Раъду барқ.

Раъду барқ ва борони пуршиддат: боду ҳавои Тоҷикистон барои имрӯз

100
(Таҷдидшуда 09:37 09.04.2018)
Имрӯз, 9 апрел дар ҷумҳурӣ ҳавои тағйирёбандаи номудоид шуда, дар баъзе ноҳияҳо боридани борони пуршиддат дар назар аст

ДУШАНБЕ, 9 апр — Sputnik. Созмони ҳавошиносии Тоҷикистон ба огоҳии шаҳрвандон мерасонад, ки имрӯз дар ҷумҳурӣ ҳавои тағйирёбандаи абрӣ ва баъзе ноҳияҳо боридани борони пуршиддат ва раъду барқ пешбинӣ мешавад.

Дар вилояти Суғд ҳавои абрноки боронӣ шуда, дар ноҳияҳои кӯҳӣ боридани барф дар назар аст. Бод аз сӯи ғарб 4-9 метр дар як сония мевазад. Ҳаво дар водиҳо шабона 8-13 ва рӯзона 17-22 дараҷа гарм хоҳад шуд.

Дар Вилояти Мухтори Кӯҳистони Бадахшон ҳавои абрноки тағйирёбанда шуда, боридани борон ва барф пешбинӣ шудааст. Дар ғарби вилоят шабона 5-10 ва рӯзона 16-21 дараҷа гарм хоҳад шуд. Дар шарқи ин вилоят ҳаво шабона 2-7 дараҷа сард ва рӯзона 7-12 дараҷа гарм мешавад.

Дар вилояти Хатлон ҳавои тағйирёбанда шуда, боридани боронҳои пуршиддат ва ба амал омадани раъду барқ пешгӯӣ карда мешавад. Бод аз сӯи ғарб 3-8 метр дар як сония мевазад. Ҳаво шабона 12-17 ва рӯзона 17-22 дараҷа гарм мешавад.

Дар шаҳру ноҳияҳои тобеи марказ ҳаво тағйирёбандаи боронӣ шуда, шабона дар баландиҳои 2500 метр боридани барф дар назар аст. Шабона дар водиҳо 9-14 ва рӯзона 16-21 дараҷа гарм мешавад.

Дар шаҳри Душанбе ҳавои абрнок пешгӯӣ шуда, дар баъзе ҳолат боридани боронҳои пуршиддат ва ба амал омадани раъду барқ дар назар аст. Ҳарорат шабона 10-12 ва рӯзона 19-21 дараҷа гарм мешавад.

100
Барчаспҳо:
боду ҳаво, Созмони обуҳавошиносӣ, Тоҷикистон

Эълони омори тозаи сироят, фавт ва шифоёбӣ аз коронавирус дар Тоҷикистон

93
Вазорати тандурустии Тоҷикистон иттилоъ медиҳад, ки дар як шабонарӯзи охир 41 нафар аз бемории коронавирус шифо ёфта ба хонаҳояшон рухсат дода шуданд.

ДУШАНБЕ, 10 авг – Sputnik. Вазорати беҳдошти Тоҷикистон хабар медиҳад, ки дар 24 соати гузашта 90  нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд.

Тибқи иттилои манбаъ, дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ дар Тоҷикистон ба  7827  нафар баробар гардид.

"То санаи  10 август дар мамлакат  6614  (84,5%) нафар аз бемории COVID-19 шифо ёфта,  бар асари он 62  нафар фавтидаанд", - омадааст дар хабарнома.

Вазорат ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Ин ниҳод аз шаҳрвандон даъват мекунад, ки дар ин лаҳзаҳои ҳассос ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

93
Барчаспҳо:
Вазорати тандурустӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Роспотребнадзор гуфт, кӯмакҳояшро ба Тоҷикистон дар мубориза алайҳи COVID-19 идома медиҳад

16
Мутахассисони Роспотребнадзор натиҷаҳои талошҳои муштаракро дар мубориза бар зидди коронавирус дар кишварҳои ИДМ, аз ҷумла Тоҷикистон зикр карда гуфтаанд, шиддати афзоиши беморӣ коҳиш ёфтааст

ДУШАНБЕ, 10 авг — Sputnik.  Мутахассисони Роспотребнадзор маслиҳатдиҳии онлайниро ба ҳамкасбони худ дар Тоҷикистон, Қирғизистон ва Қазоқистон идома дода, умедвори ба эътидол овардани вазъ дар ин кишварҳо ҳастанд, гуфт роҳбари ин ниҳод Анна Попова.

"Ҳамкасбон аз Тоҷикистон, Қирғизистон ва Қазоқистон баргаштанд ва мо машваратҳо дар самти онлайнро барои расонидани кӯмак идома медиҳем. Имрӯз натиҷаҳои кӯшишҳои муштарак дар ин кишварҳо аллакай аёнанд: суръати афзоиш коҳиш меёбад, динамика беҳтар шуда истодааст”,-гуфтааст, роҳбари Роспотребнадзор дар ҷаласаи Раёсати Шӯрои ҳамоҳангсозии назди ҳукумати Федератсияи Россия оид ба мубориза бо коронавирус.

Ӯ гуфтааст, ба дастовардҳои муштараки мусбати натиҷаҳо барои ба эътидол овардани вазъ берун аз қаламрави Федератсияи Русия, умедвора аст.

Вай қайд кардааст, ки Роспотребнадзор мувофиқи дастурҳои президенти Федератсияи Русия ва роҳбари ҳукумат корашро дар самти расонидани кӯмак дар мубориза бар зидди COVID-19 ба ҳамкорон аз кишварҳои пасошӯравӣ ва хориҷи дур идома медиҳад.

Раҳбари Роспотребнадзор  ҳамчунин гуфтааст, кормандонаш ҳамзамон дар Гвинея ва Ветнам барои мубориза бо коронавирус кори худро идома медиҳанд.

"Роспотребнадзор": мавҷи дуюми коронавирус ва зуком дар тирамоҳ шадидтар мешавад

Вай шарҳ дод, ки дар Гвинея таҳқиқоти теъдоди зиёди одамон, аз ҷумла роҳбарияти кишвар, дар заминаи лабораторияи Роспотребнадзор дар шаҳри Киндия гузаронида мешавад.

Номбурда гуфтааст, ҳамзамон гурӯҳи корӣ дар Бейрут ва Абхозистон фаъолият доранд.

16