Солдаты во время прохождения полосы препятствий, архивное фото

Дар Бадахшон 4 афсари Кумитаи амният ба ҷурми гаравгонгирӣ аз симат барканор шуданд

380
(Таҷдидшуда 20:56 29.11.2017)
Фармондеҳи Нерӯҳои марзбонии Кумитаи давлатии амнияти миллии Тоҷикистон 4 нафар аз афсарони яке аз посгоҳҳои ин ниҳодро ба далели гаравгонгирӣ ва кушта шудани як сарбоз дар ин ҳодиса аз симатҳояшон барканор кардааст

ДУШАНБЕ, 29 ноя — Sputnik. Ба гузориши хабаргузории "ТоҷикТА", Муҳаммадд Улуғхоҷаев, сухангӯи Нерӯҳои марзбонии Тоҷикистон аз барканории фармондеҳ ва 3 афсари воҳиди мустақар дар ноҳияи Дарвоз хабар дод.

Рӯзи 25 август дар паи даргирии мусаллаҳонаи 3-соата барои озодии афсаре, ки Сафарбек Хонов ном сарбози 20-сола аз ноҳияи Ҷалолиддин Балхӣ, гаравгон гирифта буд, гаравгонгир кушта ва гаравгон аз қисми гардан ба шиддат захмӣ шуда буд.

Дар он замон мақомоти марзбонии Тоҷикистон эълон карда буданд, ки музокирот бо Сафарбек Хонов барои озодии ин афсар бидуни натиҷа буда ва иқдом ба шиллики гулӯла ба сӯи фармондеҳони ин воҳиди неруи марзбонӣ кардааст, ки дар пайи табодули оташ, гаравгонгир кушта ва афсари гаравгон аз гардан захмӣ шуда ба ба бемористони шаҳри Хоруғ маркази вилояти Бадахшон мунтақил шуд.

Аммо мавзуи муҳим ин аст, ки дар бораи ангезаи даст ба чунин иқдом задани ин сарбози қаторӣ, ки то поёни замони хидматаш 6 моҳ боқӣ монда буд, ҳеч тавзиҳе ироа нашудааст.

Ин дар ҳоле аст, ки бар асоси омори Созмони эътилофи зидди шиканҷа дар Тоҷикистон, ки як созмони ғайри давлатӣ мебошад, дар неруҳои мусаллаҳи ин кишвар, тайи солҳои 2014 то 2016 беш аз 59 мавриди лату куби сарбозони қаторӣ аз сӯи ҳамқаторонашон ба сабт расида, ки дар пайи ин хушунатҳо 11 сарбоз кушта шудаанд.

380
Барчаспҳо:
сарбози қаторӣ, гаравгонгирӣ, Кумитаи амният, Бадахшон, Тоҷикистон
Детская игрушка возле дороги

Садамаи мудҳиши маргбор дар Шаҳритус: ронанда модару кӯдаконашро пахш карду гурехт

111
(Таҷдидшуда 13:30 08.08.2020)
Вазорати умури дохилии Тоҷикистон аз боздошти як сокини 32 солаи ноҳияи Шаҳритус хабар медиҳад, ки чор узви як хонаводаро пахш кардааст

ДУШАНБЕ, 8 авг — Sputnik. Бино ба иттилои манбаъ, садамаи маргбор санаи 6-уми августи соли ҷорӣ, тахминан соатҳои 19:50 дақиқа рух додааст.

Манбаъ мегӯяд, ронандаи автомашинаи тамғаи “Опел-Астра”, Менглиев Ҷӯрабек Ҳусанович, соли таваллудаш 1988, сокини ноҳияи Шаҳритус ҳангоми ҳаракат аз самти деҳаи Чоршанбе ба самти маркази ноҳияи Шаҳритус дар ҳудуди деҳаи Чинор бо суръати баланд ҳаракат намуда, аз ӯҳдаи идораи воситаи нақлиёт набаромада, саравал як сар чорвои калони шохдорро пахш намуда, баъдан ба қисми канори рости роҳ баромада пиёдагардонро пахш кардааст.

Гуфта мешавад, пиёдагардон Рузиева Умеда Тургуновнаи 18 сола, Алимардонова Тоҷихол Маматалиевнаи 23 сола ва фарзандони хурдсолаш Рузиева Мафтуна Бурибоевнаи 2 сола ва  Рузиев Неъматулло Бурибоевичи хануз яксола нашуда пас аз пахши мошин ҳалок шудаанд.

Ба иттилои манбаъ, ҳалокшудагон истиқоматкунандагони, ҷамоати деҳоти Х.Холматов буда, ронанда пас аз пахи онҳо аз ҷойи ҳодиса гурехтааст.

Садамаи мудҳиш дар роҳи "Душанбе-Хуҷанд": мард бо чор фарзанд ва занаш ба ҷарӣ чаппа шуд

“Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ронанда Менглиев Ҷ.Ҳ. дастгир карда шуд” ,-афзудааст манбаъ.
ВУД мегӯяд, аз рӯи ин ҳодиса таҳқиқот идома дорад.

