Феҳристи афрод. Акс аз бойгонӣ

БМТ феҳристи афроди алоқаманд бо теруристҳоро такмил кард

102
(Таҷдидшуда 15:01 16.03.2018)
Бонки миллии Тоҷикистон феҳристи шаҳрвандонеро, ки бо теруристон алоқа доранд, то ҳазор нафар такмил кард

ДУШАНБЕ, 16 мар — Sputnik. Бонки миллии Тоҷикистон феҳристи афродеро, ки барои содир намудани ҷиноятҳои вазнин ҷустуҷӯ мешаванд, аз ҷумла, онҳоеро, ки дар иртибот бо теруристҳо айбдор карда шудаанд, такмил кард.

Гуфта мешавад, ки дар айни замон дар ин рӯйхат 1372 шаҳрванди Тоҷикистон ба қайд гирифта шудаанд. Соле қабл дар он каме беш аз 200 нафар буд.

Ба руйхат Муҳиддин Кабирӣ, раиси Ҳизби наҳзати исломии Тоҷикистон ва аъзои оилаи ӯ дохил мешаванд, ки иборатанд аз: бародари 63-солаи ӯ Якоша Кабиров, хоҳари 46-солаи ӯ  Бибисоро Кабирова ва писари 23-солаи ӯ Салимҷон Кабиров, ки гӯё бо террористҳо иртибот доранд. Дар ин рӯйхат ҳамчунин номи рӯзноманигори ифротгарои тоҷик Додоҷон Атовуллоро низ дидан мумкин аст.

Дар равобити умумии БМТ ҳамчунин рӯйхати ташкилотҳое, ки аз ҷониби Додгоҳи Олии Тоҷикистон ҳамчун террористӣ ва экстремистӣ эътироф шудаанд, нашр шудааст.

Дар ин рӯйхат 15 ташкилот, аз ҷумла "Ивану-л-муслимин", "Ҷамаати-л-исломӣ", "Ҳаракати Толибон", "Ҳизби исломии Туркистон", "Лашкари Тайба", "Таблиғи ҷамоат", "Давлати исломӣ", "Ҷабҳату-н-нусра", "Ҳизби наҳзати исломии Тоҷикистон", "Ҳаракати исломии Узбакистон", "Ал-Қоида", "Ҷамъияти таблиғ", "Ташкилоти миссионерии динӣ", "Тоҷикистони озод", "Ҷамоати ансоруллоҳ", "Гурӯҳи 24" ва ғайра, нишон дода шудаанд.

Мақсади нашри ин рӯйхат бастани дороиҳои шаҳрвандон ва ташкилотҳое, ки ба пулшӯӣ рабт доранд, ва ҳамчунин барои пешгирӣ кардани амалиётҳои имконпазири молиявӣ, ки аз ҷониби ин шахсон дар хориҷи Тоҷикистон ба амал оварда мешаванд, мебошад.

Қаблан хабар дода шуд, ки СММ таҳримҳоро дар нисбати Гулмород Ҳалимов, фармондеҳи собиқи гурезаи ОМОН-и ВКД Тоҷикистон, ки соли 2015 ба гурӯҳакҳои террористии ДОИШ (фаъолияташ дар ФР манъ аст) пайваст, тамдид намуд.

Рӯйхати муҷаддади таҳримҳо дар нисбати ДИ ва "Ал-Қоида" (фаъолияташ дар ФР манъ аст) рӯзи сешанбе дар расонаи СММ нашр шуда, ки ба он 257 нафар шахсони воқеӣ ва 81 нафар шахсони ҳуқуқӣ, шомил шудаанд. Шӯрои амнияти СММ соли 2015 дар нисбати шахсони алоҳида, гурӯҳҳо, муассисаҳо ва созмонҳое, ки ба ДИ ва "Ал-Қоида" мутааллиқанд, таҳримҳои ҳадафманд эълон намуд.

Ба ин рӯйхат ҳамчунин исми фармондеҳи барҷаста, зодаи ҷануби Тоҷикистон, Ҳасан Ал-Тоҷикӣ ворид шудааст.

