Имзои ҳуҷҷат, акс аз бойгонӣ

Зан агар оташ намешуд: 1400 зани истаравшанӣ мақоми роҳбарӣ доранд

214
(Таҷдидшуда 14:29 16.02.2018)
Занони роҳбар дар Истаравшан дар сатҳи муовини раиси шаҳр, сардорони раёсат, мудирони шуъбаву бахшҳо, раисони кумитаи маҳаллаҳо, директорони муассисаҳои таълимӣ, хоҷагиҳои деҳқонӣ ва ғайра фаъолият доранд

ДУШАНБЕ, 16 фев — Sputnik. Дар шаҳри Истаравшан шумораи занони роҳбар камубеш аз 1400 нафар будааст. Дар ин бара дафтари матбуотии Ҳукумати шаҳри Истаравшан хабар медиҳад.

Бино бар иттилои манбаъ, чанде пеш дар Истаравшан маҷлиси ҷамбастии фаъолияти шуъбаи кор бо занон ва оила дар соли 2017 баргузор гардид, ки дар он аз шумораи занони роҳбар низ хабар дода шуд.

Дар ҷаласаи мазкур намояндаи Раёсати кор бо занон ва оилаи вилоят, роҳбарони мақомотиҳои ҳифзи ҳуқуқ, масъулини мақомоти иҷроияи ҳокимияти давлатии шаҳр, занони собиқадор, фаъолзанон, раисони Шӯрои занони кумитаи маҳаллаҳо, ҷамоатҳои деҳот, тандурустӣ, маориф, фарҳанг, бонувони ҳунарманд, ҳуқуқшиносон, намояндагони ташкилотҳои ҷамъиятӣ, ҳизбҳои сиёсӣ, соҳибкорзанон ва намояндагони расонаҳо иштирок намуданд.

Бино бар иттилои мудири шуъбаи кор бо занон ва оилаи шаҳри Истаравшан Фирӯза Мӯъминова дар шаҳр шумораи занони роҳбар то рафт зиёд мешавад.

"Дар шаҳри Истаравшан 1388 нафар занону духтарон дар мақомотҳои роҳбарикунанда, аз ҷумла дар сатҳи муовини раиси шаҳр, сардорони раёсат, мудирони шуъбаву бахшҳо, раисони кумитаи маҳаллаҳо, директорони муассисаҳои таълимӣ, хоҷагиҳои деҳқонӣ ва ғайра фаъолияти пурсамар доранд",- таъкид дошт, мудири шӯъба.

Ёдрас мешавем, чанде пеш Кумита занон ва оилаи кишвар нишасти матбуотӣ доир карда буд.

Раиси кумита Идигул Қосимзода гуфт, дар соли 2017 бештари хушдоманҳои тоҷик ба кумита шикоят бурданд, ки келинҳояшон бисёр хоб мекунанд.

"Мо дар посух гуфтем, ки ин ҳамон занҳо фарзанду набераҳои шуморо дар батни худ мепарваранд. Бояд аз пайи саломатии онҳо шуд",- қайд кард, раиси кумита.

214
Барчаспҳо:
роҳбар, зан, Истаравшан, Тоҷикистон
Жители Душанбе на улице в масках

Вазорат омори навро гуфт: шумораи мубталоёни коронавирус дар Тоҷикистон аз 12 ҳазор гузашт

352
(Таҷдидшуда 21:06 29.11.2020)
Давоми шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11559 (95,1%) баробар гардид

ДУШАНБЕ, 29 ноя — Sputnik. Дар Тоҷикистон шумораи гирифторони коронавируси нав ба 12155 нафар расид, гузориш медиҳад Вазорати тандурустии Тоҷикистон.

Бино бар иттилои манбаъ, шабонарӯзи гузашта дар Ҷумҳурии Тоҷикистон 37 ҳолати нави сироятёбӣ ба COVID-19 ба қайд гирифта шуда, дар муддати аз 30 апрел то 29 ноябр шумораи гирифторони коронавируси нав ба  12155 нафар расид.

Гуфта мешавад, давоми шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11559 (95,1%)  баробар гардид. Инчунин, бар асари ин беморӣ 86 нафар фавтидаанд.

