Возложение цветов к Посольству Афганистана в Душанбе

Тоҷикон ёди кобулиёни ҷонбохтаро гиромӣ доштанд

95
(Таҷдидшуда 16:47 29.01.2018)
Шуморе аз рӯзноманигорон ва кунишгарони ҷомеъаи мадании Тоҷикистон бо роҳандозиӣ маросими гулгузорӣ назди Сафорати Афғонистон дар Душанбе ёди қурбониёни ҳамалоти интиҳории ахири Кобулро гиромӣ доштанд

ДУШАНБЕ, 29 янв — Sputnik. Дар ин маросим ҳамчунин бархе аз кормандони сафоратҳои хориҷии мустақар дар Душанбе ва бошандаҳои пойтахти Тоҷикистон низ ширкат доштанд.

Рӯзноманигор Иршод Сулаймонӣ, яке аз роҳандозони ин маросим, ба намояндагӣ аз ҷомеъаи маданӣ ва расонаии Тоҷикистон куштаву захмӣ шудани мардуми Кобулро ба сафири Афғонистон дар Тоҷикистон Залмай Юнусӣ ва мардуми Афғонистон таслият гуфт.

“Мо бар инем, ки мардуми сарбаланди Афғонистон сазовори ин ҳама хушунату ҷангу теруру қатлу ғорат нестанд ва сарзамини шеъру адабу фарҳангу муқовиматпарвари Афғонистон шоистаи ин ҳама манфиатхоҳиву ҷангҳои ниёбатӣ нест”, — гуфт вай дар ин маросим.

Сулаймонӣ гуфт, мо ҳаросафканиро аз ҳар идеулужӣ ва таълимоте, ки бархоста бошад, маҳкум мекунем ва бар инем, ки ҳеҷ идеулужие арзиши инро надорад, ки ҷони инсонҳои бегуноҳро бигирад.

Сафири Афғонистон низ дар ин маросим гуфт, ки ин амалиёти ҳаросафканӣ кори шуми хориҷиёнанд, ки бо номи Толибу ДОИШ ва дигару дигар ёд мешаванд.

Залмай Юнусӣ ҳамчунин гуфт, ки ҳарчанд мардуми Афғонистон дар ин шабу рӯз ғам доранд, вале боз ифтихори инро ҳам доранд, ки дар хатти аввали муборизаву ҷанг бо теруризм қарор доранд ва ин ҳама ҷаҳолатро дар ҷону тани худ таҷриба мекунанду минтақаву ҷаҳонро эман нигаҳ медоранд.

Ёдоварӣ мекунем, ки дар паи ҳамлае, ки 27-уми январ дар Кобул сурат гирифт, 103 кас кушта ва 235 кас, аз ҷумла 23 пулис захмӣ шуданд. Масъулияти ин ҳамларо ҷунбиши тундрави “Толибон” ба дӯш гирифт.

Ҳамчунин имрӯз бомдод ҳамлае дигар ба Донишгоҳи низомии маршал Фаҳим сурат гирифт, ки дар он 11 сарбоз кушта ва 16 тан захмӣ шуданд. Аз муҳоҷимон 4 кас кушта ва яке дастгир шудааст. Масъулияти ин ҳамларо “Давлати исломӣ” ба уҳда гирифтааст.

95
Барчаспҳо:
ёдбуди ҷонбохтагон дар амалиёти интиҳорӣ, Залмай Юнусӣ, Иршод Сулаймонӣ, Тоҷикистон-Афғонистон
Мавзуъ
Инфиҷори бомба дар шаҳри Ҷалолободи Афғонистон
Ҳамла ба Донишгоҳи низомии маршал Фаҳим дар Кобул
Ҳафт шаҳрванди Укроин дар Кобул кушта шудаанд
ДИИШ масъулияти ҳамалоти террористии Кобулро бар ӯҳда гирифт
Здание парламента Республики Таджикистан

Баррасии ҳамкориҳои парлумонӣ: мулоқоти раиси Маҷлиси намояндагон бо сафири Ҳинд

16
(Таҷдидшуда 01:31 15.08.2020)
Раиси Маҷлиси намояндагони Тоҷикистон бо сафири Ҳинд дар Душанбе дидору мулоқот кард

ДУШАНБЕ, 15 авг — Sputnik.  Ба нақл дафтари матбуоти парлумони Тоҷикистон, Муҳаммадтоҳир Зокирзода, бо Вироҷ Синг сафири Ҳиндустон дар Душнбе дидор ва гуфтугӯ кард.

Муҳаммадато Султонов сухангӯи Маҷлиси намояндагони Тоҷикистон гуфт, дар мулоқот ду тараф дурнмои ҳамкориҳои байни парлумонии Тоҷикистон ва Ҳиндустон баҳс ва баррасӣ шуд. 

Вай афзуд, дар ин мулоқот таъкид шуд, ки Маҷлиси  намояндагони Маҷлиси Олии Тоҷикистон ба тавсеа ва густариши муносибот бо Ҳинд таваҷҷӯҳи  вижа кунад. 

Бояд қайд кард, ки мақомоти Тоҷикистон ва Ҳиндустон аз соли 1991 то кунун 70 тавофуқнома барои ҳамкорӣ дар бахшҳои мухталиф бо якдигар имзо карданд.

