Навиштан, акс аз юойгонӣ

САҲА аз Тоҷикистон хост, 14 журналист аз феҳристи сиёҳ бароварда шавад

95
(Таҷдидшуда 19:24 30.03.2018)
САҲА бар асоси қавоидаш тамоми онҳоеро, ки ба интишори хабару таҳлил ва шаклҳои дигари хабарпароканӣ машғуланд, ҳамчун журналист эътироф мекунад

ДУШАНБЕ, 31 мар — Sputnik. Созмони амният ва ҳамкорӣ дар Аврупо (САҲА) рӯзи 28 март бо ирсоли як номаи расмӣ ба вазири хориҷаи Тоҷикистон Сироҷиддин Аслов аз Душанбе хост, то номи 14 журналист ва блогнависро аз рӯйхати сиёҳи "шахсони бо терроризм алоқаманд" берун кунад.

Ба иттилои сайти ин созмон, ин рӯйхати сиёҳро ду ҳафта пеш Бонки миллии Тоҷикистон нашр кард.

Ҳарлем Дезир, намояндаи САҲА дар умури озодии матбуот дар номаи расмиаш ба Сироҷиддин Аслов, вазири хориҷаи Тоҷикистон хостори аз рӯйхати сиёҳи Бонки миллии ин кишвар берун кардани номи 14 журналист ва блогнависи тоҷик шудааст. Ҳарлем Дезир гуфтааст, ки ин нома рӯзи 28 март фиристода шудааст.

Дар нома ба Аслов номи он 14 хабарнигору блогнависи тоҷик изофа шудааст. Аммо Ҳарлем Дезир аз ифшои номи ин 14 хабарнигор худдорӣ кардааст, зеро: "Чоп кардани номи онҳо амнияташонро зери хатар мегузорад. Паҳлуи дигари масъала эҳтимолияти бегуноҳӣ аст, ки дар сурати нашри номҳо ин асл низ поймол мешавад."

САҲА бар асоси қавоидаш тамоми онҳоеро, ки ба интишори хабару таҳлил ва шаклҳои дигари хабарпароканӣ машғуланд, ҳамчун журналист эътироф мекунад.
Бонки миллии Тоҷикистон рӯзи 15 март рӯйхати сиёҳи 1372 "шахсони бо терроризм алоқаманд"-ро нашр кард. Бонки миллӣ чунин рӯйхатро бо тақозои FATF — як созмони байналмилалии масъули мубориза бо пулшӯӣ ва маблағгузории терроризм ҳар сол тартиб медиҳад.

Вале ба фарқ аз рӯйхатҳои қаблии Бонки миллӣ, ки асосан ҷангиёни тоҷики гуруҳҳои тундраве, чун ДОИШ, ва раиси ҲНИТ ва як писари ӯро дар бар мегирифт, дар рӯйхати ду ҳафта пеш нашркардаи Бонки миллӣ номи даҳҳо нафар аз фаъолони оппозитсияи тоҷик, ки дар Туркия, Русия, кишварҳои Аврупо ва Эрон паноҳ мебаранд, низ зикр шудаанд.

95
Барчаспҳо:
рӯйхати сиёҳ, САҲА, Тоҷикистон
Арест, архивное фото

Боздошти силоҳфурӯш ҳангоми амалиёти корд дар Душанбе

45
Вазорати умури дохилаи Тоҷикистон аз боздошти ҷавони 25-сола, ки ба фурӯши силоҳи сард дар Душанбе машғул будааст, хабар дод

ДУШАНБЕ, 6 июл — Sputnik. Бино бар иттилои дафтари матбуоти вазорати умури дохилаи Тоҷикистон, кормандони милитсияи шаҳри Душанбе зимни баргузории амалиёти шартии “Корд” сокини  кӯчаи Наврӯзи пойтахт Слезен Дидор Сорбоновичи 25-соларо, ки  ба хотири ба даст овардани маблағ ба фурӯши силоҳи сард, аз ҷумла корд машғул будааст, дастгир карданд. 

Тибқи иттилои манбаъ, дастгиршуда паҳнкунандаи ашёҳои ба сифати силоҳи сард истифодашаванда муайян шуда, онҳоро аз вилояти Суғд ба шаҳри Душанбе ворид намуда, ба фурӯш мегузоштааст. 

Гуфта шудааст, ки ҳангоми як амалиёт аз ин ҷавони 25 сола миқдори зиёди силоҳи сард истифдашванда, аз ҷумла, 2 адад дастчӯби оҳанин (дубинка), 2 адад электрошокер ва 23 адад кордҳои махсус (финка) дарёфту мусодира карда шуданд.

ВУД Тоҷикистон қайд намудааст, ки мувофиқи моддаи 9-и Қонуни Тоҷикистон “Дар бораи силоҳ”  дар қаламрави Тоҷикистон фурӯши силоҳи сард манъ мебошад.

Бо дарназардошти ҳалатҳои мазкур нисбат ба  шаҳрванд Слезан Дидор  протоколи ҳуқуқвайронкунии маъмурӣ тартиб дода шуда,  бо қарори  Суд ба номбурда ҷазо дар намуди ҳабси маъмурӣ ба муҳлати 5 шабонарӯз татбиқ карда шуд.

45
Барчаспҳо:
корд, амалиёт, Душанбе, силоҳ, боздошт, Тоҷикистон
Раиси вилояти Хатлон ба аёдати маъб рафт

Раиси вилояти Хатлон аз ҳисоби худ ба маъюби 26-сола панҷ ҳазор сомонӣ кумакпулӣ дод

42
(Таҷдидшуда 02:53 06.07.2020)
Раиси вилояти Хатлон Қурбон Ҳакимзода дар ноҳияи Ёвон Хуҷамурод Хуҷаевро, ки маъюби гурӯҳи якум аст, аёдат кард

ДУШАНБЕ, 6 июл — Sputnik. Ба нақл аз дафтари матбуоти мақомоти вилояти Хатлон, Хуҷамурод, ки сокини деҳаи Боғдараи Ҷамоати деҳоти ба номи Ҳасан Ҳусейнов аст ва ӯ 26 сол дорад.

Қурбон Ҳакимзода, раиси вилояти Хатлон зикр кард, ки айни ҳол сохтмони манзили истиқоматии нав барои оилаи Хуҷамурод бомаром идома дошта, аллакай марҳилаи бомпӯши хона ҷараён дорад.

“Давлат ҳеҷ гоҳ афроди имконияти ҷисмоиашон маҳдуд, ятимону бепарасторонро танҳо намегузорад. Пас аз пурра ба анҷом расидани сохтмони манзили зист, дар фикри барпо намудани тӯй шуда, Шуморо хонадор мекунем”, - қайд намуд зимни суҳбат бо Хуҷамурод Хуҷаев раиси вилояти Хатлон.

Қурбон Ҳакимзода пас аз мулоқот бо Хуҷамурод ба ӯ 5 ҳазор сомонӣ кумакпулӣ ва барои хонаводааш маҳсулоти ғизоӣ, аз қабили орд, равған, биринҷ, макарон, картошка, пиёз, қанд ва ғайра тақдим намуд.

Вай ҳамчунин ба масъулони ниҳодҳои дахлдор дастур дод, ки сохтмони манзили зисти Хуҷамурод Хуҷаевро бо сифати баланд ва дар муҳлатҳои кутоҳтарин ба анҷом расонида шавад.

42
Барчаспҳо:
кумакпулӣ, маъюб, Хатлон, Тоҷикистон