Тармафароӣ. Акс аз бойгонӣ

Ҳушдори КҲФ аз тармафароӣ: боду ҳавои Тоҷикистон барои имрӯз

90
(Таҷдидшуда 09:44 16.02.2018)
Ба гузориши Кумитаи ҳолатҳои фавқулода, то 17 феврали соли равон дар ноҳияҳои кӯҳӣ (дар баландиҳои зиёда аз 2000 метр) эхтимоли фаромадани тарма ва сангреза дар назар буда, дар роҳҳои автомобилӣ яхбандӣ пешбинӣ мешавад

ДУШАНБЕ, 16 фев- Sputnik. Расонаҳои расмии Тоҷикистон бо такя ба сухангӯи Кумитаи ҳолатҳои фавқуллода хабар медиҳад, ки дар дарёҳои аз қаторкӯҳи Ҳисор ҷоришаванда, инчунин дарёҳои Ёхсу ва Қизилсу баландшавии сатҳи об дар назар аст.

"Дар ин росто Кумитаи ҳолатҳои фавқулода ба шаҳрвандон муроҷиат карда, хоҳиш мекунад, ки аз сафар намудан бо роҳҳои Душанбе-Хуҷанд, Душанбе-Лахш, Душанбе-Хоруғ-Мурғоб муваққатан худдорӣ намоянд".

Ба гуфтаи Умеда Юсуфӣ, наҷотдиҳандагони Кумита 15 феврал дар километри 69-уми шаҳри Душанбе дар натиҷаи фаромадани тарма ду мошин зери тарма мондаанд, ки наҷотдиҳандагони Кумита 7 нафарро аз марг наҷот доданд.

Дар ҳамин ҳол сардори Маркази обуҳавосанҷии Тоҷикистон Ҷамила Байдуллоева хабар дода, ки шурӯъ аз бегоҳии 14 феврал дар ҷумҳурӣ ҳавои намнок аз минтақаҳои ҷанубу ғарб ба ҷумҳурии мо дохил шуд ва боиси ноустувор гардидани вазъи обу ҳаво дар қисми зиёди ноҳияҳои ҷумҳурӣ гардид.

"То имрӯз баландии барф дар як қатор ноҳияҳои ВМКБ то ба 79 см расида, дар як қатор ноҳияҳои вилояти Суғд баландии барф дар баландкӯҳҳо то 43-45 см  расид. Дар ағбаи Анзоб баландии барф ба 86 см баробар шуд".

Чунин вазъи ҳаво то 16 феврал давом карда, аллакай рӯзи 16 дар қисми зиёди ҷумҳурӣ ҳаво бебориш хоҳад гашт. Ва эҳтимолияти шиддат гирифтани боришот 20 феврал пешгӯӣ карда мешавад, вале рӯзи 21 феврал боришот қатъ мегарданд.

Барф дар ВМКБ
© Фото : Аз саҳифаи Нилуфар Асламшоева

"Дар рӯзҳои наздик ҳарорати ҳаво дар вилояти Хатлон шабона аз 1 дараҷа хунук то 4 дараҷа гарм, вале рӯзона 9-14 дараҷа гарм хоҳад шуд. Дар доманакӯҳҳо аз 4 дараҷа хунук  то 1 дараҷа гарм ва рӯзона 4-9 дараҷа гарм мешавад. Инчунин дар вилояти Суғд гарчанде ҳаво  бебориш аст, ҳарорат шабона 1-6 дараҷа сард ва рӯзона 8 дараҷа гарм мешавад.

Дар ноҳияҳои тобеи марказ шабона боридани боришот пешбинӣ мешавад. Дар ВМКБ қатъ гардидани бориши борон дар назар аст. Дар  шаҳри Душанбе ҳаво тағйирёбанда шуда, асосан бебориш хоҳад буд.

90
Барчаспҳо:
ҳушдор, тармафароӣ, Созмони обуҳавошиносӣ, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

402
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

402
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

377
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

377
Барчаспҳо:
донишҷӯдухтар, ғарқ, Суғд