Корманд, акс аз бойгонӣ

Парвандаи олигарх Ҷамшед Абдулов баста шуд

200
Парвандаи ҷиноӣ нисбати роҳбари ширкати "Олими Каримзод" ва коргоҳи нассоҷии "Олим Текстайлз" Ҷамшед Абдулов баста шуд

ДУШАНБЕ, 21 апр — Sputnik. Хабаргузории ТоҷикТА дар истинод ба як манбаъ аз "Тоҷпромбонк" хабар медиҳад, ки дар Тоҷикистон парвандаи ҷиноӣ нисбати олигарх Ҷамшед Абдулов баста шудааст.

"Парвандаи ҷиноӣ нисбати роҳбари ширкати "Олими Каримзод" ва коргоҳи нассоҷии "Олим Текстайлз" Ҷамшед Абдулов баста шуд",- омадааст дар иттилои манбаъ.

Гуфта мешавад, парвандаи ҷиноӣ нисбати Абдулов пас аз он қатъ гардид, ки ахирон қарзҳои аз бонк гирифтаашро бар гардонид. Қарзи олигарх аз "Тоҷпромбонк" 14 миллион долларро ташкил медодааст.

Абдулов барои соф кардани қарз ду коргоҳашро дар Конибодом ва як меҳмонсарояшро дар Масчо ба бонк додааст. Манбаъ меафзояд, Ҷамшед Абдулов пас аз мулоқоти муовини аввали нахуствазири Тоҷикистон Давлаталӣ Саид бо чанде аз муштариёни бонк, ба ҳабс гирифта шуда буд.

Амонатгузорони бонк ба нахуствазир шикоят карданд, ки чанд қарздорони "Тоҷпромбонк", аз ҷумла Ҷамшед Абдулов қарзҳои чандмиллионаи худро бар нагардонидаанд ва барои ҳамин онҳо пулҳои худро бозпас гирифта наметавонанд. Олигарх 40 рӯз пушти панҷара монд ва пас аз бастани созишнома бо банк, ки қарзҳояшро бозпас мегардонад, озод карда шуд. Абдулов ҳамчунин 4 миллион доллар қарзи аз "Тоҷиксодиротбонк" гирифтаашро ҳам бозпас гардонидааст.

200
Барчаспҳо:
қарз, ҳабс, ҶСП "БСТ ТИСТ Тоҷпромбонк", Ҷамшед Абдулов, олигарх, Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

470
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

470
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

2728
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

2728
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон