Раисҷумҳури Тоҷикистон Эмомалӣ Раҳмон, акс аз бойгонӣ

Баъди танбеҳи раисҷумҳур: вазири молия аз мақомаш барканор шуд

250
(Таҷдидшуда 13:26 19.01.2018)
Раисҷумҳур барои иҷрои нокифояи даромади будҷаи давлатӣ ва ба амал омадани қарзи маош ба Абдусалом Қурбониён танбеҳ дода буд

ДУШАНБЕ, 19 янв — Sputnik. Имрӯз 19-уми январ чанде аз расонаҳои Тоҷикистон дар истинод ба манобеи худ хабар доданд, ки вазири молияи Тоҷикистон Абдусалом Қурбониён аз мақомаш барканор шудааст. Бино бар иттилои расонаҳо, ба ҷойи вай раисҷумҳур собиқ раиси Кумитаи амволи Тоҷикистон Файзиддин Қаҳҳорзода таъин кардааст.

Барканоршавии вазири молия дар ҳолест, ки рӯзи гузашта раисҷумҳури Тоҷикистон Эмомалӣ Раҳмон дар Маҷлиси васеи ҳукуматӣ пас аз гузориши Абдусалом Қурбониён аз камбудҳои кори вай ёдрас кард ва ислоҳи саривақтии онро талаб кард.

"Эмомалӣ Раҳмон камбудиҳои Вазири молияро оид ба иҷрои нокифояи қисми даромади буҷети давлатӣ, ба амал омадани қарзи маош дар баъзе шаҳру ноҳияҳои кишвар, истифодаи ғайримақсадноки маблағҳои буҷетӣ, назорати ғайриқаноатбахши истифодаи маблағҳо, татбиқи нокифояи талаботи Қонуни ҶТ "Дар бораи буҷети давлатӣ", сари вақт пардохт нагардидани қарзҳо аз ҷониби субектҳои қарзгир, нишон дода, ислоҳи саривақтии онро талаб намуд",- гузориш дода буд дафтари матбуотии раисҷумҳури Тоҷикистон.

Дафтари матбуотии раисҷумҳур ҳоло ин хабарро тасдиқ накардааст.

250
Барчаспҳо:
барканоршавӣ, мансаб, Абдусалом Қурбониён, Тоҷикистон
Портфель с документами

Дар Тоҷикистон дар шаш моҳи ахир фаъолияти беш аз 12 ҳазор соҳибкор қатъ гардид

4
(Таҷдидшуда 02:16 05.08.2020)
Ожонсии омори Тоҷикистон ахиран эълон доштааст, ки дар шаш моҳи соли равон дар ҷумҳурӣ 12 ҳазору 600 фаоли бахши хусусӣ иҷозатномаи фаъолияти худро лағв кардаанд

ДУШАНБЕ, 5 авг — Sputnik.  Бино бар иттилои Ожонсии омори Тоҷикистон, аз ҷумла 460 шахсони ҳуқуқӣ ва ҳудуди 12,2 ҳазор соҳибкорони инфиродӣ фаъолияти худро қатъ қтӣ карданд.

Гуфта шудааст, ки аз ин шумор 463 соҳибкорони инфиродӣ тибқи гувоҳнома ва беш аз 10,3 ҳазор соҳибкорони ифниродӣ мувофиқи патент фаъолият мекарданд.

Дар ҳамин ҳол манбаъ зикр кардааст, ки дар ин давра инчунин 1357 хоҷагиҳои деҳқонӣ барҳам дода шуд.

Тибқи иттилои Ожонсии омор шумори субъектҳои хоҷагидории амалкунанда ба ҳолати 1 июли соли равон 333 ҳазор ададро ташкил дод, аз ҷумда 35,5 ҳазор - шахсони ҳуқуқӣ ва 298 ҳазор - соҳибкорони инфиродӣ.

Теъдоди умумии субъектҳои хоҷагидорӣ дар муқоиса бо ҳамин давраи соли гузашта ба андозаи 1,8% ё худ 6 ҳазор адад афзуд.

Шумори соҳибкорони инфиродии амалкунанда нисбат ба ҳамин давраи соли пешин 6,3 ҳазор адад зиёд шуд, аз ҷумла соҳибкорони ифиродии тибқи гувоҳнома фаъолиятдошта - 1,4 ҳазор адад ва хоҷагиҳои деҳқонӣ - 5,2 ҳазор адад афзуда, теъдоди соҳибкорони инфиродии мувофиқи патент амалкунанда 357 адад кам шуд.

