Раисҷумҳури Тоҷикистон Эмомалӣ Раҳмон, акс аз бойгонӣ

Тоҷикистон ҷашн дорад: Эмомалӣ Раҳмон ба Суғд сафар кард

237
(Таҷдидшуда 12:02 16.11.2017)
Эмомалӣ Раҳмон барои ширкат дар барномаҳои ҷашни 25-умин солгарди баргузории Иҷлосияи 16-уми Шурои Олии Тоҷикистон ба вилояти Суғд сафар кард

ДУШАНБЕ, 16 ноя- Sputnik. Сафари кории раисҷумҳур Эмомалӣ Раҳмон ба вилояти Суғд имрӯз бомдод оғоз ёфт, гузориш медиҳад дафтари матбуотии раисҷумҳури Тоҷикистон.

Бино бар иттилои манбаъ, кишвардори Тоҷикистон Эмомалӣ Раҳмон барои ширкат дар барномаҳои ҷашни 25-умин солгарди баргузории Иҷлосияи 16-уми Шурои Олии Тоҷикистон ба вилояти Суғд сафар кард

Афзун бар ин, бо ширкати раисҷумҳур ифтитоҳи бархе аз сохтмонҳои муҳим  дар назар дошта шуда ва ҳамчунин бо мардуми вилоят мулоқот баргузор хоҳад шуд.

Гуфта мешавад, раёсати ҳукумат ва намояндагони ҷавонони вилояти Суғд Эмомалӣ Раҳмонро дар фурудгоҳи байналмилалии Хуҷанд бо пешвоз гирифтанд.

Ба муносибати таҷлили ин рӯйдоди торихӣ бо ширкати Эмомалӣ Раҳмон ҷаласаи идона баргузор мегардад ва ҳамчунин дар шаҳру ноҳияҳои вилоят бархе аз сохтмонҳои муҳим ба баҳрабардорӣ расонда хоҳанд шуд.

237
Барчаспҳо:
сафари корӣ, Эмомалӣ Раҳмон, Суғд, Тоҷикистон
Человек в защитной маске в городе Душанбе

Эълони нави Вазорат: рӯзҳои охир касе нафавтид, 54% гирифторони COVID-19 шифо ёфтанд

136
(Таҷдидшуда 17:37 02.06.2020)
Вазорати тандурустии Тоҷикситон эълон кард, ки то соати 17:00 дақиқаи 2 июн дар ҷумҳурӣ 4100 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 2217 нафар ё 54% шифо ёфтаанд

ДУШАНБЕ, 2 июн - Sputnik. Тибқи иттилои Вазорати тандурустӣ, то соати 17:00 дақиқаи 2 июн дар мамлакат аз ин беморӣ 47 нафар фавтидаанд. Теъдоди фавтидагон тайи рӯзҳои охир бетағйир аст. 

Бино ба иттилои манбаъ, то 2 июн дар мамлакат 1612 нафар зери назорати табибон қарор дошта, дар як шабонарӯзи охир 393 нафар пас аз шифо ёфтан ба хонаҳояшон рухсат дода шудаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазир дар бораи як моҳи мубориза бо COVID-19 ва омори маргумир : “худро намебахшам”

Вазорати тандурустии Тоҷикистон дар лаҳзаҳои ҳассос аз тамоми сокинони кишвар даъват карданд, ки барои пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият гуфтаанд, табиби ҳар шахс худи ӯст.

136
Заведующая сектором Центра постсоветских исследований Института экономики РАН Елена Кузьмина

Кузмина: кушодашавии транзит тавассути Эрон масири лоҷувардӣ барои Тоҷикистон хоҳад буд

28
Кушодани роҳи транзит ба Эрон тавассути Афғонистон барои Тоҷикистон хеле муҳим аст, гуфт Елена Кузнетсова, мудири бахши Маркази пажӯҳишҳои пасошӯравии ИМЭМО РАН ба номи Е.Примаков

ДУШАНБЕ, 2 июн – Sputnik. Афғонистон омодагии худро барои интиқоли бор тавассути қаламраваш аз Эрон ба Тоҷикистон ва Узбакистон танҳо пас аз кушодани марзҳо байни Эрон ва Туркманистон эълом кард.

Ба андешаи Елена Кузнетсова ба Sputnik Тоҷикистон гуфт:"Ин масири лоҷувардӣ барои Тоҷикистон ва тамоми Осиёи Марказист. Ҳама гуна масирҳои транзитӣ барои ин кишварҳо хеле муҳиманд, зеро ин давлатҳо ба баҳр дастрасӣ надоранд".

Ба ақидаи ӯ, ин бо Афғонистон, ҳадди ақалл аз ҷиҳати бехатарии бор, душворӣ пеш меорад, ҳарчанд мақомоти Афғонистон амнияти комилро ваъда медиҳанд.

Ӯ мегӯяд, новобаста ба он ки пандемияи коронавирус вуҷуд  дорад, аммо ҳаракатҳои транзитӣ қатъ нагашт.

"Нахуст сухан дар бораи ҳалли масъалаҳои тарифҳои байнидавлатӣ ва иқтисодӣ ва пеш аз ҳама транзитӣ меравад. Бо назардошти вазъи душвори иқтисодии Туркманистон пеш аз пандемия, ҳоло яке аз имкониятҳои ин кишвар баланд бардоштани тарифҳои транзитӣ мебошад, ки барои ҳамаи давлатҳои дигар фоидаовар нест", - коршинос мешуморад.

Аммо, ба гуфтаи вай, ҳоло кишварҳо сари ин масъала ба мувофиқа нарасидаанд.

"Барои Тоҷикистон, ин боз ҳам муҳимтар аст, зеро дар ин кишвар муддати тӯлонӣ ҳамлу нақл дар ҳоли маҳдуда қарор дошт, ки дар имкони рушди иқтисодӣ таъсири ҷиддӣ гузошт", гуфт коршинос.

Қаблан Рӯҳуллоҳ Латифӣ, сухангӯи Идораи гумруки Ҷумҳурии Исломии Эрон (IRICA) гуфт, кишвараш аз 1 июн сарҳадҳоро бо Туркманистон боз мекунад.

Гуфта мешавад ин танҳо дар ҳоле имконпазир мегардад, ки чораҳои зиддиэпидемиологӣ пурра риоя карда мешаванд.

Мақомоти Афғонистон дар робита ба ин гуфтааст, ки дар рӯзҳои наздик, Афғонистон омода аст, ки роҳи транзити Эронро тавассути кишвараш ба Тоҷикистон ва Узбакистон кушояд, аммо дар баробари ин шарт гузоштааст, ки Эрон сарҳади Туркманистонро боз кунад.

 

 

28
Барчаспҳо:
коло, транзит, Туркманистон, Эрон, Афғонистон, Тоҷикистон