Сардиҳо дар Маскав

Яхбандӣ, тарма ва барфу борон: ҳушдори обуҳавошиносон ба сокинони Тоҷикистон

169
Обуҳавошиносони мамлакат иттилоъ медиҳанд, ки имрӯз дар ҷумҳурӣ ҳавои абрнок, бориши борону барф ва баъзан фаромадани туман дар назар дошта шудааст

ДУШАНБЕ, 5 дек — Sputnik. Созмони обуҳавошиносии Тоҷикистон ба таваҷҷуҳи шаҳрвандон ва меҳмонон мерасонад, ки дар робита ба боришоти барф рӯзҳои 5-7 декабр дар роҳҳои кӯҳии мошингарди Тоҷикистоон яхбандӣ мешавад. Дар роҳҳои мошингарде, ки хатари фаромадани тарма вуҷуд дорад, ҳатман бояд масофаи зарурии миёни мошинҳо то 500 метр риоя карда шавад. Дар баъзе минтақаҳои кӯҳии ҷумҳурӣ, ба ғайр аз ВМКБ хатари тармафароӣ вуҷуд дорад.

Обуҳавошиносони кишвар иттилоъ медиҳанд, ки имрӯз дар ҷумҳурӣ ҳавои абрнок, бориши борону барф ва баъзан фаромадани туман дар назар дошта шудааст.

Имрӯз дар Вилояти Мухтори Кӯҳистони Бадахшон ҳавои абрнок, рӯзона бебориш ва шабона дар баъзе ҷойҳо боридани барф дар назар аст.Шамол аз самти шарқ аз 3 то 8 метр дар як сония мевазад. Ҳаво дар ғарби вилоят шабона 6-11 дараҷа хунук ва рӯзона аз 2 дараҷа хунук то 3 дараҷа гарм мешавад. Дар шарқи ин вилоят шабона 19-24 ва рӯзона 6-11 дараҷа хунук мешавад.

Дар вилояти Хатлон ҳавои тағйирёбандаи абрнок, дар баъзе ҷойҳо шабона боридани барф ва рӯзона ҳавои туманолуди бебориш пешгӯӣ мешавад. Вазиши шамол аз самти шарқ 3-8 метр дар як сония дар назар дошта шудааст. Ҳаво дар водиҳо шабона 2 —7 дараҷа хунук, рӯзона 2-7 дараҷа гарм ва дар ноҳияҳои наздикӯҳӣ шабона 8-13 дараҷа хунук ва рӯзона аз 3 дараҷа хунук то 2 дараҷа гарм мешавад.

Дар вилояти Суғд ҳавои тағйирёбандаи абрнок, дар водиҳо ҳавои бебориш ва дар баъзе ноҳияҳои наздикӯҳӣ боридани барф дар назар аст. Ҳаво дар водиҳо шабона аз 1 то 6 дараҷа хунук ва рӯзона аз 3 дараҷа хунук то 2 дараҷа гарм мешавад.

Дар шаҳру ноҳияҳои тобеи марказ ҳавои тағйирёбандаи абрнок, дар баъзе ҷойҳо боридани борону барф ва фаромадани туман дар назар дошта шуда, шамол аз самти шарқ 3-8 метр дар як сония мевазад. Ҳарорат дар водиҳо шабона 3+8 дараҷа хунук ва рӯзона 1-6 дараҷа гарм мешавад.

Дар шаҳри Душанбе ҳавои тағйирёбандаи абрнок, шабона боридани барфи кӯтоҳмуддат, рӯзона бебориш ва фаромадани туман дар назар дошта шуда, шамол аз самти шарқ 3-8 метр дар як сония мевазад. Ҳаво шабона 6-8 дараҷа хунук ва рӯзона 3-5 дараҷа гарм мешавад.

169
Барчаспҳо:
яхбандӣ, барф, Созмони обуҳавошиносӣ, Тоҷикистон
Скорая помощь, архивное фото

Худкушии духтари 16 -сола дар Бадахшон: дар хонаи хобаш худро ба дор овехт

661
(Таҷдидшуда 17:08 30.11.2020)
Волидони марҳум мегӯянд, фарзандашон ягон мушкилӣ надошт ва далели худкушӣ кардани ӯ барои онҳо номаълум аст

ДУШАНБЕ, 30 ноя — Sputnik. Дар яке аз ноҳияҳои Вилояти Мухтори Кӯҳистони Бадахшон духтари 16- сола худкушӣ кардааст, хабар медиҳад Раёсати КҲФ дар вилояти мазкур.

Ба иттилои манбаъ, ҳодисаи нохуш дар деҳаи Чарсеми ҷамоати деҳоти Вер рух додааст.

"Духтари 16-сола бегоҳи рӯзи 29 ноябр, тақрибан соати 18:30 дақиқа худро дар хонаи хобаш дор кашидааст", - таъкид мешавад дар хабар.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Марҳум хонандаи синфи 9 МТМУ № 40 будааст.

