Президент РТ Эмомали Рахмон пронумеровал первый свинцовый слиток в Таджикистане

Бо ширкати Раҳмон: Дар Суғд Ширкати саноати кӯҳии Тоҷикистону Чин роҳандозӣ шуд

277
(Таҷдидшуда 16:25 16.11.2017)
Иқтидори лоиҳавии Корхонаи металлургии Ширкати саноати кӯҳии Тоҷикистону Чин дар як сол 50 ҳазор тонна металли сурб буда, дар он 600 нафар бо кори доимӣ таъмин шудаанд

ДУШАНБЕ, 16 ноя — Sputnik. Дафтари матбуотии раисҷумҳури Тоҷикистон гузориш медиҳад, ки дар шаҳри Истиқлол бо ширкати кишвардори Тоҷикистон Корхонаи металлургии Ширкати саноати кӯҳии Тоҷикистону Чин мавриди баҳрабардорӣ қарор гирифт.

Бино бар иттилои манбаъ, корхонаи металлургӣ бо харҷи 57 миллион доллари амрикоӣ сохта шудааст.

Гуфта мешавад, иқтидори лоиҳавии Корхонаи металлургии Ширкати саноати кӯҳии Тоҷикистону Чин дар як сол 50 ҳазор тонна металли сурб буда, дар он 600 нафар бо кори доимӣ таъмин шудаанд ва пас аз ба баҳрабардорӣ расидани марҳилаи дувуми он, ин рақам афзоиш хоҳад ёфт.

Теъдоди зиёди коргаронро сокинони маҳаллӣ ташкил медиҳанд. То ин вақт дар корҳои сохтмонӣ ва васлгарии ин иншооти саноатӣ беш аз 500 нафар бинокор ва кормандони муҳандисиву фаннӣ ширкат кардаанд, ки беш аз нисфи онҳо сокинони маҳаллӣ буданд.

Тавре иттилоъ дода шуд, пеш аз ба кор даромадани ин корхонаи бузурги металлургӣ мутахассисон дар Донишкадаи кӯҳӣ-металлургии Тоҷикистон ва ширкатҳои бонуфузи Ҷумҳурии Халқи Чин омода шуда, имрӯз онҳо навтарин фанновариҳои тавлидотии пешрафтатарин ширкатҳои ҷаҳониро идора карда метавонанд.

Истихроҷи маъдан ва истеҳсоли хокаҳои сурб, руҳ ва мис дар корхонаи "Зарнисор", воқеъ дар шаҳри Гулистони вилояти Суғд анҷом дода шуда, аз он танҳо хокаи сурб барои коркард то ҳадди ниҳоӣ ба корхонаи навтаъсиси ин ширкат дар шаҳри Истиқлол интиқол меёбад.

Ба таъкиди мутахассисони соҳа, ин корхона аз ҷиҳати иқтидори истеҳсолӣ, истифодаи технологияи пешрафта дар Осиёи Марказӣ назир надорад ва маҳсулоте, ки дар ин ҷо истеҳсол мешавад, ҷавобгӯи стандартҳои байналмилалӣ мебошад.

Дар ин минтақаи саноатӣ ҳамчунин биноҳои маъмурӣ, ошхона ва ду хобгоҳ барои коргарон бо тарҳи муосир қомат афрохтаанд. Аз ҷумла дар бинои якум ва дуюми хобгоҳ барои истироҳати кормандон шароити мусоиди зист фароҳам оварда шуда, он барои беш аз 600 коргар пешбинӣ гардидааст.

Ёдовар мешавем, ки минтақаи саноатӣ дар шаҳри Истиқлол дар масоҳати 70 гектар доман густурда, барои бунёди он дар маҷмӯъ 1 миллиарду 200 миллион сомонӣ сарф хоҳад шуд.

Оянда дар Корхонаи металлургии Тоҷикистону Чин боз дар назар аст, ки корхонаҳои нави руҳ, аккумулятор, кислотаи сулфат, нуриҳои минералӣ ва қисмҳои эҳтиётии саноати кӯҳкорӣ сохта шаванд.

277
Барчаспҳо:
корхонаи металлургӣ, ифтитоҳ, Эмомалӣ Раҳмон, шаҳри Истиқлол, Тоҷикистон
Ребенок в воде на закате, архивное фото

Ҷасади писари 9-сола, ки бо падараш дар дарёи Хумбов сарозер шуд, пайдо гашт

55
(Таҷдидшуда 03:08 03.06.2020)
Ҷасади писари 9-сола, ки ҳамроҳ бо падараш дар натиҷаи садамаи нақлиётӣ ба дарёи Хумбов сарозер шуда буд, пас аз ду рӯз тақрибан 300 метр поёнтар аз ҷои ҳодиса, дар соҳили дарё пайдо шуд

ДУШАНБЕ, 3 июн - Sputnik. Бино бар иттилои дафтари матбуоти Кумитаи ҳолатҳои фавқулодда, ҷасади Худоиев Умари 9-сола, ки рӯзи 31-ми майи сол равон ҳамроҳ бо падараш дар як садамаи нақлиётӣ дар дарёи Хумбов сарозер шуда буд, ахиран тақрибан 300 метр поёнтар аз ҷойи ҳодиса, дар соҳили дарё пайдо шуд.

