Барф дар Душанбе, акс аз бойгонӣ

Обуҳаво барои имрӯз: барф меборад ва ҳарорат паст мешавад

192
(Таҷдидшуда 09:35 01.02.2018)
Ба иттилои Агентии обуҳавошиносӣ, имрӯз дар қаламрави ҷумҳурӣ ҳавои номусоид, пастшавии ҳарорат, дар баъзе ноҳияҳо боридани барф ва фаромадани туман дар назар дошта шудааст

ДУШАНБЕ, 1 фев — Sputnik. Имрӯз, 1 феврал дар вилояти Суғд ҳаво камабри тағйирёбанда шуда, шабона дар баъзе ноҳияҳо боридани барф ва рӯзона фаромадани туман пешбинӣ карда мешавад. Шамол аз самти ғарб 3-8 ва дар баъзе ҷойҳо 13-18 метр дар як сония мевазад. Ҳарорат дар водиҳо шабона 3-8 дараҷа сард ва рӯзона 3-8 дараҷа гарм хоҳад шуд.

Ба иттилои Агентӣ, ҳаво дар Вилояти Мухтори Кӯҳистони Бадахшон тағйирёбанда шуда, боридани барф пешбинӣ карда мешавад. Дар ғарби вилоят ҳаво шабона 3-8 дараҷа хунук ва рӯзона 1-4 дараҷа гарм хоҳад шуд. Дар шарқи ин вилоят ҳаво шабона 12-17 ва рӯзона 3-8 дараҷа сард мегардад.
Дар вилояти Хатлон ҳаво абрнок гашта, боридани барф ва фаромадани туман дар назар дошта шудааст. Шамол аз самти ғарб 3-8 метр дар як сония мевазад. Дар водиҳо ҳаво шабона 5-10 ва рӯзона 3-8 дараҷа сард мешавад.

Дар шаҳру ноҳияҳои тобеи марказ ҳаво тағйирёбандаи камабр шуда, дар баъзе ҷойҳо боридани барф ва фаромадани туман пешгӯӣ карда мешавад. Ҳаво дар водиҳо шабона 4-9 дараҷа сард ва рӯзона 4-9 дараҷа гарм мешавад.

Дар пойтахт ҳаво абрноки тағйирёбанда гашта, дар баъзе ҷойҳо фаромадани туман дар назар аст. Ҳаво шабона 6-8 дараҷа сард ва рӯзона 5-7 дараҷа гарм хоҳад шуд.

192
Барчаспҳо:
барф ва сардӣ, Агентии обуҳавошиносии Тоҷикистон, Тоҷикистон