Китобхонаи ба номи Лоҳутӣ дар Душанбе

Китобхона ҳам таваҷҷӯҳ мехоҳад: китобхонаи шаҳрии Душанбе аз саховатпешагон кӯмак мепурсад

122
(Таҷдидшуда 14:05 09.02.2018)
25 соли баъди Истиқлолият гӯё аз ин китобхонаи шаҳрӣ фаромӯш карда буданд, ҳатто дар феҳристи Вазорати фарҳанг ва Вазорати маориф ҳам сабт нашуда будааст. Аммо ҳоло нақшаҳои роҳбарияти китобхона дигар аст: то дараҷае замонавӣ кардани аввалин китобхона дар Тоҷикистон, ки имсол 85-сола мешавад

ДУШАНБЕ, 8 фев — Sputnik. Роҳбарияти Китобхонаи  Лоҳутии шаҳри Душанбе ба нақша гирифтааст, барои ҷалби бештари хонандагон дар ҳавлиии китобхона як майдончаи варзишӣ бунёд кунад. Барои амалӣ кардани ин иқдоми худ, мудири китобхона Абдуқодир Талбаков аз эҳсонкорони дохиливу хориҷӣ кӯмак хостааст.

Тавре мудир дар мусоҳиба бо Sputnik Тоҷикистон қайд кард,  китобхонаи Лоҳутӣ  аввалин китобхона дар Тоҷикистон мебошад, ки дар соли 1933 бунёд гардида, ягона китобхонаи шаҳрӣ дар Душанбе аст. Китобхона дар ҳудуди 1 гектар бунёд ёфта, як бинои сеошёна дорад.  Атрофаш ҳоло холӣ аст.

Абдукодир Талбаков, архивное фото
Мудири Китобхонаи ба номи Абулқосим Лоҳутӣ

"Мо 40 метр ба 20 метр ҷой дорем,  имкон дорем, ки дар он ҷо як майдончаи варзишӣ барои теннис, футбол, валейбол ва ғайраҳо бунёд кунем", — мегӯяд Талбаков.

Ба гуфтаи мудири китрбхона, мақсад аз бунёди майдончаи варзиши, албатта ҷалби бештари насли наврас ва ҷавонон ба китобхониву китобхона мебошад.

Ҳоло роҳбарияти китобхона, ҳам ба эҳсонкорон муроҷиат кардааст ва ҳам ба шаҳрдории Душаенбе мактуб навиштааст.

"Нафароне, ки мехоҳанд кӯмак кунанд, метавонанд ё ба мо ва ё бевосита ба шаҳрдории Душанбе муроҷиат кунанд",- афзуд вай.

Ба гуфтаи Аблуқодир Талбаков, баъд аз Истиқлол гӯё дар Душанбе аз аввалин китобхонаи ҷумҳурӣ фаромӯш карда буданд. Баъзе асбобҳои китобхона  мерос аз даврони Иттиҳоди Шуровӣ будааст.  Вазорати фарҳанг ва маориф низ дар феҳристи худ ин китобхонаро сабт накарда будааст.

"Вақте ки ман ба китобхона омадам, маълум гардид, ки китобхона ҳатто дар феҳристи Вазорати маориф ва Вазорати фарҳанг набудааст. Ман ба вазир мактуб навишта, хоҳиш кардам, ки ҳамаи он китобҳое, ки дар тӯли 25 сол мунташир шудаанд, аз хазина ба китобхонаи Лоҳутӣ низ равон кунанд ва онҳоро гирифтам",- мегӯяд вай.

Имсол Китобхонаи Лоҳутӣ 85-сола мешавад. Роҳбарияти китобюхона нақша дорад, ки афзун ба майдончаи варзишӣ, толори китобҳои электронӣ ва боғ бунёд карда, барои хонандагон шароити беҳтар фароҳам оварад.

Ба таваҷҷӯҳи сокинони Душанбе мерасонем, ки ҳамчунин дар ин китобхона метавон китобҳоро барои мӯҳлати муайян ба иҷора гирифт.

122
Барчаспҳо:
майони варзишӣ, китоб, китобхона, Абдуқодир Талбаков, Тоҷикистон
Сотрудники санитарных служб проводят обработку улиц

Кӯчаву хиёбонҳои шаҳри Хуҷанд дубора безарар гардонида мешаванд

115
(Таҷдидшуда 19:45 12.07.2020)
Кӯчаву хиёбонҳои шаҳри Хуҷанд дубора поккорӣ мешаванд. Ин поккорӣ ба хотири пешгирӣ аз паҳншавии бемории коронавируси навъи COVID - 19 гузаронида мешавад

ДУШАНБЕ, 12 июл – Sputnik. Гурӯҳи безараргардонӣ ва пешнигрӣ аз сироят ба коронаирус СOVID-19 фаъолиятҳои поккорӣ дар иншооту муассисаҳо ва кӯчаву хиёбонҳои шаҳри Хучандро аз сар гирифт.

Бино ба гузориши КҲФ, ин гурӯҳ, ки аз аввали авҷи вируси корона дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар вилояти Суғд амал мекард, зарфи ду рӯзи охир ба фаъолиятҳои худ идома дод.

Ёдгор Файзов гуфт, ки чигуна Тоҷикистон тавонист коронавирусро пешгирӣ кунад

Дастаи имдод дар ин ду рӯз дар Беморхонаи клиникии вилояти Суғд ба номи С. Қутфиддинов ва даромадгоҳҳои биноҳои 5-9-ошёнаи истиқоматии маҳаллаи 12-умро бо истифода аз дорупошакҳои муҳаррикдор, маҳлули гипохлорид натрий поксозӯ карданд.

