Борони шадид дар Маскав, аз акс бойгонӣ

Ҳушдор: барои се рӯзи охир дар Тоҷикистон тӯфону жола ва борону барф пешбинӣ мешавад

115
(Таҷдидшуда 19:04 24.04.2018)
Кумитаи ба шаҳрвандон ва меҳмонони кишвар тавсия медиҳад, ки бехатариву амнияти худро ҳифз кунанд. Дар ин рӯзҳо аз рафтан ба соҳили рӯдхонаҳову баҳру кӯлҳо ба қасди моҳидорӣ худдорӣ кунанд, аз ҷамъоварии занбӯруғҳо ва дигар зироатҳое, ки дар доманакӯҳҳо мерӯянд, даст кашанд

ДУШАНБЕ, 24 апр — Sputnik. КҲФ барои се рӯзи охир дар Тоҷикистон ҳавои номусоидро пешбинӣ мекунад.

"Кумита ба шаҳрвандони кишвар ҳушдор медиҳад, ки се рӯзи оянда, Тоҷикистон дар гирдоби борону барф, раъду барқ ва тӯфону жола хоҳад монд", — менависад вебгоҳи КҲФ.

Гуфта мешавад, тайи ин рӯзҳо дар кишвар  болоравии сатҳи оби рӯдхонаҳо, омадани сел, резиши санг аз эҳтимол дур нест.

Ҳамин тавр, аз 24 то 26-уми апрели соли равон обу ҳавои кишвар номусоид мешавад.

"Боронҳои шадид пешбинӣ шуда, дар баъзе манотиқ раъду барқ низ мешавад. Дар ноҳияҳои алоҳидаи вилояти Хатлон ва ноҳияҳои тобеъи ҷумҳурӣ эҳтимоли омадани жола ҳам вуҷуд дорад",- менависад манбаъ.

Ҳарорати ҳаво рӯзона аз 8 то 10 дараҷа паст хоҳад шуд.

Инчунин Кумита ҳушдор медиҳад, ки 24-уми апрел дар вилояти Хатлон гарду ғубор ва тӯфони шадид дар назар дошта шудааст.

"Бар асари боронҳои шадид эҳтимоли боло рафтани сатҳи об дар рӯдхонаҳои Ёхсу, Қизилсӯ ва дарёчаҳое, ки дар водии Ҳисор ҷорӣ мешаванд вуҷуд дорад. Хатари аз раъду барқ зарар дидани одамон низ кам нест. Сангрезиш ва омадани сел низ аз эҳтимол дур нест" — таъкид кардааст мабаъ. 

Кумитаи ба шаҳрвандон ва меҳмонони кишвар тавсия медиҳад, ки бехатариву амнияти худро ҳифз кунанд. Дар ин рӯзҳо аз рафтан ба соҳили рӯдхонаҳову баҳру кӯлҳо ба қасди моҳидорӣ худдорӣ кунанд, аз ҷамъоварии занбӯруғҳо ва дигар зироатҳое, ки дар доманакӯҳҳо мерӯянд, даст кашанд. 

Ба шахсоне, ки аз бемориҳои дил ранҷ мебаранд, тавсия дода мешавад, ки дар ин рӯзҳо бештар эҳтиёт бошанд ва миқдори кофии доруҳоро бо худ дошта бошанд. 

115
Барчаспҳо:
ҳушдор, борону барф, КҲФ, Тоҷикистон
Футболист на поле, архивное фото

Пирӯзии “Навбаҳор” бар “Равшан” и Кӯлоб: ҳисоби бозӣ 5:0

10
(Таҷдидшуда 19:15 26.09.2020)
Бозии даври чаҳоруми чемпионати Тоҷикистон оид ба футбол байни ҷавондухтарон U-17 бо пирӯзии “Навбаҳор” и ноҳияи Мастчоҳ бар “Равшан” и шаҳри Кӯлоб ба охир расидааст. Дар ин бозӣ соҳибони майдон бо ҳисоби 5:0 пирӯз шудаанд

ДУШАНБЕ, 26 сен – Sputnik. Тавре Аҳлиддин Юнусов, котиби Федератсияи футболи Суғд ба Sputnik Тоҷикистон иттилоъ дод, дар доираи даври чаҳоруми чемпионати футбол инчунин бозӣ миёни дастаҳои “Хатлон” ва “Мактаби махсуси футбол, чавгон ва асп” ё “ММФЧВА” и Суғд доир шуда, бо ҳисоби 3: 2 бо ғалабаи мизбонон тамом шудааст.мяч

Бино ба иттилоъи манбаъ дар чемпионати Тоҷикистон оид ба футбол миёни бонувон шаш даста ба ҳисоби “Навбаҳор” у “Равшан” ва “ММФЧВА” у “Хатлон” барои ба даст овардани Ҷом рақобат мекунанд.

Қарор аст, дар доираи давраи панҷуми бозиҳо “Навбаҳор” дар сафар бо дастаи “Ҳосилот” и Фархор бозӣ анҷом диҳанд.

 “Ҳоло дастаи “Хатлон” дар ҷои аввал ва дастаи “ММФЧВА” дар ҷои дуюм қарор дорад”, - гуфт Юнусов.

Соли гузашта дастаи “ММФЧВА” чемпион шуда буд. Зимнан соли сеюм аст, ки чемпионати футбол миёни бонувон мунтазам доир мегардад.

 Баъзеҳо аз баргузории футболи занона интиқод мекунанд, аммо бисёриҳо бо муҳимияти тарғиби тарзи ҳаёти солим роҳандозии ин намуди варзиш миёни бонувонро тасмими саривақтӣ медонанд. Федератсияи футболи Тоҷикистон ҳам бо мақсади тарғиби тарзи ҳаёти солим роҳандозии чемпионати футбол миёни бонувонро роҳандозӣ намуда, аз сӯи ин ниҳод сафархарҷ, туб ва либоси варзишии дастаҳо таъмин карда мешавад.

10
Барчаспҳо:
Кӯлоб, пирӯзӣ, Мастчоҳ, Футбол, Суғд, Тоҷикистон
Работники морга погружают гроб с погибшим от коронавируса, архивное фото

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

106
Шабонарӯзи гузашта аз маризии сироятии коронавирус дар Тоҷикистон боз як нафари дигар ҷон супорид. Вазорат низ хабари фавти маризи коронавирусро тасдиқ кард

ДУШАНБЕ, 25 сен - Sputnik. Вазорати тандурустӣ омори як рӯзи ахири гирифторшавӣ, фавт ва шифоёбӣ аз маризии коронавирусро нашр намуд.

Бар хабари котиботи вазорати мазкур, шабонарӯзи гузашта аз ин маризӣ боз як нафар ҷон бохта, ҳамзамон 43 мавриди нави гирифторшавӣ ба қайд гирифта шуд.

Манбаъ меафзояд, дар муддати аз 30 апрел то 26 сентябр шумораи гирифторони коронавируси нав ба 9 605 нафар расид.

Зимнан, аз ин беморӣ то кунун 8385  ё худ 87,3 дарсади гирифторон шифо ёфта, 75 нафар фавтиданд.

"Шабонарӯзи охир 97  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд", - таъкид мешавад дар хабари манбаъ.

Феълан Ҳукумати  Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

106
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон