Шабнами Сурайё

Шабнам Сурайё ва 101 ситораи эстрада дар рӯйхати сиёҳи Кумитаи андоз

720
(Таҷдидшуда 11:34 24.01.2018)
Кумитаи молиёт 102 ҳунарпешаи тоҷикро муттаҳам ба саркашӣ аз пардохти молиёт кардааст

ДУШАНБЕ, 24 янв— Sputnik. Беш аз 100 ситораи эстрадаи тоҷик ба рӯйхати сиёҳи Кумитаи андоз ворид шудаанд. Дар ин бора Кумитаи андоз хабар медиҳад.

"Кумитаи андози Тоҷикистон 102 овозхон, ҳунарманд ва раққосро дар пардохт накардани андози патент айбдор мекунад", — омадааст дар хабарнома.

Қайд мешавад, ки ситораҳои эстрада бидуни патент дар тӯйҳо ва шабнишиниҳо ҳунарнамоӣ мекунанд.

Миёни қонуншиканҳо-ситораҳои эстрадаи тоҷик Шабнам Сурайё, Садриддин Наҷмиддин, Меҳрнигор Рустам, Пенҷӣ Анаев, Сафаргул Юсупова, Сарвиноз Юсуфӣ, Фахриддин Малик ва дигарҳо номбар шудааст.

Пештар ҳамаи овозхонони Тоҷикистон барои фаъолияти қонунӣ патент гирифта буданд, вале баъдтар аз пардохти андоз даст кашиданд, омадааст дар хабарномаи Кумитаи андоз.

Оғоз аз якуми янври соли 2013 мувофиқи Кодекси андози ҶТ намояндагони шоу-бизнес ҳар моҳ бояд ба буҷаи давлат 540 сомонӣ (беш аз 60 дулор) пардохт кунанд. Пештар нархи андоз дар мувофиқа бо даромади овозхон муайян мешуд.

Вале бархе аз ситораҳои эстрада даромади аслии худро аз давлат пинҳон карданд ва дар ин росто патент ҷорӣ карда шуд.

720
Барчаспҳо:
патент, андоз, Кумитаи андоз, Шабнами Сурайё, Тоҷикистон
Партия наркотиков

Интиқоли маводи мухаддир аз Афғонистон ба Тоҷикистон 10% коҳиш ёфтааст

38
(Таҷдидшуда 13:01 27.09.2020)
Қисми зиёди маводи мухаддире, ки мехоҳанд ба қаламрави Тоҷикистон интиқол диҳанд, дар марз ё минтақаҳои наздисарҳадӣ бо Афғонистон мусодира карда мешаванд, қайд кард Агентии назорати маводи мухаддир.

ДУШАНБЕ, 27 сен — Sputnik. Дар ду соли охир ҳаҷми интиқоли маводи мухаддир аз Афғонистон ба Тоҷикистон дар масири шимол коҳиш ёфт, хабар медиҳад Агентии назорати маводи мухаддири ҷумҳурӣ.

Тибқи маълумоти расмӣ, аз соли 2017 то 2019 ҳаҷми интиқол аз 15 то 10% коҳиш ёфтааст.

"Интиқоли маводи мухаддир аз Афғонистон ба Тоҷикистон бо роҳи ба истилоҳ Масири Шимолӣ аз соли 2017 инҷониб аз 15 то 10% коҳиш ёфтааст.  Ин ба шарофати афзоиши назарраси назорат, аз сарҳад ва то ба тамоми минтақаҳои кишвар, имконпазир гардид ", - гуфта мешавад, дар гузориши оҷонсӣ "Дастовардҳои Тоҷикистон дар давраи татбиқи Стратегияи миллии мубориза бо гардиши ғайриқонунии маводи мухаддир дар Тоҷикистон барои солҳои 2013-2020".

Гуфта мешавад, ки аксари маводи мухаддире, ки онҳо мехостанд ба қаламрави Тоҷикистон интиқол диҳанд, дар марз ё минтақаҳои наздисарҳадӣ мусодира карда мешаванд.

Ҳамин тавр, соли 2019 дар ҷумҳурӣ беш аз 1,6 ҳазор килограмм маводи мухаддир мусодира карда шудааст, ки 48% аз он дар минтақаҳои наздисарҳадӣ мусодира шудааст.