4
Барчаспҳо:
фаъолият, Ожонси омор, иҷозатнома, соҳибкор, Тоҷикистон

Ҷашнҳои рӯзи 5 август дар Тоҷикистон ва ҷаҳон

52
(Таҷдидшуда 21:48 04.08.2020)
Рӯзи панҷуми август ҳамчун Рӯзи байналмилалии чароғаки роҳ таҷлил мешавад. Дар Хорватия Рӯзи миннатдорӣ ба ғалаба ва шарофати Ватан ҷашн гирифта мешавад

Рӯзи 5 август дар ҷаҳон чӣ рух дод

Сли 1886 дар ИМА аввалин шумораи рӯзномаи "Америка" бо забони украинӣ нашр шуд.

Соли 1924 дар Туркия бисёрзанӣ манъ карда шуд.

День 4 августа
© Sputnik / Стас Этвеш / Вишнякова Мария
Соли 1949 дар натиҷаи заминҷунбии шадид дар Перу зиёда аз 5 ҳазор нафар ба ҳалокат расиданд.

Соли 1999 Эквадор, Ирландия, Казоқистон, Малайзия ва Тунис барои беяроқгардонии кишварҳояшон ба ҳайати Созмони Милали Муттаҳид шомил шуданд.

Соли 1891 аввалин маротиба дар Амрико расиди сафарии "американ экспресс" ба роҳ монда шуд.

Рӯзи 5 август дар Тоҷикистон чӣ рух дод 

Соли 2009 Ассотсиатсияи байналмилалии Федератсияи  футбол (ФИФА) рейтинги нави дастаҳои миллиро нашр намуд, ки дар он дастаи мунтахаби Тоҷикистон дар миёни 203 давлат мақоми 155-умро соҳиб гашт.

День 2 августа
© Sputnik / Стас Этвеш / Вишнякова Мария
Соли 2009 раисҷумҳури Тоҷикистон Эмомалӣ Раҳмон Қонуни Ҷумҳурии Тоҷикистон "Дар бораи суғуртаи мутақобила"-ро имзо намуданд.

Ҷашнҳои рӯзи 1 август дар Тоҷикистон ва ҷаҳон

Соли 2010  Эмомалӣ Раҳмон аз рўи ҷамъбасти мулоқоти сарони давлатҳои Тоҷикистон, Эрон ва Афғонистон изҳороти матбуотӣ баён намуданд.

Соли 2010 сарвари давлат Эмомалӣ Раҳмон ва Президенти вақти Ҷумҳурии Исломии Афғонистон Ҳомид Карзай масоили ҳамкории гуногунҷанбаи ду кишвари ҳамсоя- Тоҷикистон ва Афғонистонро баррасӣ намуданд.

 

Мулоқоти Эмомалӣ Раҳмон, раисиҷумҳури Тоҷикистон бо Ҳомид Карзай, собиқ раисиҷумҳури Афғонистон
дафтари матбуоти раисиҷумҳури Тоҷикистон
Мулоқоти Эмомалӣ Раҳмон, раисиҷумҳури Тоҷикистон бо Ҳомид Карзай, собиқ раисиҷумҳури Афғонистон

 

Соли 2010 дар шаҳри Хуҷанд корхонаи муштараки истеҳсоли маҳсулоти Тоҷикистону Кипр «Стар Мост» ба фаъолият оғоз кард.

Сли 2011 дар "Боғи Ирам"-и шаҳри Душанбе  Амфитеатр ба истифода дода шуд.

 

Сад Ирам, бывший ботанический сад
© Sputnik / Амир Исаев
Сад Ирам, бывший ботанический сад

 

Ҷашнҳои рӯзи 5 август

  • Рӯзи байналмилалии чароғаки роҳ (светофор).
  • Дар Хорватия – Рӯзи миннатдорӣ ба ғалаба ва шарофати Ватан.

Рӯзи 5 август дар Тоҷикистон кӣ ба дунё омадааст

Солҳои (1930-2005) – ходими намоёни фарҳанги Тоҷикистон Раҳмон Сафаров.

Соли 1944 – рассом, ходими хизматнишондодаи санъати Тоҷикистон Юсуфҷон Сангов.

Соли 1947 – нависандаи халқии Тоҷикистон Абдулҳамид Самадов.

52
Барчаспҳо:
ҷашн, ҷаҳон, Тоҷикистон