мешавад, ки дар радио нодуруст огаҳирасонӣ кунанд? Ҳисси кунҷковиам боло гирифту ба масъулини радио занг задам.

"Мо масъули дуруст ё дурӯғ будани матолиби таблиғшаванда нестем. Мо шартнома бастаем, ки бар асоси он супоришдиҳанда масъули эъломҳои худ аст", — ҷавоб доданд дар ду радиое, ки ман бо онҳо тамос гирафтам.

Дар ҳамин ҳол аз Шоҳзод ном ҷавоне шикоят дарёфт кардам.

Шоҳзод мегӯяд, дирӯз бо 600 сомонӣ билет харита як клуби маъруфи Душанбе ба тамошои консерти Муҳсин Човушӣ рафтааст. Аммо онҷо Ризол Муҳаммад ном касе овозхонӣ кардааст, на Муҳсин Човушӣ.

Аз ӯ пурсидам, ки чаро шумо фикр кардед, ки Муҳсин меояд? Вай гуфт, дар баннер калон-калон "Човушӣ" навишта буданду "Ризол Муҳаммад"-ро бо ҳарфҳои хурд ва акси нафареро мондаанд, ки ҳамеша дар клипҳои Муҳсин Човушӣ истифода мешавад.

Қазия ҷолибтар шуд.

Ба Вазорати фарҳанг занг задам. Посух доданд, ки баргузории чунин консерте ҳамоҳанг нашудааст ва намедонанд, ки Муҳсин Човушӣ меояд ё Ризол Муҳаммад.

Аммо дар радио ҳанӯз ҳам таблиғот меравад: Муҳсин Човушӣ — "Азизам куҷоӣ?"

Баннер на улыцах Душанбе и район Ашт
© Фото : Шохзод Давлатов
Баннер на улыцах Душанбе и район Ашт

Боз бо созмондиҳандагони консерт тамос мегирам. Ин бор "калонашон" (чуноне ки ба ман гуфтанд) посух дод:

— Салом алейкум!

— Алейкум, гап занед, гап занед.

— Ман хабарнигор ҳастам. Мехостам аз шумо дар бораи консерти Муҳсин Човушӣ хабар бигирам.

— Марҳамат, номатон кист? Истед, ман бинависам.

— Гурдофарид Ҳакимзода.

— Вай Муҳсин Човушӣ нест, кӣ ба Шумо гуфтаст Муҳсин Човушӣ? Вай Ризол Муҳаммад аст. Медонед, вай намояндаи Муҳсин Човушӣ аст ва Муҳсин дар ҷое суруд намехонад. Вай дар клипҳо ҳам нест. Ин ҳам ҳунарманди эронӣ аст, ки сурудҳои ӯро мехонад. Муҳсин ҳеҷ вақт ба хориҷа сафар намекунад ва консерт намедиҳад, барои ҳамин намояндааш меояд.

Ё тавба, қазия аҷибтар аз пештар шуд…

—  Пас чаро дар радио "Муҳсин Човушӣ меояд" гуфта таблиғ мекунед?

—  Ман намедонам, ин кори мо нест.

"Мо дар баннерҳо навиштем, ки Ризол Муҳаммад Човушӣ меояд. Ҳар касе ки фикр кардааст, ки Муҳсин Човушӣ меояд, худаш аҳмақ аст!", — мегӯяд вай.

Ба ҳама шумораҳое, ки дар баннерҳо навишта шудаанд, занг задам. Дар посух ба ин савол, ки оё дар воқеъ Муҳсин Човушӣ меояд, мегуфтанд, бале, Муҳсин Човушӣ меояд.

Дар гурӯҳҳои фейсбукӣ низ постерҳое дида мешавад: консерти Муҳсин Човушӣ дар клубҳои Хуҷанд ва Душанбе.

Ҳама ҷо "Муҳсин Човушӣ" навиштаанд ва шумора ҳам овардаанд. Ба яке онҳо занг задам. Посух ин буд: "Гарантия медиҳем худамон, Муҳсин Човушӣ меояд".

Худ нархи билетро дар Душанбе мулоҳиза кунед:

Консерт дар Филармонияи давлатӣ, 11 ноябр, соати 14:00 ва 18:00 аз 100 то 400 сомонӣ

Дар ноҳияи Ашт, консерт рӯзи 12 ноябр соати 13:00, билет аз 20 то 40 сомонӣ.

Дар рестуронҳое дар Хуҷанд ва Душанбе: билет аз 400 то 1500 сомонӣ.

Муҳсин Човушӣ, ки дар Тоҷикистон шуҳрати бисёр дорад, пас аз сафари Ризол Муҳаммад Човушӣ шуҳратмандтар хоҳад шуд, аммо афсонаи сафари Муҳсин Човушӣ ба кишвар кисаҳои мардумро "хушруҳакак" холӣ хоҳад кард. Умед дорем, ки  барои ҳаводорони тоҷики Муҳсин Човушӣ ин афсона рӯзе ба воқеъият табдил меёбаду ба орзуяшон мерасанд.

 

613
Барчаспҳо:
ҳунарнамоӣ, консерт, Муҳсин Човушӣ, Тоҷикистон
Люди в масках в городе

Вазорат: 851 нафар гирифтори коронавирусанд, 10 ҳазор шифо ёфтанд

159
(Таҷдидшуда 19:21 27.10.2020)
Шабонарӯзи гузашта дар Тоҷикистон 41 мавриди нави гирифторшавӣ ба маризии коронавирус ба қайд гирифта шуд

ДУШАНБЕ, 27 октября — Sputnik. Шабонарӯзи охир дар Ҷумҳурии Тоҷикистон 41 ҳолати нави сирояти COVID-19 ба қайд гирифта шуд, хабар медиҳад Вазорати тандурустӣ.