Мақомот дигар мухаддирот намехаранд: Салимзода гуфт, чаро гардиши нашъа 2 тон кам шуд

Ин ниҳод қаблан гуфт, ки мақомоти ҳифзи ҳуқуқи Тоҷикистон давоми солҳои 2017-2020 35 гурӯҳи муташаккили ҷиноии трансмиллиро ошкор ва нест карда, инчунин 84 роҳбар ва аъзои фаъолро боздошт карданд.

38
Барчаспҳо:
Агентии назорати маводи нашъаовар, Афғонистон, Тоҷикистон
Министр культуры Узбекистана Озодбек Назарбеков

Вазири фарҳанги Ӯзбекистон Озодбек Назарбеков ба Тоҷикистон омад

191
Моҳи  равон якчанд мулоқотҳои ҳамаҷонибаи намояндагони расмии Ӯзбекистон ва Тоҷикистон идома хоҳад кард

ДУШАНБЕ, 27 сен — Sputnik. Намояндагони Ӯзбекистон бо роҳбарии Вазири фарҳанги ин кишвар Озодбек Назарбеков ба вилояти Суғд омаданд, менависад нашри минтақавии “SugdNews”.

Ба иттилои манбаъ, дар марз меҳмонони фахриро муовини вазири фарҳанги Тоҷикистон Обид Назаров ва муовини раиси вилояти Суғд Анвар Ёқубӣ пешвоз гирифтанд.

Гуфта мешавад, ҳадафи сафари гурӯҳи корӣ- рушди муносибатҳои фарҳангии дуҷонибаи Тоҷикистону Узбекистон, табодули таҷриба ва дурнамои ҳамкориҳои минбаъда мебошад.

Тибқи маълумоти пешакӣ, ҳайат ҳадди аққал ду рӯз дар Тоҷикистон хоҳад буд.

  26 сентябр намояндагони Узбекистон ба Хуҷанд ташриф оварданд ва як қатор чорабиниҳо санаи 27 сентябр дар Душанбе ба нақша гирифта шудааст.

Марзи Тоҷикистону Ӯзбекистон кай боз мешавад?

Ба ҳайати гурӯҳи меҳмонони ӯзбек сарвари Академияи рассомии Ӯзбекистон Акмал Нур, ректори Консерваторияи давлатӣ Камолиддин Уринбоев, директори Театри драма ва мазҳакаи ба номи Муқимӣ Мирзо Азизов ва дигар намояндагону зиёиён ва эҷодкорон шомиланд.

191
Барчаспҳо:
Озодбек Назарбеков, Ӯзбекистон, Тоҷикистон
Связка ключей от квартир многоэтажного жилого дома, архивное фото

Баъди 20 соли бехонагӣ: соҳибкорон ба Ҷонаковҳо аз номи Президент хона доданд

74
Оилаи Ҷонаковҳо баъди 20 соли бехонагӣ, ахиран дар шаҳри Леваканти вилояти Хатлон соҳиби манзили дуҳуҷрагӣ гардидаанд

ДУШАНБЕ, 27 сен — Sputnik. Оилаи Ҷонаковҳо, ки панҷ фарзанд доранд, аз сабаби бехонагӣ тайи 20 сол дар нуқтаҳои сузишворӣ, вагонҳои хоҷагии деҳқонӣ ва ба ин монанд дар бошишгоҳи саҳроӣ бо азобу машаққати зиёд зиндагӣ мекарданд, навиштааст сомонаи "Фараж".

Манбаъ хабар дод, ки зимни сафари ахири Эмомалӣ Раҳмон, раисиҷумҳури Тоҷикистон, ба шаҳри Левакант аз номи роҳбари давлат ба Ҷонаковҳо калиди хонаи дуҳуҷрагӣ дода шуд. Ин хонаро ба оилаи Ҷонаковҳо соҳибкорони хайрхоҳи вилояти Хатлон туҳфа карданд, илова намудаст нашрия.

Муҳаббат Ҷонакова, модари хонадон ба “Фараж”  гуфтааст, ҳеҷ бовар надошт, ки баъди солҳои зиёди сарсониву саргардонӣ дар вагонҳои вайрона ва бошишгоҳи саҳроӣ соҳиби манзили зист ва замин мешавад.

Зикр шудааст, ки инчунин раиси ноҳияи Кӯшониён, Вализода Икромиддин дар ҳудуди ҷамоати шаҳраки Бохтариёни ноҳия барои Ҷонаковҳо 0,05 га замини наздиҳавлигӣ ҷудо карда, ҳуҷҷатҳои замин низ бо супориши раиси ноҳия барои онҳо ройгон омода гардидаанд.

74
Барчаспҳо:
кумак, хона, Тоҷикистон