Ҳудуди 80 ширкати ҳиндӣ дар Тоҷикстон фаъолият мекунанд.

16
Барчаспҳо:
Душанбе, маҷлис, парлумон, ҳамкорӣ, Ҳинд, Тоҷикистон
День 15 августа

Ҷашнҳои рӯзи 14 август дар Тоҷикистон ва ҷаҳон

28
(Таҷдидшуда 19:58 14.08.2020)
Рӯзи понздаҳуми август дар Русия аз Рӯзи бостоншиносон ҷашн гирифта мешавад. Ҳамчунин дар ин рӯз мардуми Ҳиндустон аз Рӯзи истиқлолияташон таҷлил мекунанд

Рӯзи 15 август дар ҷаҳон чӣ рух дод

Соли 1795 дар Фаронса пули нав – франк ба муомилот бароварда шуд.

День 12 августа
© Sputnik / Стас Этвеш / Вишнякова Мария

Соли 1908  ба занони Пруссия ҳуқуқи дар мактабҳои олӣ таҳсил намудан дода шуд.

Соли 1945 дар ИМА меъёри муқаррарнамуда барои фурӯши бензин ва равғани мошин бекор карда шуд.

Соли 1950 дар Иёлати  Ассами Ҳиндустон заминҷунбии 9- балла ба қайд гирифта шуд, ки  дар натиҷаи он 1000 нафар ба ҳалокат расида, зиёда аз 2000 нафар бе сарпаноҳ монданд.

Соли 1992 дар Озарбойҷон пули нав – манат ба муомилот бароварда шуд.

 

Национальная валюта Азербайджана манат. Архивное фото
© Flickr / byezdomny
Национальная валюта Азербайджана манат. Архивное фото

 

Соли 2002 ширкати ҳавопаймои америкоии "National Airlines" дар бораи қарори худ, ки 11 сентябри ҳамон сол ҳамаи мусофиронашро бо арзиши рамзии 1 доллари америкоӣ интиқол медиҳад, хабар дод.

Соли 1877 ихтироъкор  Томас Эдисон аввалин маротиба пешниҳод кард, ки ҳангоми суҳбат бо телефон калимаи "Нello" истифода бурда шавад.

Соли 1879 дар шаҳри Торонто аввалин Намоиши миллии Канада баргузор гардид

Рӯзи 15 август дар Тоҷикистон чӣ рух дод

Соли 1935  аввалин  Спартакиадаи кӯдакони Тоҷикистон баргузор гардид.

День 14 августа
© Sputnik / Стас Этвеш / Вишнякова Мария

Соли 2011 раисҷумҳури Тоҷикистон Эмомалӣ Раҳмон машварати корӣ доир намуда, ба масъулини соҳаҳои дахлдор оид ба таъмини фаровонию арзонӣ ва тартибу низоми зарурӣ дар бозори истеъмолии мамлакат супоришҳои мушаххас доданд.

Соли 2011 дар ноҳияи Ванҷ Эмомалӣ Раҳмон пули мошингарди миёни Тоҷикистон ва Афғонистонро ифтитоҳ намуданд.

Ҷашнҳои рӯзи 13 август дар Тоҷикистон ва ҷаҳон

Соли 2013  дар шаҳри Душанбе Сарвари давлат Эмомалӣ Раҳмон ва ҳайати воломақоми Ҳукумати Ҷумҳурии Исломии Афғонистон масоили вобаста ба роҳҳои татбиқи амалии санадҳои ҳамкории дуҷониба ва минтақавии Тоҷикистону Афғонистон барои рушди робитаҳои иқтисодию тиҷоратӣ, сармоягузорӣ, энергетикӣ, ҳамлу нақлӣ ва ғайраро баррасӣ намудан

Соли 2017 дар шаҳри Сочии Русия  намоиши чоррӯзаи маҳсулоти баландсифати кишоварзии Тоҷикистон, ки  бо ташаббуси Президенти Ҷумҳурии Тоҷикистон Эмомалӣ Раҳмон ва Президенти Федератсияи Русия Владимир Путин баргузор гардид, хотима ёфт.

 

Президент РФ В. Путин принимает участие в заседании Совета глав государств СНГ
© Sputnik / Рамиль Ситдиков
Президент РФ В. Путин принимает участие в заседании Совета глав государств СНГ

 

Ҷашнҳои рӯзи 15 август

  • Дар Ҳиндустон – Рӯзи истиқлолият.
  • Дар Конго – Рӯзи истиқлолият.
  • Дар Коста-Рика   –Рӯзи модар.
  • Дар Россия — Рӯзи бостоншиносон.

Рӯзи 15 август кӣ дар Тоҷикистон ба дунё омадааст

Солҳои 1907-1978 – нависанда Ҳабибулло Назаров.

Солҳои 1913-1983 – тарҷумон Ҳабиб Аҳрорӣ.

Соли 1919 – рассом, дорандаи ҷоизаи ба номи А. Рӯдакӣ Сироҷиддин Нуриддинов.

Солҳои 1936 -2011 – ҳунарманди театр ва кино Бурҳон Раҷабов.

Соли 1939 – ҳунарманди хизматнишондодаи Тоҷикистон Раҷаб  Ҳусейнов.

28
Барчаспҳо:
ҷашн, ҷаҳон, Тоҷикистон