Ширкати Барқи тоҷик, акс аз бойгонӣ

"Барқи тоҷик" аз андоз беш аз 100 миллион сомонӣ қарздор будааст

44
(Таҷдидшуда 16:48 08.02.2018)
Дар маҷмӯъ, то оғози 1 январи соли равон ҳаҷми қарзи андоз дар Тоҷикистон 768,5 миллион сомониро ташкил дод (зиёда аз 87 миллион доллар)

ДУШАНБЕ, 8 фев — Sputnik. Ширкати "Барқи Тоҷик" аз рӯи натиҷагириҳои соли 2017 дар байни қарздорони асосии андоз бузургтарин боқӣ мемонад, гузориш медиҳад Кумитаи андози Тоҷикистон.

Бино ба гуфтаи раиси Кумитаи андози назди ҳукумати Ҷумҳурии Тоҷикистон Нусратулло Давлатзода, маблағи қарзи "Барқи Тоҷик" дар соли гузашта 101 миллион сомонро ташкил медиҳад, ки баробар ба 11,5 миллион доллар аст.

Ба теъдоди қарздорҳои калони андоз ҳамчунин корхонаи нассоҷии "Ресандаи Қурғонтеппа" — бо қарзи 18,5 миллион сомонӣ, корхонаи "Ангишти Назарайлоқ" — бо ҳарзи 9 миллион сомонӣ ва ширкати "Умед-88" — бо ҳарзи 4.2 миллион сомонӣ шомиланд.

Дар остонаи 1-уми январи соли ҷорӣ ҳаҷми қарзи андоз дар Тоҷикистон 768,5 миллион сомониро (зиёда аз 87 миллион доллар) ташкил дод, ки тақрибан 100 миллион сомонӣ камтар аз нишондодҳои оғози соли 2017 мебошад.

Пештар гузориш дода шуда буд, ки Тоҷикистон пас аз бекор кардани андоз аз арзиши иловашуда қариб 17 миллион долларро аз даст хоҳад дод.

Чӣ тавре, ки раиси Кумитаи андози ҷумҳурӣ Нусратулло Давлатзода иброз дошт, маблағи мазкур ба буҷаи давлатии кишвар ворид намешавад, аммо дар айни замон шароит барои офаридани ҷойҳои кории нав ва афзоиши истеҳсоли молҳо фароҳам меоянд.  

Хабар дода шудааст, ки аз пардохти ААИ воридоти фанновариҳои муосир барои корхонаҳои истеҳсоли доруворӣ, корхонаҳои соҳаи паррандапарварӣ, ва ҳамчунин воридоти ашёи хом барои истеҳсоли либоси мактабӣ озод карда мешаванд.

44
Барчаспҳо:
қарз, Барқи тоҷик, Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

475
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

475
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

2754
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

2754
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон