Кадр из программы Сипар телевидение Точикистон

ВУД: муовини раиси бахши ҲНИТ дар Рӯшон муттаҳам ба нашри навори фаҳшо шуд

919
(Таҷдидшуда 15:24 30.11.2017)
Вазорати умури дохилаи Тоҷикистон дар барномаи "Сипар" гузориш дод, ки ду руҳонии тоҷик муттаҳам ба амалҳои ношоиста ва бадахлоқона мешаванд

ДУШАНБЕ, 30 ноя — Sputnik. Шабакаи давлатии телевизионии Тоҷикистон дар барномаи "Сипар", аз тавлидоти Вазорати умури дохила, навори бадахлоқии ду руҳонии тоҷикро намоиш додааст.

Дар ин барнома, ки ҳафтае пеш дар телевизион намоиш дода шуда, гуфта мешавад, ки ду руҳонӣ "бо истифода аз номи дини Ислом даст ба амалҳои бадахлоқона задаанд".

Яке аз ин гумонбаршудангон имоми масҷиди панҷвақтае дар ноҳияи Ҳисор будааст, ки 82-сола буда ва афзун бар имомат дар хона мардумро "сеҳру ҷоду" мекардааст.

Вазорат дар гузоришаш меафзояд, "мардумфиребиву қаллобӣ ва аз номи дини поки Ислом сӯиистифода кардани Давлатбек Мираков ин як тарафи масъала бошад, масъалаи дигар, ки басо гӯшношуниду нанговар аст, бадахлоқӣ ва мавриди истифодаи шаҳвонӣ қарор додани муштариён аз ҷониби ин пирамарди 82-солаи оиладор ва соҳиби 11 фарзанду 40 набера мебошад."

Дар идомаи гузориш Вазорати умури дохила хабар медиҳад, ки як сокини ноҳияи Рушонро низ ба иттиҳоми нашри навори фаҳшо боздошт кардааст.

ВУД ҶТ меафзояд, "ҳамчунин кормандони Раёсати вазорати корҳои дохилӣ дар вилояти мухтори Кӯҳистони Бадахшон шаҳрванд Атоёров Атоёр Саодатович, соли таваллудаш 1968, сокини деҳаи Рӯшон, собиқ муовини раиси Ҳизби наҳзати исломӣ дар ноҳияи Рушонро барои паҳн кардани наворҳои хусусияти порнографидошта дастгир намуданд".

Худи гумонбаршуда Атоёр Атоёров дар ин гузориш мегӯяд, ба як ноболиғ навори порнографиро сабт карда додааст.

"Ҳамон бачаи ноболиғе, ки доимо пешам меомад, қариб як ду сол — дувуним сол пешам меомад, як рӯз пешам омад, ки ман ба ӯ филми шаҳвониро сабт намоям ва ман ба ӯ дар ин диск филми шаҳвониро сабт кардам", — мегӯяд вай.

Бино бар иттилои манбаъ, "вобаста ба ҳолатҳои ҷойдошта нисбати ин ду нафар ба ном мулло, ки аз номи дини мубини Ислом суъистифода намуда, ба ҳаракатҳои бадахлоқона ва паҳни наворҳои хусусиятҳои шаҳвонипдошта машғул буданд, айни замон корҳои тафтишотӣ идома дорад".

919
Барчаспҳо:
фаҳш, навор, гумонбар, Рӯшон, Тоҷикистон
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

25
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

25
Пробирки с кровью для анализа на covid-19

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

337
(Таҷдидшуда 20:04 05.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардид

ДУШАНБЕ, 5 авг — Sputnik. Бино ба гузориши Вазорати тандурустӣ давоми 24 соати гузашта дар Тоҷикистон 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба 7625  нафар баробар гардид.

"То санаи  5 август  дар мамлакат  6399 (83,9%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Русия эълон кард, кай ваксинаи зидди COVID-19 миёни кӯдакон санҷида мешавад

Ин ниҳод даъват карда, ки дар ин лаҳзаҳои ҳассос  ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

337
Барчаспҳо:
Вазорати тандурустии ҶТ, омор, тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон