Пул. Акс аз бойгонӣ

Transparency International: Тоҷикистон дар шохиси фасоди молӣ

68
(Таҷдидшуда 18:14 22.02.2018)
Созмони байналмилалии ғайридавлатии Transparency International таҳқиқоташро дар самти фасодзадагии кишварҳои дунё мунташир кардааст

ДУШАНБЕ, 22 фев — Sputnik. Тоҷикистон дар ин шохис аз миёни 180 кишвари дунё дар мақоми 161-ум ҷой гирифтааст.

Дар феҳристи ин созмон сатҳи фасодзадагии 180 кишвари ҷаҳон нишон дода шудааст.

Тоҷикистон бо гирифтани 21 хол дар мақоми 161-ум ҷой гирифтааст.

Бино ба гузориши ин ниҳод аз миёни кишварҳои Осиёи Марказӣ камтарин сатҳи фасодзадагӣ дар Қазоқистон аст. Ин кишвар бо гирифтани 31 хол дар ҷойи 122-юм ҷой гирифтааст.

Пас аз Қазоқистон, Қирғизистон ва  Русия дар мақоми 135-ум ҷойгир шудааст.

Узбакистон дар навбати худ дар мақоми 157-ум (22 хол), Туркманистон бошад дар ҷойи167 (19 хол) ҷойгир шудааст.

Ҷойи аввалро дар ин феҳрист Зеландияи Нав бо гирифтани 89 хол аз худ кардаааст. Кишвари дуюм Дания ва мақоми сеюмро Швейтсария ва Норвегия гирифтаанд.

Дар сатрҳои охирини феҳрист Сурия (14 хол), Судани Ҷанубӣ (12 хол) ва Сомали (9 хол) ҷой гирифтаанд.

Соли гузашта Тоҷикистон дар Transparency International мақоми 151-умро аз худ карда буд.

Пештар хабар дода шуд, ки Ожонси мубориза бо фасоди Тоҷикистон бо боз кардани шуморае дар Viber ва Whats App аз мардум хостааст, ки дар мубориза бо фасод ба онҳо кӯмак кунанд.

Шаҳрвандон метавонанд, дар сурати рӯ ба рӯ шудан бо омилҳои коррупсионӣ бо шумораи (+992) 880-00-63-77 ба кормандони онҳо муроҷиат кунанд.

68
Барчаспҳо:
сатҳи фасодзадагӣ, Transparency International, Тоҷикистон
График на бирже, архивное фото

Холиқзода гуфт,  ба рушди иқтисоди Тоҷикистон чи омилҳо монеа мешаванд

0
(Таҷдидшуда 17:52 05.07.2020)
Рушди иқтисодии Тоҷикистон аз чӣ вобаста аст, гуфт директори Маркази татбиқи лоиҳаҳои шарикии давлат ва бахши хусусӣ Абдухолик Холиқзода

ДУШАНБЕ, 5 июл — Sputnik.  Коҳиши иқтисодиёти ҷаҳонӣ дар соли 2020 ба рушди иқтисодии Тоҷикистон халал мерасонад, гуфт Абулхолиқ Холиқзода, директори Маркази татбиқи лоиҳаҳои шарикии давлат ва бахши хусусии Кумитаи давлатии сармоягузорӣ ва идораи амволи давлатии Тоҷикистон дар сущбат бо “Ховар”.

“Мушоҳида мегардад, ки бо пайдоиш ва шуруъи бемории сироятии СOVID – 19 дар аксарияти кишварҳои ҷаҳон бинобар таъсироти манфии он ба коҳишёбии маҳсулнокии фаъолият дар натиҷаи беморшавӣ, ҳаҷми маҳсулоти истеҳсолнашуда дар корхонаҳои саноатӣ, маҷмуан паст гардидани даромаднокӣ дар ҳамаи соҳаҳо дар паёмади муваққатан ва ё пурра аз даст додани фаъолнокии корӣ оварда расонид”,- гуфтааст ӯ.

Бо ишора ба пешгӯии таҳлилгарон, Холиқзода қайд кард, ки бӯҳрони иқтисодӣ дар ҷаҳон боиси кам шудани 30-40% сармоягузорӣ мегардад.

Директори марказ диққатро ба он ҷалб кард, ки якчанд омилҳо ба рушди иқтисодии Тоҷикистон таъсир мерасонанд.