Худоиев Умар писари Худоиев Аслншоҳ, сардори бахши Раёсати Кумитаи ҳолатҳои фавқулоддаи ноҳия Ванҷ будааст.

Манбаъ таъкид доштааст, ки кормандони шуъбаи Кумитаи ҳолатҳои фавқулоддаи Тоҷикистон дар ноҳияи Ванҷ ҷасади Умари хурдсолро ба пайвандонаш супурданд.

Ёдрас мешавем, ки садамаи нақлиётие, ки дар он падари писар ба ҳалокат расиданд, санаи 31-уми майи соли равон дар километри 109 шоҳроҳи Душанбе-Дарвоз-Хоруғ, дар мавзеъи Шоҳидони ҷамоати деҳоти Қалъаи Хумб сурат гирифт.

Худрави тамғаи “Опел Астра”, ки аз ҷониби сокини 51-солаи деҳаи Рохарви ҷамоати деҳоти М.Абдуллоеви ноҳияи Ванҷ Озод Қадамов идора мешуд, дучори садама шуд.

КҲФ қайд намудааст, ки ин мошин аз ноҳияи Сангвор ба самти ноҳияи Дарвоз дар ҳоли ҳаракат буд ва сабаби садама то ҳол маълум нест.

Аммо ба гуфтаи шоҳидон худрав ба умқи тақрибан 80 метр ба дарёи Хумбов сарозер мешавад.

Бар асари ин садамаи мудҳиш ду нафар (падару писар) ба ҳалокат расида, ду нафари дигар бо ҷароҳатҳои вазнин дар бемористони ноҳияи Дарвоз бистарӣ шуданд.

55
Барчаспҳо:
пайдо, ҳодиса, дарё, писар, падар, ҷасад, Тоҷикистон
Ремонт дороги, архивное фото

Пул намерасад: мақомоти Қубодиён бо 15 ҳазор сомонӣ чанд километр роҳро таъмир кард?

59
(Таҷдидшуда 02:59 03.06.2020)
Мақомоти ноҳияи Қубодиён таъкид доштааст, ки маблағи ҷудошуда аз буҷети ноҳия барои таъмири роҳҳо кифоя нест ва ҳоло 70 дарсади роҳҳо ба таъмири асосӣ ниёз доранд

ДУШАНБЕ, 3 июн - Sputnik. Дар ноҳияи Қубодиён 144 километр роҳҳои аҳамияти маҳаллидошта мавҷуданд, ки 30 дарсадаш барои рафтуомади воситаҳои нақлиёт мувофиқ буда, 70 дарсади дигар ба таъмир ниёз доранд. 

Тоҷикистону Эрон барои таъмири нақби “Истиқлол” 11 миллион доллар ҷудо карданд

Қурбоналӣ Хоҷаев, сардори муассисаи давлатии нигоҳдории роҳҳои автомобилгарди ноҳияи Қубодиён дар суҳбат бо рӯзномаи “Фараж” гуфт, ки барои таъмир ва кашидани хатҳои уфуқӣ аз ҳисоби буҷети ноҳияи ҳамагӣ дар панҷ моҳ 14 ҳазору 900 сомонӣ ҷудо карда шудааст, ки ин маблағ нокифоя аст.,

"IRS" дар роҳи Душанбе - Чаноқ маҳдудияти 12-соатӣ ҷорӣ мекунад

“Ин дар ҳолест, ки 70 дарсади роҳҳои аҳамияти маҳаллидошта дар ноҳия ба таъмири асосӣ ниёз доранд”, – қайд кард Қурбоналӣ Хоҷаев.

Вай афзудааст, ки аз ҷониби соҳибкорони ноҳия бо харҷи 250 ҳазор сомонӣ роҳҳои маҳаллӣ сангфарш ва таъмири ҷорӣ шуда, як пул ва як қубури обгузар таъмир гардидааст.

Ҳамчунин вай илова кард, ки аз ҳисоби Вазорати нақлиёти кишвар дар панҷ моҳи соли ҷорӣ барои таъмири 34 километр роҳҳои байналмилалӣ 58 ҳазор сомонӣ ҷудо карда шуд, ки бо ин маблағ роҳҳо таъмиру навсозӣ шуданд.

59
Барчаспҳо:
пул, роҳ, таъмир, Қубодиён, Тоҷикистон