Эълони омори тозаи сироят, фавт ва шифоёбӣ аз коронавирус дар Тоҷикистон

Бино ба иттилои манбаъ, дар маҷмӯъ сирояти коронавирус дар муддати аз 30 апрел то 27 октябр 10860 ҳолатро ташкил дод.

"Дар як шабонарӯзи охир 58 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 10009 (92,1%)  баробар гардид", - таъкид мешавад дар хабар.

Ҳамчунин дар Тоҷикистон ҷамъан аз маризии COVID- 19 81 нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

159
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Подростки

Бо корд ҳамла кардани ноболиғ ба хонандагони синфи 10: пулис волидонро ҷарима кард- навор

254
(Таҷдидшуда 16:37 27.10.2020)
Ҷавони 17 - сола бо ҳамроҳии ду дӯсти дигараш барои ҳал кардани нофаҳмиҳо миёни ӯ ва хонандагони синфи 10, мактаби № 92, ба яке аз кӯчаҳои шаҳри Душанбе омада, бо корд ба онҳо таҳдид кард

ДУШАНБЕ, 27 окт — Sputnik. Навори муноқишаи ду гурӯҳ ҷавонону ноболиғон дар шаҳри Душанбе, аз ҷониби раҳгузаре сабт ва дар шабакаҳои иҷтимоӣ паҳн шуд. 

Зимнан, кормандони милитсияи пойтахт навори мазкуро мавриди баррасӣ қарор доданд.

Дар ин навор навраси 17 - сола, сокини ноҳияи Рӯдакӣ, хонандаи курси 2 - и Литсеи касбӣ - политехникӣ бо ҳамроҳии ду нафар рафиқони худ, яке ҷавони 19 - сола, дигаре ҷавони 15 - сола ба хотири қасдгирӣ аз хонандагони синфи 10 - и МТМУ № 92 дар ноҳияи Сино, онҳоро ба муноқиша даъват кардаанд.

Вазорати маорифи ҶТ омӯзгореро, ки бо донишомӯз задухӯрд карда буд, танбеҳ дод

Манбаъ меафзояд, ҳодисаи мазкур рӯзи 25 октябр рух додааст. Чаҳор нафар хонандагони синфи 10 - и муассисаи мазкур ба хотири ба қавле ҳал намудани нофаҳмиҳои ба миён омада, ба макони муайяншуда рафтаанд.

Дар навор ҷавони 17 - сола бо корд ба хонандаҳо таҳдид намудааст, ки дар натиҷа, ҳамаи онҳо пароканда шуданд.

РВУД дар шаҳри Душанбе таъкид мекунад, ки нисбати волидайни ноболиғон бо моддаи 90 - Кодекси ҳуқуқвайронкунии маъмурӣ, барои бемасъулиятӣ ва ҳунукназарӣ нисбати таълиму тарбияи фарзанд, протоколи ҳуқуқвайронкунии маъмурӣ тартиб дода шуд.

Волидони кӯдакон ҷаримабандӣ ва худи онҳо ба таври қатъӣ огоҳонида шуданд.

254
Барчаспҳо:
ноболиғ, ҳамла, корд, Душанбе

Путин кушташудаҳо дар Қарабоғро бо ҷонбохтагон дар Афғонистон қиёс кард: хеле зиёд-навор

0
(Таҷдидшуда 19:44 27.10.2020)
Владимир Путин, раисиҷумҳури Русия, теъдоди кушташудаҳо аз ҳар ду ҷониб дар Қарабоғи Куҳӣ тайи як муддати кӯтоҳ ба 5 ҳазор нафар наздик омадааст

Раисиҷумҳури Русия изҳор дошт, ки тайи 10 соли ҷанг дар Афғонистон, нерӯҳои Иттиҳоди шӯравӣ 13 ҳазор нафарро аз даст доданд, аммо дар Қарабоғ тайи чунин як муддати кӯтоҳ теъдоди ҷонбохтагон аз ҳарду ҷониб ба 5 ҳазор нафар наздик шудааст.

“Чӣ қадар маҷруҳанд, чӣ қадар мардум азоб мекашанд, чӣ қадар кӯдакон? Аз ин лиҳоз ҳодисаи мазкур барои мо махсус мебошад”, -изҳор дошт раисиҷумҳури Русия.

“Мухолифат ба шеваи бадтаринаш”, - тасвир кард Владимир Путин ҳаводис дар Қарабоғи Куҳиро.

Раисиҷумҳури Русия таъкид намуд, ки фоҷиаи асосӣ ин марги одамон мебошад. Талафот аз ҳар ду ҷониб беш аз 2 ҳазор нафариро ташкил медиҳад.

Алиев мегӯяд, Боку ба ҳеҷ ваҷҳ истиқлолияти Қарабоғро намепазирад: Пашинян чӣ мегӯяд

Дмитрий Песков, сухангӯи раисиҷумҳури Русия, изҳор дошт, ки Маскав тамоми талошашро мекунад, то хунрезӣ дар Қарабоғи куҳӣ қатъ шавад.

0
Барчаспҳо:
шарҳ, Владимир Путин, ҷанг дар Қарабоғ, Қарабоғи Кӯҳӣ