Ҳушдори БМТ аз хатарҳои коронавирус ба иқтисод: меъёри бозтамвилро кам кард

“Ба рушди иқтисодиёти Тоҷикистон айни замон таназзули иқтисодиёти ҷаҳонӣ дар соли 2020, пӯшидани сарҳадҳо, сустшавии иқтисодиёти Россия ва Чин ба сифати шарикони асосӣ, кам шудани содироти молҳои ватанӣ, кам шудани интиқоли маблағҳои хориҷӣ ва даромади хонаводаҳо, бефаъолӣ дар соҳаҳои тиҷорат ва сайёҳӣ, кам гардидани савдо ва сайёҳон таъсиргузор хоҳанд буд”,-зикр кард ӯ .

0
Рустам Эмомали председатель города Душанбе

Қарори Рустами Эмомалӣ: баррасии усули нави барқрасонӣ аз сӯи "Авесто гуруҳ" дар Душанбе

145
(Таҷдидшуда 17:20 05.07.2020)
Рустами Эмомалӣ, шаҳрдори Душанбе, бо имзои як қарор рӯзи 15 июл дар пойтахт ҷаласаи вакилони шаҳрро даъват кардааст, ки дар он роҳандозии низоми нави таъминоти барқ баррасӣ мешавад

ДУШАНБЕ, 5 июл — Sputnik. Тибқи иттилои котиботи шаҳрдорӣ, гузаштан ба низоми биллингӣ аз мавзӯъҳои меҳварии ҷаласа дар Душанбе хоҳад буд.

“Яке аз масъалаҳо дар бораи рушди соҳаи энергетика, бахусус ба низоми замонавии билингӣ гузаштани хизмат, таъмини боэътимоди барқ ба сокинон, таҷдиду барқарорсозии зеристгоҳҳои барқӣ ва барқарорсозии қисмати шабака мебошад”, - хабар дод манбаъ.

Низоми биллингӣ  дар Душанбе, ки дар назар барқ тариқи пешпардохт таъмин шавад, бо харҷи наздики 900 миллион сомонӣ дар пойтахт амалӣ мегардад.

Зафар Бурҳонзода, мудири иҷроияи “Авесто гуруҳ”, ки роҳандозии низоми автоматии назорат ва ҳисоби неруи барқ дар шаҳри Душанбе бо харҷи наздики 880 миллион сомониро ба уҳда гирифтаст, қаблан гуфт, насби ҳисобкунакҳо ройгон сурат хоҳад гирифт.

Дар доираи низоми биллингии таҳиякардаи ширкати “Авесто гуруҳ” танҳо дар ноҳияи Сино насби 95 ҳазор дона ҳисобкунак бо харҷи умумии 340 миллион сомонӣ дар назар аст. Дар маҷмуъ дар Душанбе насби 250 ҳазор ҳисобкунак пешбинӣ шуда, арзиши умумии лоиҳа 880 миллион сомонӣ арзёбӣ шуд.

Қаллобӣ: худро коргари идораи барқ гуфта, аз сокинон пул гирифтааст

Барои татбиқи низоми биллингӣ, ки барқ тариқи пешпардохт ироа мешавад, Ҳукумат созишнома бо Консорсиуми сармоягузорон дар ҳайати корхонаҳои “Авесто Гурӯҳ”, “Тоҷикгидроэлектромонтаж” ва ташкилоти қарзии хурди “Душанбе Сити”-ро имзо карда, Маҷлиси намояндагон аввали соли равон ба тасвиб расонд.

Дилрабо Мансурӣ, вакили парлумони Тоҷикистон, зимни муаррифии лоиҳа дар парлумон изҳор дошта буд, ки “Авесто Гурӯҳ” вазъи низоми энергетикии Душанберо дар ҳамкорӣ бо сохторҳои давлатӣ омӯхта, барои татбиқи низоми биллингии миллӣ иқдом гирифтааст.  

Ӯ иттилоъ  дод, “Авесто гуруҳ” азм дорад, бо ҷалби 88 миллион доллари худӣ низоми назорату ҳисоби пули барқро дар Душанбе пурра автоматӣ кунад.

Қаблан иттилоъ дода шуд, ки дар модели пешгирифтаи “Авесто гуруҳ” дар назар гирифта шудааст, ки ҳар сол муштариёни барқ се дарсад ва нархи барқ 5 дарсад афзоиш меёбад. Ин ширкат ният дорад, талафоти неруи барқро дар шабакаҳои пойтахт то 12 дарсад коҳиш диҳаду ҷамъоварии пули барқи истифодашударо дар сатҳи 99 дарсад таъмин созад.

145
Барчаспҳо:
барқ, Тоҷикистон