Бозори Султони Кабир, акс аз бойгонӣ

Дуздии ду сокини шаҳри Душанбе аз бозори "Султони Кабир" ошкор шуд

129
(Таҷдидшуда 11:27 19.01.2018)
Ду сокини Душанбе бо роҳи пинҳонӣ амволи як соҳибкорро, ки дар умум 11 ҳазору 430 сомониро ташкил медиҳад, диздида аз ҷойи ҳодиса ғайб заданд

ДУШАНБЕ, 19 янв — Sputnik. Тавре Вазорати умури дохилаи Тоҷикистон гузориш медиҳад, дар шаҳри Душанбе дуздии ду мард аз бозори "Султони Кабир" ошкор шуд.

Бино бар иттилои манбаъ, гумонбаршудаҳо — марди 29-сола ва 59-солаи сокини шаҳри Душанбе рӯзи 16-уми январ анбори як соҳибкори 30-солаи бозори мазкурро ғорат кардаанд.

"Ба ШВКД-1 дар ноҳияи Фирдавсӣ марди 30-солаи сокини ноҳияи мазкур, соҳибкор, муроҷиат намудааст, ки 16-уми январи соли 2018, тахминан соати 11:30-дақиқа, шахсони номаълум бо роҳи пинҳонӣ вориди амборхонааш, воқеъ дар бозори "Султони Кабир" шуда, аз он ҷо 28-адад "Магнитофон" ва 2-адад "Динамик", ҷамъ ба маблағи 11 ҳазору 430-сомониро дуздида, аз ҷойи ҳодиса ғайб задаанд",-қайд мекунад манбаъ.

Гумонбаршудаҳо аз ҷониби кормандони милиса дастгир шуда, парвандаи ҷиноятӣ оғоз шудааст ва тафтишот идома дорад.

ВУД исми соҳибкор ва ҷинояткоронро ифшо накардааст.

129
Барчаспҳо:
дуздӣ, Султони Кабир, Тоҷикистон