"Дар як рӯз аз ҷониби гурӯҳ беш аз 20 бино безарар гардонида мешаванд", - омадааст дар хабарнома.

Манбаъ афзуда, ки корҳои безараргардонӣ дар вилояти Суғд идома доранд.

Тибқи иттилои Вазорати беҳдошти ҶТ шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.

Дар кишвар 5176 нафар ё худ 79,5 дарсади гирифторони COVID-19 шифо ёфтаанд.

115
Барчаспҳо:
пешгирӣ, поксозӣ, вируси нав, Суғд
Мавзуҳо:
Пайомадҳои COVID-19 дар Тоҷикистон ва ҷаҳон
Мадина Акназарова - Бо ту / Madina Aknazarova - Bo Tu (2020) - YouTube

Мадина Ақназарова гуфт, чӣ гуна метавон аз COVID - 19 эмин шуд- видео

682
(Таҷдидшуда 19:09 12.07.2020)
Сарояндаи ҷавону машҳури Тоҷикистон Мадина Ақназарова дар як наворе фаҳмонд, ки чӣ гуна бояд худ ва атрофиёнро аз сироятшавӣ бо COVID - 19 муҳофизат кард

ДУШАНБЕ, 12 июл – Sputnik. Мадина Ақназарова, ки ахиран бо гурӯҳи тарғиботии мубориза бар зидди COVID - 19 дар Тоҷикистон пайваст, дар як наворе дар саҳифааш дар Instagram фаҳмонд, ки чӣ гуна бояд ниқоби тиббиро пӯшид.

Ӯ дар ин навор аз мардум даъват кард, ки ба зиндагии худ ва атрофиён бетараф набошанд ва ниқобро дуруст бипӯшанд.

Посмотреть эту публикацию в Instagram

#AKAH#covid19#besafe 🌿

Публикация от Madina Aknazarova (@madinaaknazarova_)

"Салом дӯстони азиз! Тамоми ҷаҳон мубориза бо COVID - 19 - ро идома медиҳад ва пӯшидани ниқобро касе манъ накардааст. Вазъи аксари мардум ваҳим аст ва бархе ҳам бидуни нишона ин бемориро аз сар мегузаронанд ва паҳнкунандаи сироят ҳастанд. Барои ҳамин биёед нисбати ин беморӣ ҷиддӣ муносибат кунем ва саломатии миллатамонро нигоҳ дорем", - таъкид кардааст Мадина дар навор.

Тибқи иттилои Вазорати беҳдошти ҶТ шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.

Дар кишвар 5176 нафар ё худ 79,5 дарсади гирифторони COVID-19 шифо ёфтаанд.

Дар Тоҷикистон пӯшидани ниқоб ҳатмӣ аст. Тибқи тағйироти ҷадид ба қонунгузории Тоҷикистон, ки мавриди амал қарор гирифтанд, барои паҳн кардани бемориҳои сироятӣ, аз ҷумла коронавирус ҷазои маъмурӣ ва ҷиноиро пешбинӣ гардидааст.

Тибқи меъёрҳои ҷадиди қонунгузории Тоҷикистон, барои паҳни иттилои бардурӯғ дар шароити пандемия ва амалисозии чораҳои қарантинӣ шахсони инфиродӣ аз 580 сомонӣ боло ва шахсони ҳуқуқӣ то 11,6 ҳазор сомонӣ ҷаримабандӣ хоҳанд шуд.

Инчунин нақзи қоидаҳои ниқобпӯшӣ дар ҷойҳои ҷамъиятӣ, аз ҷумла дар боғҳо, бозор, мағоза, қаҳвахона, нақлиёт ва ҳатто ҷои кор ҷарима дар ҳаҷми аз 116 то 290 сомонӣ дар пай дорад.

Ҷаримаҳои алоҳида барои риоя накардани меъёрҳои санитарию эпидемиологӣ пешбинӣ гардидаанд. Аз ҷумла барои нақзи қоидаҳои беҳдошт ҳангоми паҳншавии бемориҳои сироятӣ ҷазои пулӣ дар ҳаҷми аз 2 то 5 маоши ҳадди ақал пешбинӣ шудааст.

Барои вайрон кардани қоидаҳои санитарию эпиемиологӣ ба шаҳрвандони қаторӣ аз 406 то 696 сомонӣ, ба соҳибкорон - аз 1160 то 3480 сомонӣ, мансабдорон - аз 3480 то 4640 сомонӣ, шахсони ҳуқуқӣ - аз 8700 то 11 600 сомонӣ таҳдид карда, дар сурати такрори қоидавайронкунӣ афзоиши ҷарима дар назар аст.

Инчунин бар асоси тағйирот дар қонунгузории Тоҷикистон, барои паҳнсозии бемориҳои сироятӣ ҷазои ҷиноӣ низ пешбинӣ шудааст. Аз ҷумла барои сирояти оммавии атрофиён аз 2 то 5 сол ва барои расондани зарари вазнин ба саломатӣ ё сироят, ки марг дар пай дорад, аз 5 то 10 соли зиндон дар назар аст.

682
Барчаспҳо:
вируси нав, муҳофизат, ниқоби сиёҳ, Мадина Ақназарова