Корхонаи сементбарорӣ

Содироти семент аз Тоҷикистон ба Узбакистон 16 маротиба афзуд

135
(Таҷдидшуда 13:59 20.04.2018)
Дар се моҳи аввали соли равон корхонаҳои Тоҷикистон 774 ҳазор тонна семент истеҳсол карданд

ДУШАНБЕ, 20 апр — Sputnik.Тоҷикистон дар соли гузашта содироти сементро 2,5 маротиба афзоиш дод.  Ба иттилои Вазорати саноат ва технологияҳои нави Тоҷикистон, дар семоҳаи аввали соли ҷорӣ корхонаҳои Тоҷикистон 774 ҳазор тонна семент истеҳсол кардаанд, ки  нисбат ба моҳҳои январ-марти соли гузашта 348 ҳазор тонна зиёд аст.

Афзун бар ин, дар ин давра Тоҷикистон ба кишварҳои хориҷа 322 ҳазор тонна семент содир кард, ки аз он  172 000 тоннааш ба Узбакистон, 131 000 тонна ба Афғонистон ва 19 000 тонна ба Қирғизистон интиқол ёфтааст.

Таҳвилот ба Узбакистон 162 ҳазор тонна (16,3 маротиба), ба Қирғизистон 16,8 ҳазор тонна (6 маротиба) зиёд шуда, ба Афғонистон — баръакс 10,6 ҳазор тонна (8,8%) коҳиш ёфтааст.

Пештар гузориш дода шуд, ки дар ноҳияи Данғараи вилояти Хатлони Тоҷикистон корхонаи нави маводи эмулсионӣ-тарканда сохта мешавад. Корхонаи мазкурро нақша доранд, ки дар муддати ду сол бунёд кунанд. Тарҳ аз ҳисоби сармоягузориҳои ватанӣ ва чинӣ роҳандозӣ хоҳад шуд.

135
Барчаспҳо:
семент, истеҳсолот, Ӯзбекистон, Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

471
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

471
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

2730
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

2730
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон