Раиси шаҳри Исфара Саломзода Сиҷоуддин

Раиси нави шаҳри Исфара пешпардохти андозро манъ кард

234
(Таҷдидшуда 13:55 16.02.2018)
Сиҷоуддин Саломзода пас аз таҳлили вазъи молиявию иқтисодии шаҳр ва далелҳои асосии иҷро нашудани будҷаи шаҳри Исфара ба хотири минбаъд халалдор насохтани фаъолияти андозсупорандагон талаби пешпардохт кардани маблағи андозро манъ намуд

ДУШАНБЕ, 16 фев — Sputnik. Тавре дафтари матбуотии Ҳукумати шаҳри Исфара хабар медиҳад, бо дастури раиси навтаъини шаҳр Сиҷоуддин Саломзода  дар Исфара пешпардошти андоз мамнӯъ гардид.

Бино бар иттилои манбаъ, шаҳрдорпас аз таҳлили  вазъи молиявию иқтисодӣ, мушкилот ва сабабу омилҳои асосии иҷро нагардидани буҷети давлатӣ, ба хотири минбаъд халалдор насохтани фаъолияти андозсупорандагон талаби пешпардохт кардани маблағи андозро манъ намуд.

"Яке аз монеаи асосии пешрафти истеҳсолоту тиҷорат, хизматрасониҳо ва рушди соҳибкорӣ, инчунин нокифоягии маблағҳои гардишӣ дар ихтиёри хоҷагидорон, маҳз пешакӣ ситонидани андоз маҳсуб меёбад",- таъкид доштааст Саломзода.

Аз ин лиҳоз, масъулини сохторҳои дахлдор барои риояи муқаррароти қонунгузории марбута, таъмини шаффофияти кор дар самти ҷамъоварии андоз, истифодаи сарчашмаҳои мавҷуда ва дарёфти захираҳои дигари қонунии андозбандӣ вазифадор карда шуданд.

Гуфта мешавад, мудирони як қатор корхонаҳои саноатии шаҳр, аз ҷумла ҶСК "Корхонаи кимиёвӣ", Ҷамъияти муштараки "Петролеум Суғд", Корхонаи сементбарории Исфара, ки ташаккулдиҳандагони асосии буҷет маҳсуб меёбанд, инчунин соҳибкороне, ки дар самти истеҳсолот фаъолият мебаранд, дар раванди ҷаласа аз ин иқдоми дурандешонаи раиси шаҳр изҳори қаноатмандӣ карданд.

Иҷрокунандаи вазифаи раиси шаҳри Исфара Саломзода Сиҷоуддин ҳамзамон ба роҳбарони корхонаҳои саноатӣ ва соҳибмулкони корхонаҳои истеҳсолӣ дастур дод, ки ҷавобан ба ин иқдом, қатъи назар аз шакли моликияташон барои истифодаи ҳарчӣ бештари иқтидорҳои истеҳсолии мавҷуда, роҳандозии самтҳои нави фаъолият ва афзун намудани ҳаҷми истеҳсоли маҳсулот амалан корбарию мусоидат намоянд.

Ёдрас мешавем, чанде пеш раисҷумҳури Тоҷикистон Эмомалӣ Раҳмон тағйиротӣ кадрӣ ба амал оварда, раисони нави Исфара ва Бӯстонро таъин кард.

 

234
Барчаспҳо:
андоз, Сиҷоуддин Саломзода, Исфара, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1773
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1773
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

809
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

809
Барчаспҳо:
донишҷӯдухтар, ғарқ, Суғд