Арғамчин, акс аз бойгонӣ

Дар ноҳияи Ашт худкушӣ камтар шудааст

51
(Таҷдидшуда 11:06 09.12.2017)
Дар 11 моҳи соли равон байни занону мардони ноҳия 6 ҳодисаи худкушӣ ба қайд гирифта шуда, аз ин теъдод як нафарашон зан мебошад

ДУШАНБЕ, 9 дек — Sputnik. Дар ноҳияи Ашт ҳолатҳои худкушӣ камтар шудааст, хабар медиҳад дафтари матбуотии Ҳукумати ноҳияи Ашт.

Давоми соли 2017 Бахши кор бо занон ва оилаи МИҲД-и ноҳияи Ашт зиёда аз 42 маротиба дар 9 ҷамоати шаҳраку деҳот суҳбату вохӯриҳо доир кардаанд. 

Бино бар иттилои манбаъ, масъулин бо мақсади пешгирии роҳи хушунати хонаводагӣ, вайроншавии оилаҳои ҷавон ва худкушии занону духтарон бо зиёда аз 3 ҳазор занон мулоқоту суҳбатҳо доир намуданд.

Гуфта мешавад,  дар 11 моҳи соли равон байни занону мардони ноҳия 6 ҳодисаи худкушӣ ба қайд гирифта шуда, аз ин теъдод як нафараш аз ҷин си зан мебошад.

Худкушӣ байни сокинони ноҳия дар соли 2017 коҳиш ёфтааст. Дар ҳамин давраи соли гузашта дар ҳудуди ноҳияи Ашт 25 ҳодисаи худкушии сокинон ба қайд гирифта шуд. Аз ин теъдод 12 нафар занон ва 13 нафар мардон мебошанд.

Ҳамчунин давоми имсол дар ноҳияи Ашт 1046 ақди никоҳ ба қайд гирифта шудааст. Пошхӯрии оилаҳо бошад 336 адад мебошад. Дар ҳамин давраи соли гузашта, 1389 ақди никоҳ ба қайд гирифта шуда, бекоршавии он 282 ададро ташкил медиҳад.

51
Барчаспҳо:
худкушӣ, ҷавонон, Ашт, Тоҷикистон
Портфель

Вазъи вазнини Қурбон Тӯраев, раиси собиқи Истаравшан

93
(Таҷдидшуда 13:32 30.05.2020)
Қурбон Тӯраев, собиқ раиси Истаравшан ва вакили ин шаҳр дар Шӯрои Олии Тоҷикистон низ вахим арзёбӣ мешавад. Субҳи имрӯз бародари ӯ, сиёсатмадори маъруф Сайфиддин Тӯраев даргузашт

ДУШАНБЕ, 30 май — Sputnik. Султон Тӯраев, директори ширкати “Хуросони Истаравшан”, узви дигари хонадони маъруфи Тӯраевҳо дар шаҳри Истаравшан, ба Sputnik Тоҷикистон гуфт, вазъи бародари бузургаш низ рӯзҳои ахир ба вахомат гароид.

"Ҳоло он кас таҳти табобати пизишкон ҳастанд ва аз Худованд умедворем, ки ба он кас шифо диҳад”, - гуфт Султон Тӯраев.

Тафсилоти бештар нашр мешавад.

93
Барчаспҳо:
вазъият, раис, Истаравшан
Президент Республики Таджикистан Эмомали Рахмон

Боздиди Эмомалӣ Раҳмон аз кишти 100-гектарии гандум дар Данғара

30
Деҳқонон ба ғайр аз гандум дар майдони 80 гектар замин пахта, дар боқимондаи он дигар намуди зироати кишоварзӣ аз қабили, картошка, пиёз ва полезиҳо кишткардаанд

ДУШАНБЕ, 30  май — Sputnik. Имрӯз раисҷумҳури Тоҷикистон Эмомалӣ Раҳмон дар ноҳияи Данғараи вилояти Хатлон аз нашъу намои замини гандуми Кооперативи истеҳсолии тухмипарварии "Муҳсинҷон" боздид кард, гузориш медиҳад дафтари матбуоти президент. 

"Самти асосии ширкати "Муҳсинҷон" ба парвариши тухмии навъҳои маҳаллии ҳосилдеҳи гандум нигаронида шуда, хоҷагидорон дар ин самт таҷрибаи бой доранд", - тавзеҳ медиҳад манбаъ.

Гуфта мешавад, соли ҷорӣ деҳқонон дар майдони зиёда аз 100 гектар гандум кишт кардаанд, ки ҳоло нашъу намои он хуб ба назар мерасад. Дар майдони 80 гектар замин пахта, дар боқимондаи он дигар намуди зироати кишоварзӣ аз қабили, картошка, пиёз ва полезиҳо кишт шудааст.

Қариб 200 гектар замини  "Муҳсинҷон"-и ноҳияи Данғара обӣ буда,  асосан навъҳои гандуми маҳаллии серҳосили ба иқлими ноҳияи калони ғаллакори мамлакат-Данғара кишт карда шудааст.

"Мувофиқи иттилоъи масъулон соли равон дар майдони 50 гектар аз тухми гандуми ҳосилдеҳи "Фарҳоди", ки маҳсули офаридаи олимони соҳаи кишоварзии мамлакат мебошад, кишт карда шудааст", - менависад дафтари мутбуот.

Хадамот: масъалаи гандум ҳал шуд, чанд рӯз пас картошка ҳам фаровону арзон мешавад

Гуфта мешавад, ҳосили интизории имсолаи ғаллазори замини Кооперативи истеҳсолии тухмипарварии "Муҳсинҷон"-и ноҳияи Данғара, ки ҳоло нашъу намои хуб дорад 60 сентнерро ташкил хоҳад дод.

 Эмомалӣ Раҳмон ҳангоми боздид ва шиносоӣ аз нашъу намои замини ғалла ба масъулон чиҳати гирифтани ҳосили фаровони гандум, таъмин кардани ҳама хоҷагиҳои ғаллакори ҷумҳурӣ бо тухмиҳои ба иқлим мутобқи ҳосилдеҳ маслиҳатҳо дод, афзудааст манбаъ.

30

Лавров Ғарбро барои истифодаи пандемияи коронавирус бо мақсадҳои худ интиқод кард - навор

0
(Таҷдидшуда 01:13 30.05.2020)
Ба гуфтаи Сергей Лавров, кишварҳои ғарбӣ мекӯшанд аз вазъ истифода баранд, то ки кишварҳои ба худ номувофиқро ҷазо диҳанд

Вазири корҳои хориҷии Русия Сергей Лавров муносибати кишварҳои Ғарбро ба пандемияи коронавирус маҳкум кард.

Тавре вазири корҳои хориҷӣ дар мақолае барои рӯзномаи чинии Global Times навишт, онҳо кӯшиш мекунанд, ки аз ин вазъ истифода баранд, то ҳукуматҳоеро, ки ба ӯ беэътиноӣ мекунанд, ҷазо диҳанд ва ба кишварҳои ба эпидемия гирифторшуда гирифтани кӯмаки башардӯстона аз Русияро манъ кунанд.

Дар айни замон, худи Ғарб барои шитоб накардани принсипҳои гуманизм дар масъалаи мубориза бо COVID-19 шитоб намекунад. Дар видеои мо дар бораи стандартҳои дугонаи кишварҳои ғарбӣ бештар хонед.  

0
Барчаспҳо:
Сергей Лавров, Русия, ИМА, нав