Таҷлили 85-олагии шаҳри Хоруғ

Таҷлили 85-солагии шаҳри Хоруғ

253
(Таҷдидшуда 19:21 09.12.2017)
Дар шаҳри Хоруғ ба муносибати 85-солагии шаҳр чорабиниҳои гуногуни фарҳангӣ баргузор шуд

ДУШАНБЕ, 10 дек — Sputnik. Ба гузориши сухангӯи ҳукумати ВМКБ Нилуфар Асламшоева,  бо ташаббуси рохбарияти МИМХД-и Вилояти Мухтори Кўхистони Бадахшон 9 декабр дар маркази вилоят-шахри Хоруӯ Рӯзи шаҳр эълон шуд.   

Ба ин хотир дар шаҳри Хоруғ як қатор чорабиниҳои варзишӣ аз қабили волейбол бо ҷалби дастаҳои занона ва мардона аз маҳаллаҳои шаҳр, баскетбол ва шоҳмот доир гардиданд.

Сокинони ҷамоатҳои шаҳраки Исмоили Сомонӣ ва Шириншо Шоҳтемур аз ҳисоби ҳунарҳои мардумӣ, таомҳои миллӣ ва дигар маҳсулот намоишгоҳ ташкил намуданд.

Ғизоҳои миллӣ
© Фото : Нилуфар Асламшоева
Ғизоҳои миллӣ

Ҳамчунин маҳсулоти корхонаҳои саноатии шаҳри Хоруғ ба намоиш гузошта шуд.

Раиси ВМКБ Шодихон Ҷамшед зимни суханрониаш гуфт, ки эълон гардидани Рӯзи шаҳр танҳо ба хотири як рӯз набуда, корҳои ободонию созандагӣ бояд аз ҷониби сокинони маркази вилоят бомаром идома ёбанд. 

"Гарчанде аз расман маркази маъмурии ВМКБ эълон гардидани шаҳри Хоруғ 85 сол сипарӣ гардида бошад ҳам, бунёдкориҳои бештаре дар он маҳз дар даврони соҳибистиклолии кишвар рӯи кор омаданд",- гуфт ӯ.

  • Таҷлили Рӯзи шаҳри Хоруғ
    Таҷлили Рӯзи шаҳри Хоруғ
    © Фото : Нилуфар Асламшоева
  • Таҷлили Рӯзи шаҳри Хоруғ
    Таҷлили Рӯзи шаҳри Хоруғ
    © Фото : Нилуфар Асламшоева
  • Таҷлили Рӯзи шаҳри Хоруғ
    Таҷлили Рӯзи шаҳри Хоруғ
    © Фото : Нилуфар Асламшоева
1 / 3
© Фото : Нилуфар Асламшоева
Таҷлили Рӯзи шаҳри Хоруғ

Арамбегим Маҳтобшозода-раиси шаҳри Хоруғ гуфт, ки ҷавобан ба ин хама дастгириву ғамхориҳои ҳукумат, сокинони шаҳри Хоруғ тамоми саъйи худро бар он равона месозанд, то бо анҷом додани амалҳои созанда дар ободонии як гӯшаи Тоҷикистони соҳибистиқлол саҳмгузор бошанд ва шаҳри Хоруғро ба нигини ҳақиқии Бадахшон табдил диҳанд.

Барои сахмгузорӣ дар рушди соҳаҳои иқтисодию иҷтимоии шаҳри Хоруғ як қатор намояндагони касбу кори гуногун қадрдонӣ карда шуданд.Б

Барномаи аҳли фарханги вилоят анҷомбахши чорабинии идона гардид.   

253
Барчаспҳо:
85-солагӣ, ҷашн, таҷлил, Рӯзи Хоруғ, Арамбегим Маҳтобшозода, Шодихон Ҷамшед, Хоруғ, Тоҷикистон
Сценарист и кинорежиссер Искандар Усмонов

Искандар Усмонов дар Теҳрон ҷоиза гирифт

77
(Таҷдидшуда 19:45 28.11.2020)
Коргардон ва драматурги тоҷик Искандар Усмонов дар як Ҷашнвораи байналмилалии филмҳо дар шаҳри Теҳрон соҳиби ҷоиза гардид

ДУШАНБЕ, 28 ноя — Sputnik. Дар шаҳри Теҳрон маросими ҷоизасупорӣ ба иштирокчиёни Ҷашнвораи байналмилалии филмҳои "Муқовимат" баргузор гардид, хабар медиҳад рӯзномаи Вечёрка.

Маросими мазкур санаи 23 ноябр баргузор гардид ва як намояндаи Тоҷикистон низ сазовори ҷоиза гашт.

Манбаъ меафзояд, муаллифи сенарияи филми "Дар марз", коргардон ва драматурги тоҷик Искандар Усмонов бо ҷоизаи "Сенарияи беҳтарини филми ҳунарии кутоҳмуддат" мукофотонида шуд.

