Авто-ретро 2017: намоиши худравҳои қадимӣ дар Душанбе, акс аз бойгонӣ

Қарори Рустам Эмомалӣ: дар Душанбе намоиши худравҳои қадимии "Авто-ретро" баргузор мешавад

155
Чорабинӣ бахшида ба Рӯзи пойтахти Ҷумҳурии Тоҷикистон ва Соли рушди сайёҳӣ ва ҳунарҳои мардумӣ ташкил карда мешавад

ДУШАНБЕ, 5 апр — Sputnik. Дар Душанбе Фестивал-намоишгоҳи шашуми автомобилҳои коллексионии "Авто-ретро Душанб" баргузор мешавад. Дар ин бора қарори вижаи шаҳрдори Душанбе Рустам Эмомалӣ рӯзи 4 апрели соли равон ба имзо расидааст.

Тавре дар санад омадааст, намоишгоҳи худравҳои нодир бахшида ба Рӯзи пойтахти Ҷумҳурии Тоҷикистон ва Соли рушди сайёҳӣ ва ҳунарҳои мардумӣ баргузор мегардад.

"Рӯзи 21 апрели соли 2018 аз соати 8:00 то 18:00 дар ҳудуди меҳмонхонаи "Ҳаятт Риҷенси Душанбе" ва ҶДММ "Кохи Наврӯз" Фестивал-намоишгоҳи шашуми автомобилҳои коллексионии "Авто-ретро Душанбе" доир карда шавад",- омадааст дар қарори раиси шаҳр.

Шӯъбаи нақлиёти дастгоҳи раиси шаҳри Душанбе ӯҳдадор шудаанд, ки баҳри дар сатҳи зарурӣ доир намудани намоишгоҳ чораҳои зарурӣ андешанд.

Раёсатҳои Вазорати умури дохилии Ҷумҳурии Тоҷикистон ва Кумитаи давлатии амнияти миллии Ҷумҳурии Тоҷикистон дар шаҳри Душанбе, раёсатҳои тандурустӣ ва Хадамоти давлатии оташнишонии шаҳри Душанбе ҷиҳати таъмини ҳифзи тартиботи ҷамъиятӣ, бехатарии ҳаракат дар роҳ, амнияти шаҳрвандон, хизматрасонии "Ёрии таъҷилӣ", нақлиёти сӯхторхомӯшкунӣ ва риояи Маромномаи сокини пойтахт зимни баргузории чорабинии мазкур бояд тадбирҳои заруриро роҳандозӣ намоянд.

Ёдрас мешавем, намоишгоҳи панҷуми худравҳои нодир ба муносибати 72-юмин солгарди "Рӯзи Ғалаба" 6 майи соли гузашта баргузор шуда буд.

155
Барчаспҳо:
худрав, намоишгоҳ, "Авто-ретро Душанбе", шаҳрдории Душанбе, Тоҷикистон
Кобилчон Гиёев

Ғайриинтизор: Қобилҷон Гиёевро аз вазифа барканор карданд

840
(Таҷдидшуда 13:28 01.06.2020)
Қобилҷон Гиёев, сардухтури Шифохонаи марказии ноҳияи Рашт, ки бо табобати ғайримаъмули “вируси корона” маъруф шуда буд, аз вазифа барканор шудааст

ДУШАНБЕ, 31 май – Sputnik. Мавсуф дар таъйиди ин хабар ба Sputnik Тоҷикистон гуфт, ин барканорӣ дар пайи як мактуби шикоятии Раҳимҷон Муқимӣ, раиси ноҳияи Рашт ба вазорати тандурустӣ ва ҳифзи иҷтимоии аҳолӣ сурат гирифтааст.

Джамолиддин Абдуллозода, министр здравоохранения и социальной защиты Таджикистан
пресс-служба Минздрава Таджикистана
“Муҳтавои ин мактуб ҳанӯз бароям рӯшан нест, аммо ин субҳ аз Ғарм занг заданд, ки зуд ба ноҳия баргардам, зеро фармони сабукдӯш шуданам аз сӯи вазири тандурустӣ ва ҳифзи иҷтимоии аҳолӣ имзо шудааст. Ҳоло меравам, ки дафтару калидро ба сардухтури нав таслим диҳад”, - гуфт Қобилҷон Гиёев.

Мавсуф аз ин ки ба ҷои ӯ чӣ касе ба курсии ӯ такя хоҳад зад, изҳори беиттилоотӣ кард. Аммо бино ба иттилои дарёфтӣ, ба ҷои ӯ Насриддин Солиев, сардухтури ноҳияи Рашт таъин шудааст. Мавсуф қаблан низ дар ин ноҳия сардухтур будааст.

Тафсилоти бештар нашр мешавад.

840
Джамолиддин Абдуллозода, министр здравоохранения и социальной защиты Таджикистан

Ҷаласаи ситоди COVID-19: вазири тандурустӣ чӣ гуфт?

50
Дар нишасти ситод вазири тандурустӣ Ҷамолиддин Абдуллозода, муовинононаш Саида Умарзода, Азиз Одиназода, Мирҳамуддин Камолзода, Шодихон Ҷамшед, сардорони хадамот ва раёсатҳои зерсохтори вазорат иштирок намуданд

ДУШАНБЕ, 1  июн — Sputnik. Вазорати тандурустии Тоҷикистон аз нишасти навбатии Ситоди ҷумҳуриявӣ оид ба пешгирӣ аз паҳншавӣ ва интиқоли сирояти коронавируси нави COVID-19 дар Ҷумҳурии Тоҷикистон хабар додааст.

Дар нишасти ситоди Вазорати тандурустӣ вазъи бемории КОВИД-19 дар Тоҷикистон таҳлил гардад.

Дар он вазири тандурустӣ Ҷамолиддин Абдуллозода, муовинони вазир Саида Умарзода, Азиз Одиназода, Мирҳамуддин Камолзода,  Шодихон Ҷамшед, сардорони хадамот ва раёсатҳои зерсохтори вазорат иштирок намуданд.

"Ҷамолиддин Абдуллозода таваҷҷуҳи иштирокчиёни ҷаласаро ба рафти иҷрои дастуру супоришҳои президент  Эмомалӣ Раҳмон, ки 20 майи соли ҷорӣ зимни вохурӣ бо кормандону роҳбарони муассисаҳои тандурустӣ пешниҳод намуданд, ҷалб намуд", - таъкид мекунад манбаъ.

Ҳамзамон, дар ҷаласа масъалаҳои назорати беморони гирифтори КОВИД-19, пурзӯр намудани фаъолияти шабонарӯзии марказҳои саломатӣ, таъмини беморхонаҳо  бо маводҳои доруворӣ ва назорати қатъии тақсимоти маводҳои доруворӣ ва дигар масъалаҳо мавриди баррасӣ қарор дода шуданд.

Дар анҷоми ҷаласа Вазири тандурустӣ ва ҳифзи иҷтимоии аҳолии  Ҷумҳурии Тоҷикистон Ҷамолиддин Абдуллозода ҷиҳати боз ҳам беҳтар намудани хизматрасонии тиббӣ ба сардорони хадамот ва раёсатҳои зерсохтори вазоарт дастуру супоришҳои мушаххас дод.

Вазир шабона ба беморхонаҳо меравад: Абдуллозода ба гирифторони коронавирус худаш занг зад

 

 

50