Мурда зинда шуд: пирамарде пас аз "марг" аз коронавирус ба манзилаш баргашт

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

352
Барчаспҳо:
маризӣ, омор, Тоҷикистон
Абдувоҳид Ҳоҷиев, собиқ мушовири сафири Тоҷикистон дар Русия даргузашт

Даргузашти Ҳоҷиев - собиқ мушовири сафири Тоҷикистон дар Русия

819
(Таҷдидшуда 21:01 29.11.2020)
Дар Маскав дар синни 81-солагӣ собиқ сиёсатмадори тоҷик ва собиқ мушовири сафири Тоҷикистон дар Русия Ҳоҷиев Воҳид даргузашт

ДУШАНБЕ, 29 ноя — Sputnik. Дар бораи даргузашти Воҳид Ҳоҷиев, корманди Шӯрои байналмилалии ҳамватанони Русия, собиқ мушовири сафири Тоҷикистон дар Русия корбарони шабакаҳои иҷтимоӣ хабар додаанд.

Мусалмон ҳангоми дуо, акс аз бойгонӣ
© Sputnik / Александр Полегенько

Бино бар иттилои манбаъ, Ҳоҷиев имрӯз дар синни 81-солагӣ дар Маскав вафот кард.

Ҳоҷиев соли 1939 дар шаҳри Истаравшан ба дунё омадааст. Собиқ котиби авали ноҳияи Фрунзе, ноҳияи Ленини шаҳри Душанбе ва шаҳри Турсунзода буд.

Дертар  ба ҳайси мушовири сафири Тоҷикистон дар Русия кор кардааст.

Воҳид Ҳоҷиев то имрӯз дар Шӯрои байналмилалии ҳамватанони Русия кор мекард.

Дар бораи далели даргузашти ӯ иттилое нест.

Генерали 72 сола, собиқ сарҳадбон: Ҷаббор Ҳомидов даргузашт

Дар ҳамин ҳол, Ҳоҷиевро корбарон чун сиёсатмадори хуб ва инсони нек тавсиф мекунанд.

819
Барчаспҳо:
Русия, Тоҷикистон, даргузашт

Бадтар аз коронавирус: пизишки рус эмидемияи нави мудҳишеро пешбинӣ мекунад

0
(Таҷдидшуда 21:08 29.11.2020)
Доктор Александр Мясников, пизишки номии рус эпидемияи мудҳишеро, ки бадтар аз коронавирус хоҳад буду ҷони нафарони зиёдеро хоҳад бурд, пешбинӣ мекунад

ДУШАНБЕ, 29 ноя — Sputnik. Ба ҷаҳон хатари эпидемияи нави ҷиддие, ки қурбониёни зиёде хоҳад дошт, таҳдид мекунад, пешбинӣ мекунад пизишк Александр Мясников, хабар медиҳад РИА Новости.

Ба гуфтаи вай, ҳамагирии навбатӣ бадтар аз коронавирус хоҳад буд.

Дар робита бо ин, ӯ даъват кардааст, ки як васкини универсалӣ таҳия шавад.

"Масъалан, ваксинаи универсалӣ аз зуком - ба мо маҳз он (эпидемияи зуком - идора) - зукоми хук ё парранда таҳдид мекунад. Тавре вирусшиносҳо менависанд: эпидемияи ҷиддӣ бо мутатсия шудани вирусҳои мову ҳайвон таҳдид мекнунад", - гуфтааст доктор Мясников.

Ба гуфтаи вай, мутатсияи аввал ин гузаштани вирус аз ҳайвон ба инсон ва сипас аз инсон ба инсон мебошад.

Вай афзуд, ки барои коркарди ваксин вақти зиёде талаб мешавад.

Агар ин вирус зуҳур кунад, марг аз он то 40 дарсадро ташкил хоҳад дод, ки то пайдо шудани ваксина аз он даҳҳо миллион нафар мемиранд.

Мясников: дар Маскав аз COVID -19 бештар қафқозҳо ва осиёиҳо азият кашиданд

Ӯ даъват кардааст, ки тамоми олимони ҷаҳон қувваашонро сарф намудаву маблағи зиёде сармоя карда, ин ваксинро бояд сохт.

0
Мавзуҳо:
Пайомадҳои COVID-19 дар Тоҷикистон ва ҷаҳон