Таҳримҳо кишварҳои узви СММ-ро вазифадор мекунанд, ки дороиҳои ашхос ва муассисаҳои номбурдаро баста, ба сафарҳои онҳо ва намояндагонашон мамнуият гузоранд, ҳамчунин таҳрими аслиҳаро дар нисбати шахсони воқеӣ ва созмонҳои номбаршуда таъмин намоянд.

Ҳалимов — аввалин шаҳрванди Тоҷикистон аст, ки таҳти таҳримҳои Шӯрои амнияти СММ қарор дорад. Апрели соли 2015 ӯ ногаҳон нопадид гашт ва моҳи майи ҳамон сол дар Сурия пайдо шуду, тавассути як паёми видеоие эълон кард, ки ба ташкилоти террористии "Давлати исломӣ" пайвастааст.

Қаблан додгоҳи вилояти Хатлони Ҷумҳурии Тоҷикистон дар нисбати се хешовандони наздики Гулмурод Ҳалимови гуреза ҳукм бароварда буд.

"Ба Алӣ Ҳалимов, ҷияни Гулмурод Ҳалимов, ва бародаронаш Комилу Назир Ҳалимовҳо ҳукми додгоҳ дар шакли аз 7 то 18 соли маҳрумият аз озодӣ, бароварда шуд", — эълом карданд дар додгоҳ.

Ҳамчунин хабар дода шуда буд, ки соли гузашта дар Русия зиёда аз 14 миллион рубл, ки ба ашхосу ташкилотҳои гумонбар дар терроризм ва экстремизм мутааллиқанд, мунҷамид шудааст. Дар давоми як сол дороиҳои беш аз 500 нафар гумонбаршуда дар фаъолияти террористӣ баста шуданд. Ба рӯйхат асомии шахсоне, ки дар фаъолияти экстремистӣ даст доранд, шомил шудааст, ки теъдодашон зиёда аз 2 ҳазор нафарро ташкил медиҳад.

102
Барчаспҳо:
афроди бо теруристон алоқаманд, нашри феҳрст, БМТ, Тоҷикистон
Рустам Ходжаев стал новым главным тренером Панджшера

Ваъдаи пирӯзӣ дар ҳар бозӣ: тими "Хуҷанд" сармураббии навашро эълон кард:

18
(Таҷдидшуда 10:25 19.01.2021)
Ба ҳайати тими Рустам Хоҷаев Фаррух Марофиев мураббии калон, Мансур Ҳакимовро мураббии интихобӣ ва Алишер Тӯйчиевро ҳамчун мураббии дарвозабонҳо шомил шудаанд.

ДУШАНБЕ, 19 янв — Sputnik.18 январ ноиби чемпиони Тоҷикистон, клуби футболи "Хуҷанд" номи сармураббии нави дастаро эълон кард. Бино ба иттилои дафтари матбуотии Федератсияи футболи Тоҷикистон ҳамакнун тими "Хуҷанд"-ро мутахассиси 48-сола Рустам Ҳоҷаев тамрин хоҳад дод, ки солҳои 2013 ва 2017 ба ҳайси мураббии беҳтарини Тоҷикистон шинохта шуда буд.

Ба ҳайати тими Рустам Хоҷаев Фаррух Марофиев мураббии калон, Мансур Ҳакимовро мураббии интихобӣ ва Алишер Тӯйчиевро ҳамчун мураббии дарвозабонҳо шомил шудаанд.

Рустам Хоҷаев аз соли 2017 то 2018 "Хуҷанд"-ро роҳбарӣ карда, бо клуб Ҷоми Тоҷикистон-2017-ро ба даст овард ва дар чемпионати соли 2017 медали нуқра ба даст овард.

Дар мавсими 2020, Хоҷаева ба ҳайати мураббиёни Никола Лазаревич дохил шуд, пас аз рафтанаш иҷрокунандаи вазифаи сармураббӣ буд ва бо омадани Ҳаким Фузайлов ёвари ӯ шуд.