111
Шабнами Сурайё - таджикская эстрадная певица, архивное фото

"Руҳат шод бод, бародари азиз": таассуфи Шабнами Сурайё аз даргузашти Баҳром Ғафурӣ -навор

990
(Таҷдидшуда 13:13 08.08.2020)
Сарояндаи саршиноси Тоҷикистон Шабнами Сурайё аз даргузашти бармаҳали овозхони маҳбуб Баҳроми Ғафурӣ изҳори таассуф намуда дар ҳаққи рӯҳи равони марҳум дуо хондаст

ДУШАНБЕ, 8 авг – Sputnik. Шабнами Сурайё дар сафҳаи худ Инстаграм суруди муштарак бо Баҳроми Ғафурӣ овозхони маҳбуб, аммо ҳоло марҳуми тоҷик мунташир намуда, аз марги бармаҳали ӯ изҳори таассуф намуд.

"Инна-Лилляхи Ва-Инна-Иляйхи-Раджиун!🤲🏼😔ДУСТ ВА БАРОДАРИ АЗИЗ", - навиштааст Шабнами Сурайё.

Зимнан, илова намудааст, ки Худованд Баҳромро тариқи раҳмат ва шоистаи ҷаннат гардонад ва руҳаш шод бошад.

Ёдовар мешавем, овозхони машҳури Тоҷикистон Баҳроми Ғафуровӣ субҳи рӯзи 7 - уми август дар шаҳри Душанбе бар асари садамаи нақлиётӣ ҷон бохт.

Баҳром ҳамагӣ 44 сол дошт ва гарчанде пас аз садама фавран ба бемористон интиқол ёфт, вале пизишкон натавонистанд ҷони ӯро аз чанголи марг раҳонанд.

Ҷасади Баҳром Ғафурӣ дар қабристони Ҳазрати Мавлоно дар маҳаллаи "Нӯҳум километр"-и Душанбе ба хок супорида шуд.

Баҳром Ғафурӣ 29 феврали соли 1976 дар деҳаи Ҳазрати Мавлонои ноҳияи Рӯдакӣ (собиқ Ленин) таваллуд шуда, хатмкардаи факултаи иқтисоди Донишгоҳи миллии Тоҷикистон буд.

Шарҳи ВКД: ронанда зинда монд, аммо мусофири мошин Баҳром Ғафурӣ ба ҳалокат расид

Баҳром Ғафурӣ яке аз сарояндагони шинохта дар давоми 20 соли охир дар саҳнаи эстрадаи тоҷик ба ҳисоб мерафт. Ӯ дар байни мухлисон бо суруди “Муҳоҷирбача” ва “Орзу” машҳур гардида буд.

Дар тӯли фаъолияти эҷодиаш 10 албомро ба мухлисон эҳдо кардааст. Солҳои охир дар бандубаст ва офаридани филмҳои ҳунарӣ низ саҳм мегузошт. Яке аз қаҳрамонҳои марказии филми овозадори “Сукут” ба ҳисоб мерафт. Филми охироне, ки Баҳром дар он нақш офарида буд, филми “Риё” буд, ки соли 2019 рӯйи пардаи синамо баромад.

Суқути ситораи санъати тоҷик: даргузашти Баҳром Ғафурӣ - видео

Чандин маротиба аз сӯи созмонҳои мусиқӣ унвонҳои “Ситораи сол” ва “Овозхони беҳтарин” – ро ба даст овардааст. Моҳи ноябри соли 2009 дар озмуни Big Apple music Awards “Овозхони беҳтарини мард” эълон шуд.

990
Барчаспҳо:
навор, тоҷик, овозхон, даргузашт, Шабнами Сурайё
Медицинские сотрудники перевозят тела в рефрижераторный грузовик

Омори ҷадиди коронавирус дар ҷаҳон: беш аз 6 000 нафар дар як рӯз фавтиданд

0
Созмони ҷаҳонии беҳдошт охирин маълумот дар мавриди сироятшудагону шифоёфтагон ва ҳамчунин қурбониёни маризии коронавирус нашр кард

ДУШАНБЕ, 8 авг – Sputnik. СҶБ мегӯяд, шабонарӯзи гузашта дар ҷаҳон боз беш аз 283 ҳазор мавориди ҷадиди сироятшавӣ ба маризии коронавирус сабт гардид.

Ба ҳамин минвол, алъон теъдоди умумии сироятёфтагон ба ин маризӣ 19 546 748 нафарро ташкил медиҳад.

Дар як рӯзи охир аз ин маризӣ 6448 бемор ҷон бохтанд, ки шумораи умуми қурбониён акнун ба 724 123 нафар расидааст.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Манбаъ меафзояд, дар минтақаи Амрикои Шимолӣ ва Ҷанубӣ давоми шабонарӯзи охир 154 118 нафар сироят ёфта, 4 598 нафар беморон вафот кардаанд. Дар Аврупо давоми 24 соати охир шумораи гирифторон 25 473 нафар ва ҳолатҳои фавт 416 кас зиёд шуд.

Дар минтақаи Осиёи Ҷанубу Шарқӣ, ки аз рӯи шумораи сироятёфтагон дар ҷаҳон дарн ҷойи сеюм қарор дорад, давоми шабонарӯзи гузашта 67 863 нафар ба COVID-19 гирифтор шуда, 999 беморон вафот кардаанд.

Қобили зикр аст, ки дар Тоҷикистон то ҳол беш аз 7,5 ҳазор дардмандони коронавирус ба қайд гирифта шудааст. Ҳамчунин дасти кам 62 мариз ҷон аз даст доданд.

0
Мавзуҳо:
Пайомадҳои COVID-19 дар Тоҷикистон ва ҷаҳон