Сафар ба Ҳаҷ дар Душанбе, акс аз бойгонӣ

Шурои уламо ба ҳоҷиён: аз ҳаҷҷи дубора худдорӣ кунед

185
(Таҷдидшуда 16:53 22.03.2018)
Раёсати фатвои Маркази исломии Ҷумҳурии Тоҷикистон аз ҳоҷиёни Тоҷикистон хоҳиш кардааст, ки он маблағеро, ки барои адои такрории ин ибодати нофила омода кардаанд, дар амалҳои хайр сарф кунанд

ДУШАНБЕ, 22 мар- Sputnik. Раёсати фатвои Маркази исломии ҷумҳурии Тоҷикистон дар вебгоҳи марказ муроҷиатномаеро барои шахсони ҳаҷраванда мунташир кардааст.

Касоне, ки нияти сафари муборак доранд, бояд барои чунин сафари бузург маънаван омода бошанд, омадааст дар сархатти  муроҷиатнома.

"Касоне, ки нияти сафари муборак доранд, бояд барои чунин сафари бузург маънаван омода бошанд. Ба худ савол диҳанд, ки оё барои адои ин амали муқаддас тайёранд? Зеро баъзеҳо ҳангоми адои маносики ҳаҷ аз ҷиҳати надоштани маърифати комил ба нуқсонҳо рў ба рў мешаванд. Пеш аз ҳама ихлосу эътиқод бояд дар ҷои аввал истад",- омадааст дар он.

Бино бар фатвои марказ, доштани зоду роҳила, яъне маблағи хароҷоти сафар низ аз шартҳои асосии ҳаҷ мебошад.

"Саломатӣ низ барои иҷрои амали ҳаҷ хеле муҳим буда, бемороне, ки қудрати сафар надоранд, бар онҳо адои ин фариза воҷиб нест",- афзудааст Шурои уламо.

Раёсати фатво дар муроҷиатномаи худ таъкид мекнуад, ки адо ҳаҷ як маротиба фарз аст. Такроран анҷом додани он аз нигоҳи фиқҳи ҳанафӣ ибодати нофила ба ҳисоб меравад.

"Ба шаҳрвандоне, ки як бор ин фаризаи Илоҳиро ба ҷо овардаанд, муроҷиат мекунем, ки он маблағеро, ки барои адои такрории ин ибодати нофила омода кардаанд, дар амалҳои хайр ба мисли кўмак ба ятимону бепарасторон ва маъюбон, бунёд кардани бунгоҳҳои тиббӣ, баровардани об ва таъмири роҳҳои ҷамъиятӣ сарф кунанд, зеро ин амалҳо низ дар дини мубини Ислом савоби беандоза дошта, ба анҷомдиҳандаи он аҷру подоши бепоён мерасад",- омадааст дар муроҷиатнома.

Пештар хабар дода шуд, ки Шаҳрдори Душанбе оид ба омодагии муташаккилона ба мавсими "Ҳаҷ-2018" дар шаҳри Душанбе қарор баровард.

Ба гузориши равобити умумии шаҳрдорӣ, дар ин росто қарор шудааст, оид ба омодагӣ ва муташаккилона баргузор намудани мавсими "Ҳаҷ-2018" дар шаҳри Душанбе комиссияи шаҳрӣ таъсис дода шавад.

Комиссияи мазкур вазифадор шуда, ки дар ҳамкорӣ бо сохторҳои дахлдор ҷиҳати баргузор намудани мавсими "Ҳаҷ-2018" тадбирҳои зарурӣ андешад.
Раисони ноҳияҳои шаҳри Душанберо зарур аст, баҳри қабули саривақтии ҳуҷҷатҳои ҳаҷравандагон комиссияҳои ноҳиявиро таъсис дода, ба комиссияи шаҳрӣ то муҳлати муқарраргардида ҳуҷҷатҳои зуруриро тибқи рӯйхат пешниҳод намоянд.

185
Барчаспҳо:
кори хайр, сафар, Ҳаҷ, Шурои уламои ҶТ, Арабистони Саудӣ, Тоҷикистон
Национальный банк Таджикистана

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

113
(Таҷдидшуда 09:41 01.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз аввали ҳафтаи равон эълон кард

ДУШАНБЕ, 1 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1507 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6897 то 13.8100 сомонӣ арзёбӣ кардааст. Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1507 то 0.1540 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1515- 0,1540 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1515 то 0.1545 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Чаро қурби сомонӣ паст мешавад? Шарҳи намояндаи Бонки миллӣ

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

113
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

1062
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

1062
Барчаспҳо:
Хоруғ, фурудгоҳ, Тоҷикистон

Хурӯс соҳибашро ҳангоми хурӯсҷанг дар Ҳиндустон кушт: суд мешавад

64
(Таҷдидшуда 09:38 01.03.2021)
Пас аз марги соҳибаш паррандаи ҷангиро ба идораи полис бурданд, сарнавишти минбаъдаи онро додгоҳ ҳал мекунад

ДУШАНБЕ, 1 мар - Sputnik. Хурӯс тасодуфан дар хурӯсҷанге дар минтақаи Ҷагитали Ҳиндустон соҳиби худро куштааст, менависад Times of India.

Қабл аз оғози хурӯсҷанг парранда гурехтанӣ шуд ва соҳиби худ Танугул Сатишро бо корди дар панҷааш басташуда ба поёни шикамаш зад.

Мардро ба беморхона интиқол доданӣ мешаванд, аммо аз сабаби зиёд рафтани хун дар роҳ мефавтад.

Полис ҳолати мазкурро нохост хонда, парванда боз кардааст ва хурӯсро ба қисми навбатдорӣ овардааст.

Баъзе шабакаҳои хабарӣ аз боздошти хурӯс хабар доданд, аммо полис инро рад кардааст.

Онҳо илова карданд, ки хурӯс дар додгоҳ ҳамчун сабаби марги соҳиби он муаррифӣ хоҳад шуд ва тақдири минбаъдаи онро дар он ҷо ҳал хоҳанд кард.

Баъзе иштирокчиёни дигари хурӯсҷанг низ ба суд оварда мешаванд.

Хурӯсҷанг дар Ҳиндустон аз соли 1960 манъ карда шудааст, аммо он дар бисёр иёлатҳо пинҳонӣ сурат мегирад ва иштирокчиён ба он шарт мегузоранд.

64
Барчаспҳо:
Суд, пулис, ҳалокат, Ҳиндустон