Феълан сабаби даст ба худкушӣ задани хонандаи мактаб рушан нест. Волидони марҳум изҳор доштаанд, ки фарзанди онҳо ягон мушкилӣ надошт ва далели худкушӣ кардани ӯ барои онҳо номаълум аст.

РКҲФ дар вилояти Бадахшон мегӯяд, феълан нисбати ин ҳодиса аз ҷониби мақомоти дахлдор тафтишот идома дорад.

661
Барчаспҳо:
ба дор овехтан, духтар, Бадахшон
Арест, архивное фото

Либоси зимистонаву телефонашро аз танаш гирифтанд: ғорати ошкорои як мард дар Хуҷанд

225
(Таҷдидшуда 17:22 30.11.2020)
Вазорати умури дохилиии Тоҷикистон аз боздошти ду марди қаблан судшуда хабар медиҳад, ки дар ғорати ошкорони марди дигар муттаҳам мешаванд

ДУШАНБЕ, 30 ноя — Sputnik. Бино ба иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ду марди 47 ва 43-солаи сокинони шаҳри Истаравшан, ки қаблан низ суд шудаанд, ҳамчун гумонбар дар содир намудани ҷинояти ғоратгарӣ дастгир карда шуданд.

Ба иттилои манбаъ, номбурдагон, санаи 25-уми ноябри соли 2020, тахминан соати 22:00, дар бозори Панҷшанбе бо роҳи зӯроварӣ ва тариқи ошкоро аз тани марди 38-солаи сокини шаҳри Ваҳдат, болопӯши зимистона, 715-сомонӣ ва 1-адад телефони мобилии тамғаи “Хонор А-7”-ро тасарруф намуда, аз ҷойи ҳодиса ғайб задаанд.

Ҷавони 19-сола барои пинҳон намудани дуздии 10 сомонӣ ва гӯшии бесим мошинро оташ зад

Манбаъ мегӯяд, зарари ба ҷабрдида расонидашуда 1 ҳазору 995 сомониро ташкил медиҳад.

Боздошти ду ноболиғи 15 ва 16-сола барои дуздии мошин

ВУД мегӯяд, нисбати номбурдагон парванди ҷиноятӣ бо моддаи 248 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

225
Барчаспҳо:
ғорат, Панҷшанбебозор, Хуҷанд, Тоҷикистон

Вазорати маорифи Русия мегӯяд, ягон донишҷӯйи хориҷӣ хориҷ нашудааст

0
(Таҷдидшуда 17:44 30.11.2020)
То ҳол ба Вазорати маорифи Русия аз ҷониби донишҷӯёни хориҷӣ ягон шикоят дар мавриди хориҷшавии онҳо аз донишгоҳҳои кишвар ворид нашудааст

ДУШАНБЕ, 30 ноя — Sputnik. Вазорати маориф ва илми Русия мегӯяд, дар замони пандемия ягон донишҷӯйи хориҷӣ аз донишгоҳҳои ин кишвар ба далели ҳозир нашудан ба дарсҳо, хориҷ нашудааст, хабар медиҳад котиботи вазорати мазкур.

Ба иттилои манбаъ, то ҳол аз ҷониби донишҷӯёни хориҷӣ низ ягон шикоят дар мавриди хориҷ шудани онҳо, ворид нагардидааст.

"Ҳамаи муассисаҳои олии таълимӣ дар шаҳрҳои Маскаву Санкт-Петербург ва дигар минтақаҳо дар робита ба ҷилавгирӣ намудан аз паҳншавии маризии коронавирус, ба таҳсили фосилавӣ фиристода шуданд", - таъкид мешавад дар хабари манбаъ.

Вазорат инчунин итминон дод, ҳамаи донишҷӯёне, ки бинобар чораҳои маҳдудкунӣ ба Русия омада наметавонанд, ҷойҳои буҷетиӣ онҳо нигоҳ дошта мешавад.

Супоришҳои Исматуллозода барои баргардонидани донишҷӯёни тоҷики дар хориҷ таҳсилкарда

Инчунин хабар дода мешавад, ки Вазорати маориф ва илми Русия барои донишкадаҳои олӣ оид ба ташкили самараноки таълими фосилавӣ тавсияҳо таҳия кардааст.

Бо мақсади мусоидат дар ташкили таълими фосилавӣ, Вазорати маориф якҷоя бо Россотрудничество масъалаи бо ҷойҳои корӣ таъмин намудани донишҷӯёни хориҷиро дар идораҳои Россотрудничество ва филиалҳои донишгоҳҳои Русия дар ҷои истиқоматашон кор карда истодааст.

Инчунин дар Тоҷикистон, Вазорати маорифи ҷумҳурӣ ба донишҷӯён пешниҳод кард, ки то ба эътидол омадани вазъ муваққатан дар донишгоҳҳои маҳаллӣ таҳсил кунанд.

0
Барчаспҳо:
хориҷ, донишҷӯён, вазорати маорифи Русия