Марям, духтаре дар урдугощи Ироқ

Тоҷикистон расман иҷозат дод, ки Марямро аз Ироқ биёранд

92
(Таҷдидшуда 13:04 29.03.2018)
Кумитаи байналмилалии Салиби Сурх аз Вазорати умури хориҷии Тоҷикистон иҷоза дарёфт карда, ки Марям Шоева, тоҷикдухтари даҳсоларо аз Бағдод ба Душанбе бибарад

ДУШАНБЕ, 29 мар — Sputnik. Вазорати умури хориҷии Тоҷикистон Кумитаи байалмилалии Салиби Сурхро расман иҷоза дода, ки Марям Шоеваро аз паноҳгоҳе дар Бағдод ба Душанбе бибарад.​

"Кормандони Кумитаи байналмилалии Салиби Сурх ва Вазорати умури хориҷии Тоҷикистон дар поёни ҳафтаи гузашта дидору гуфтугӯ карда буданд. Дар ин дидор ВУХ Тоҷикистон расман иҷоза дод, ки кормандони КБСС санаду мадорики лозимро таҳия карда ва он кӯдакро ба хонааш назди падарбузургаш бар гардонанд", — гуфтаанд дар ВУХ ҶТ ба хабаргузории РИА Новости.

Ҷустуҷӯи хешовандони кӯдакони ҷангзада дар Ироқ пас аз гузориши шабакаи телевизюнии Russia Today аз паноҳгоҳе дар Бағдод оғоз шуд. Ин бунгоҳ хабар дода буд, ки яке аз кӯдакон дар гуфтугӯ бо хабарнигорон гуфта буд, ки падараш тоҷик аст.

Ду кӯдак низ ба забони тоҷикӣ гуфтугӯ мекарданд, вале ҳеч иттилоъе аз шаҳрванди кадом кишвар будани падару модарашон надоштанд. Ниҳодҳои интизомии Тоҷикистон имкон надоштанд бо ниҳодҳои ҳукуматии ироқӣ тамос барқарор кунанд, аз ин рӯ бо сафорати Русия дар Ироқ ҳамкорӣ мекунанд то ҳувияти кӯдакони тоҷикро шиносоӣ кунанд. Ниҳодҳои расмии Русия низ аз Тоҷикистон дархост кардаанд дар шиносоии ҳувияти се кӯдаке, ки дар яке аз паноҳгоҳҳои Бағдод будубош доранд, ёрӣ ва ҳамкорӣ кунад.

Сухангӯи Вазорати умури дохилии ҶТ Умарҷон Эмомалӣ гуфта буд, ки ин кӯдаконро дар паи озодсозии шаҳри Мавсил аз ҷангҷӯёни гурӯҳи теруристии "Давлати исломӣ" ба пойтахти Ироқ бурда будаанд.

Дертар ин вазорат хабар дод, ки падарбузурги Марям – Муҳаммадраҳим Шоевро дар яке аз рустоҳои наздик ба Душанбе пайдо кардаанд. Ҳамчунин иттилоъ дода шуд, ки Марям фарзанди Ҷамолиддин Шоев ном бошандаи 37-солаи Ҳисор аст, ки соли 2004 ҳамроҳ бо ҳамсару чаҳор фарзандаш ба Миср рафта буд ва онҷо улуми диниро таҳсил мекард. Ин хонавода дар соли 2015 ба Тоҷикистон бар гашт, вале чанде пас Ҷамолиддин гуфта, ки ба Миср бар мегардад.

Вазорати умури дохилии Тоҷикистон пештар иттилоъ дода буд, ки беш аз 1200 шаҳрванди кишвар дар ҷангҳои "Давлати исломӣ" бо давлатҳои Сурия ва Ироқ даст доранд ва беш аз 200 кӯдак низ ҳамроҳ бо онҳо дар он кишварҳо ҳастанд.

92
Барчаспҳо:
урдугоҳ, иҷозат, Марям, Ироқ, Тоҷикистон
Молоток судьи

Ҳукми муллои ҷинбарор эълон шуд: ҳам дуо мехонд ва ҳам маҳсу бахткушоӣ мекард

228
(Таҷдидшуда 13:55 11.08.2020)
Бо ҳукми суди шаҳри Ҳисор, Сочаев бо моддаҳои 1421 қисми 1 ва 247 қисми 3 банди "а" Кодекси ҷиноятии Тоҷикистон гунаҳгор дониста шуда, нисбаташ ҷазои маҳрум намудан аз озодӣ таъйин шуд

ДУШАНБЕ, 11 авг – Sputnik. Прокуратураи генералии Тоҷикистон ҳукми Сочаев Ҷурабой Нарзуқулович, сокини шаҳри Ҳисор, ки  худро дар маҳалли зисташ муллои ҷинбарор муаррифӣ намуда, аз шаҳрвандони зудбовар бар ивази маҳсу дуохонӣ, баровардани сеҳру ҷоду маблағҳои калон мегирифт, эълон намуд.