"Ҳиссиёти махсус дорам, хеле шодам, ки бори дигар ба ин тими калон, ки дорои таърих ва анъанаҳои бой аст, боварӣ карданд. Мехоҳам ба роҳбарияти вилояти Суғд, мӯҳтарам Раҷаббой Аҳмадзод ва директори маҳфил Муроҷон Умаров барои эътимодашон ташаккур гӯям. Ман аз мавсими оянда интизориҳои хуб дорам, ба бозигаронам боварӣ дорам, мо тасмим гирифтаем, ки дар ҳар як бозӣ пирӯз шавем. Ва албатта, дар кори худ мо мунтазири дастгирии мухлисони "Хуҷанд" ҳастем".

Ҳаким Фузайлов сармураббии тими “Динамо”-и Самарқанд шуд

Ӯ гуфтааст, ҳамчун як футболбоз ба Хуҷанд омад, ин дастаро тамрин медод ва медонад, ки мардум дар ин ҷо ба таври хос тимро дӯст медоранд ва дастаи худро дастгирӣ мекунанд.

18
Барчаспҳо:
интихоби сармураббӣ, тими футболи "Хуҷанд", Тоҷикистон
Площадь Сомони в Душанбе

Борону барфи тар меборад: пешгӯии дақиқи ҳавошиносон барои имрӯз

63
Аз имрӯз сар карда, тақрибан дар саросари Тоҷикистон борони кӯтоҳмуддат бо барфи тар сар мешавад, ки дар кишвар чанд рӯз идома хоҳад кард.

ДУШАНБЕ, 19 янв — Sputnik. Ҳавошиносон дар Тоҷикистон боришоти барфи тару боронро пешбинӣ карданд, хабар медиҳад Агентии обуҳавошиносии ҷумҳурӣ.

Дар Душанбе ҳавои нимаабрӣ ба қайд гирифта шуда, баъзан борон меборад, ҳарорат рӯзона то + 12-14 ℃ гарм ва шабона 1-3 ℃ сард хоҳад буд.

Дар баъзе ноҳияҳои тобеи марказ бориш на танҳо дар шакли борон, балки барф, шамол низ ба назар мерасад. Дар водиҳо шабона ҳарорат ба сифр ва дар кӯҳҳо ба -3 дараҷа мефарояд ва рӯзона, сарфи назар аз номусоидии ҳаво, ҳаво то 10-15 гарм мешавад.

Дар Вилояти Мухтори Кӯҳистони Бадахшон бошад, ҳаво  тағйирёбанда шуда, дар баъзе ноҳияҳои ғарбии вилоят бориши сусти барф ба амал меояд. Дар шарқи вилоят эҳтимоли бориши нисбатан сусти марҳилавӣ (0-5,5мм) пешгӯи мешавад.

Ҳаво дар ғарби вилоят шабона 7-12 ва дар баъзе ноҳияҳо то 13-18  дараҷа хунук ва рӯзона ҳаво аз 4 дараҷа  хунук то 1 дараҷа гарм мешавад. Дар шарқи вилоят ҳаво  шабона  19-24 ва рӯзона 12-17 дараҷа  хунук мешавад.

Ба Тоҷикистон гармӣ меояд - пешгӯии дақиқи ҳавошиносон барои ҳафтаи нав

Дар шимоли Тоҷикистон, дар вилояти Суғд, чунин ҳолат ба назар мерасад, барфу борон меборад ва дар баъзе ҷойҳо туман мефарояд. Ҳарорат шабона то -2 дараҷа ва рӯзона то + 11 дараҷа мебарояд.

Дар вилояти Хатлон дар баъзе ноҳияҳо каме борон меборад, рӯзона то + 16 дараҷа гармӣ пешбинӣ шудааст.

63
Барчаспҳо:
борон, барф, сардӣ, гармӣ, Агентии обуҳавошиносии Тоҷикистон, Тоҷикистон