Филм дар ҳамкорӣ бо коргардони қирғиз Тинчтик Абилқосимов дар "Киргизфилм" ба навор гирифта шудааст.

Филм барои +18 ё поинтар: тағйири қонуни Тоҷикистон “Дар бораи кино”

Қаҳрамонони филми "Дар марз" бо забонҳои тоҷикӣ, русӣ ва қирғизӣ ҳарф мезананд. Филм дар асоси саргузашти сокини солхӯрдаи як деҳаи Тоҷикистон, ки барои дидорбинии хешовандонаш ба деҳаи Қирғизистон меравад, таҳия шудааст.

Тавре коргардони тоҷик гуфт, филм 10 рӯз дар минтақаи Ботканди Қирғизистон ба навор гирифта шудааст.

Соли гузашта филми "Дар марз" дар озмуни байналмилалӣ дар VII Форуми филми ҷавони кишварҳои ИДМ "Умут" дар бахши "Мубрамияти ғоя" пирӯз шуда буд.

77
Жители Душанбе на улице в масках

Омори фавт, сироят ва шифоёбӣ аз коронавирус дар Тоҷикистон

151
(Таҷдидшуда 19:41 28.11.2020)
Вазорати тандурустии Тоҷикистон хабар медиҳад, ки давоми чанд ҳафтаи ахир дар ҷумҳурӣ ягон ҳолати фавт аз коронавирус ба қайд гирифта нашудааст

ДУШАНБЕ, 28 ноя — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 36 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба  12118 нафар баробар гардид.

Ҳамзамон, дар як шабонарӯзи охир 40 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11518 (95,0%) нафар баробар гардид.

36 кас мариз шуданду 42 тан шифо ёфтанд: омори коронавирус дар Тоҷикистон

Вазорат таъкид мекунад, ки давоми чанд ҳафта дар ҷумҳурӣ ягон ҳолати маргу мир аз коронавирус сабт нагардида, ҷамъан аз авоили бурузи ин маризӣ 86 нафар ҷони худро аз даст доданд.

Дар ҳамин ҳол, Ҳукумати Тоҷикистон ва Вазорати тандурустӣ аз тамоми сокинони кишвар даъват мекунанд, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

151
Барчаспҳо:
маризӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Дар Хатлон 941 иншооти тандурустӣ бунёду навсозӣ мешавад

0
(Таҷдидшуда 20:57 28.11.2020)
Дар вилояти Хатлон бахшида ба истиқболи сазовори 30-солагии Истиқлоли Тоҷикистон бунёди 941 иншооти тандурустӣ дар назар аст

ДУШАНБЕ, 28 ноя — Sputnik. Ба истиқболи 30-солагии Истиқлолияти давлатӣ ва баланд бардоштани сатҳу сифати хизматрасонии тиббӣ ба аҳолӣ дар вилояти Хатлон 532 иншооти соҳаи тандурустӣ бунёд гардидааст, хабар дод нашрияи парлумонии “Садои мардум”.

Манбаъ аз қавли шуъбаи иттилоотию таҳлилии Дастгоҳи раиси вилояти Хатлон хабар дод, то ҷашни Истиқлол дар вилоят бунёду навсозии 941 иншооти тиббӣ ба нақша гирифта шудааст, ки наздики 70 дарсади он мавриди баҳрабардорӣ қарор дорад.

“Аз ҷумла, 27 беморхона, 55 маркази саломатӣ, 159 бунгоҳи тиббӣ, 142 нуқтаи хатнакунӣ, 14 таваллудхона ва 135 дорухона дар хизмати аҳолӣ қарор дода шуд”, - омадааст дар иттилоия.

Таъкид шудааст, ки айни ҳол сохтмони иншооти калонҳаҷм, аз қабили бинои Маркази перинаталӣ ва Маркази табобатии бемориҳои қалб дар шаҳри Бохтар, Беморхонаи бисёрсоҳа бо 200 кати бистарикунонӣ ва Маркази саломатӣ барои қабули 300 бемор дар ноҳияи Қубодиён, Беморхонаи касалиҳои сироятӣ дар ноҳияи Данғара ва Беморхонаи рақамӣ дар ноҳияи Ҷалолиддини Балхӣ, бомаром идома дошта, дар арафаи анҷомёбист.

Инчунин, дар деҳот сохтмони бунгоҳ ва марказҳои саломатӣ идома дорад.

Нашрия зикр намудааст, ки ҳоло дар вилояти Хатлон 115 муассисаи сохтори госпиталӣ ва 41 муассисаи амбулаторию госпиталӣ фаъолият менамоянд.

0
Барчаспҳо:
сохтмон, Тоҷикистон