Манбаъ меафзояд, муллои ҷодугар аввалҳои моҳи октябри соли 2019 ба боварии шаҳрванд "А" даромада, барои дур намудани сеҳру ҷоду, аз ӯ 3000 сомонӣ пули табобат талаб намуд.

Зимнан, давоми чаҳор моҳ ҳафтае як ё ду маротиба ӯро ба манзили истиқоматии худ хонда бо суиистифода аз ҳиссиёт ва боварии динии ӯ нисбати номбурда ҳаракатҳои бадахлоқонаро анҷом дод.

 

Тафсилоти боздошти “Мулло-профессор” дар Ҳисор

Инчунин, ӯ бо ин роҳ шаҳрванд "А”-ро ба гумроҳӣ андохта, барои маҳси бадан ва табобат аз маблағи қаблан муқаррарнамуда, танҳо 1600 сомонӣ гирифт.

Гузашта аз ин, зимни тафтиши пешакӣ 5 лаҳзаи содир гардидани чунин ҷиноятҳо аз ҷониби Сочаев муайян ва ошкор карда шуд.

Бар хабари манбаъ, Сочаев аз охирҳои моҳи январ то феврали соли ҷорӣ, амалҳои зишти худро нисбати 5 нафар шаҳрвандон анҷом дода,бо ин кирдорҳои худ ҷиноятҳои дар моддаҳои 1421 қисми 1 ва 247 қисми 3 банди “а” КҶ Ҷумҳурии Тоҷикистон пешбинишударо содир намудааст.

Гуфта мешавад, нисбати номбурда парвандаи ҷиноятӣ оғоз гардида, бо ҳукми суди шаҳри Ҳисор нисбати Сочаев ҷазои маҳрум намудан аз озодӣ таъйин карда шуд.

228
Барчаспҳо:
Прокуратураи генералии Тоҷикистон, мулло, ҳукм
Каримхон Курбонов, бывший ректор Медуниверситета РТ

Даргузашти академик, собиқ ректори Донишгоҳи тиббӣ ва муовини директори “Истиқлол”

413
Академик Каримхон Курбонов, собиқ ректори Донишгоҳи тиббӣ ва муовини директори Маҷмааи тандурустии “Истиқлол” дар синни 62 – солагӣ олами фониро падруд гуфт

 ДУШАНБЕ, 11 авг — Sputnik. Яке аз наздикони марҳум ба Sputnik Тоҷикистон гуфт, Каримхон Курбонов як ҳафтаи ахир дар Шифохонаи клиникии шаҳрии бемориҳои сироятии кӯдакона, ки дар шафати Маҷмааи тандурустии "Истиқлол” чойгир аст, бистарӣ буданд.

“Каримхон Муродович дар гузашта як маротиба ҷарроҳии дилро паси сар карда буданд. Маризие, ки сабаби бистарӣ шуданашон шуд, бронхопневмония ё илтиҳоби шуши дутарафа буд”, - гуфт ҳамсуҳбати Sputnik Тоҷикистон.

Каримхон Қурбонов - олим, доктори илми тиб (1997), профессор (1999), узви вобастаи Академияи илмҳои ҶТ (2003), академики Академияи илмҳои тибби назди вазорати тандурустии Тоҷикистон (2010) ва Академияи байнулмилалии улуми макотиби олӣ буда, 2 апрели соли 1958 таваллуд шудааст.

Донишгоҳи давлатии тиббии Тоҷикистон ба номи Абӯалӣ Ибни Сино (1982) – ро бо ихтисоси "кори табобатӣ" хатм карда, самти асосии фаъолияти илмиаш ҷарроҳии узвҳои системаи гепатогастробиллиарӣ ва рӯдаи ғафс буд.

Дотсент (1997-1999), профессори кафедраи ҷарроҳии умумии №1 Донишгоҳи давлатии тиббии Тоҷикистон ба номи Абӯалӣ ибни Сино (1999-2000), декани факултаи умумитиббии Донишгоҳи давлатии тиббии Тоҷикистон ба номи Абӯалӣ ибни Сино (2001-2003) буд.

Илтиҳоби шуш ё COVID -19? Ба оилаи 4 устоди фавтидаи донишгоҳи Бохтар 6000 сомонӣ дода шуд

Каримхон Қурбонов солҳои 2003 – 2005 ректори Донишгоҳи давлатии тиббии Тоҷикистон ба номи Абӯалӣ Ибни Сино, ҳамзамон мудирии кафедраи бемориҳои ҷарроҳии Донишгоҳи давлатии тиббии Тоҷикистон ба номи Абӯалӣ Ибни Синоро бар уҳда дошт.

Солҳои ахир муовини директори Маҷмааи тандурустии “Истиқлол” дар умури илм буд.

Бино ба иттилои наздикон, муаллифи беш аз 700 кори илмӣ, аз ҷумла 15 монография, 4 китоби дарсӣ, 20 тавсияи методӣ, 150 пешниҳоди навоварона буда, беш аз 60 патент дорад ва таҳти раҳбарии ӯ 47 номзад ва 7 доктор рисола ҳимоят кардаанд.

413