Духтараки тоҷик Марям, акс аз бойгонӣ

Миёни шаш мурда: Марям дар бораи зиндагии фоҷиабораш дар Ироқ нақл кард

950
(Таҷдидшуда 13:34 27.04.2018)
“Дар дасти падарам боре яроқ намедидем. Доим дар тан либоси сафед дошт ва ба масҷид мерафт. Ӯ дарс ҳам медод”,- нақл кардааст Марям

ДУШАНБЕ, 27 апр — Sputnik, Фарида Бобоҷонова. Марям- кӯдаки даҳсолаи тоҷик, ки дар яке аз урдугоҳҳои Ироқ дар монда буд, ба Тоҷикистон бар гардонида шуд. Рӯзи 25 апрел Вазорати умури хориҷаи Тоҷикистон хабар дод, ки бо дастгирии мақомоти Ироқ, Кумитаи байналмилалии Салиби Сурх ва ЮНИСЕФ Марям ва 3 кӯдаки дигари тоҷикро ба Тоҷикистон бар гардонидааст.

Бобои Марям- Маҳмадраҳим Шоев ба Sputnik Тоҷикистон нақл кард, ки ягона нишонаи 7 пайвандаш дар бораи падару модар ва хоҳарони кушташудааш чӣ мегӯяд.

Ба нақли Марям, Ҷамолуддин Шоев — падари Марям бо ҳамсар ва панҷ фарзандаш мехостанд аз Миср ба Тоҷикистон бар гарданд ва бо ҳамин мақсад ба Туркия омаданд. (Дар ин бора пештар Шоев низ ба Sputnik Тоҷикистон гуфта буд-идора).

"Моҳҳои августи соли 2016 писарам ба ман занг зад, ки дар Туркия аст ва барои халос кардани ҷони худ ва ҳамсару фарзандонаш ба пул ниёз дорад",- ба хотир меорад бобои Марям.

Шоев маблағи лозимаро бо як нафар, ки ба Туркия парвоз дошт,  равон мекунад.

"Аммо писарам пулро мегираду 10-15 дақиқа дер мекунад ва ба ҳамин ӯву ҳамсар ва фарзандонашро ба Ироқ пеш мекунанд",- идома медиҳад вай.

Падари Ҷамолуддин  тавзеҳ дода натавонист, ки он маблағро писараш  ба кӣ медод ва чӣ гуна "ҷони фарзанду занашро мехарид".

"Ман намедонам, бо онҳо дар Туркия чӣ воқеа рух доааст",- гуфт вай.

Ба гуфтаи худи Марям, ҳамин тавр, хонаводаи ӯро аз Туркия ба Ироқ пеш кардаанд ва онҳо дар Ироқ тамоми ҳуҷҷатҳояшонро  гум кардаанд.

"Мо дар ҷӯстуҷӯи ҷойи тинҷе ба Сурия рафтем ва ҳудуди як сол дар он ҷо мондем. Баъд боз ба сарҳад омадем ва падарам бо пул моро ба марзи Ироқ гузаронид",- нақл кардааст Марям.

Духтарак гуфтааст, ки онҳо панҷ моҳи дигар  дар қишлоқе дар Ироқ монданд ва пас аз он ба ҷойи дигаре рафтанд.

"Падарам дар ҳамон ҷо кушта шуд. Рӯзе ӯ барои харидани хӯрока ба шаҳр меравам гуфту бар нагашт. Хабар расид, ки кушта шудааст. Аммо ӯро наёфтем ва модарам моро гирифта ба Мосул овард. Он вақт Мосул оромтар буд",- гуфтааст Марям.

Марям дар Мосул нахуст модар ва хоҳарашо аз даст медиҳад.

 "Мо дар Мосул дар як хона меистодем. Ба наздикии он манзил бомб партофтанд. Ман ва хоҳарону додаронам ҷароҳати сабуктар бардоштем, аммо ба сари модарам ва як хоҳари хурдиам девор афтид. Касе набуд, ки моро беморхона барад. Ҳамон шаб он ҷо мондем ва саҳар модарам ва хоҳарам  ҳалок шуданд",- гуфтааст вай.

Марям дар идомаи нақлаш афзудааст, ки аз пас аз кушта шудани модараш додари хурдиашро гирифта ба манзили дигаре рафтааст. Як хоҳар ва як додари дигараш дар як хонаи дигар мондаанд.

"Саҳар бедор шудам, ки аз бағалам додарчаамро касе бурдааст. Хостам  манзили, ки додару хоҳари дигарам буданд равам, аммо дидам, ки он хона нест — бомб ба замин яксон кардааст",- афзудааст вай.

 "Ин тараф ва он тараф рафтам, ки касеро пайдо кунам. Охир ба назди як зани тоҷик рафтам, ки додарам дар дасти ҳамон зан будааст.  Аммо пас аз чанде вай зан ҳам бо додарам зери бомб монданд ва маро касе (дар хотир надорад кӣ-идора) ба бемористони Мосул бурд. Ман табобат гирифтам ва аз ҳамон ҷо маро ба урдугоҳ бурданд",- гуфтааст вай.

Бобои Марям меафзояд, ки гаштаву баргашта аз Марям дар бораи падараш мепурсад, ки "оё дар даст силоҳ дошт ё ҷанг мекард".

"Дар дасти падарам боре яроқ намедидем. Доим дар тан либоси сафед дошт ва масҷид мерафт. Дарс ҳам медод",- нақл кардааст духтарак.

Аввалин навори мусоҳибаи Марям дар Ироқ бо рӯзноманигорони "Russia Today" ба забони русӣ моҳи августи соли гузашта мунташир шуд. Духтарак мегуфт, пайвандонашро ҷустуҷӯ дорад.

Моҳҳои март хабар дода шуд, ки пайвандони Марям дар Тоҷикистон ёфт шуданд.

Зодгоҳи падари Марям — Ҷамолиддин Шоев деҳаи Ғайратободи ноҳияи Ҳисор будааст.

Ба гуфтаи бобои Марям, падари Марям соли 2004 расман бо иҷозаи ҷониби Тоҷикистон барои таҳсил дар донишгоҳи Алазҳар ба Миср рафта будааст. Ӯ бо хонаводааш соле як маротиба ба ватан мемаданд ва пас аз чанде дубора ба Миср бар мегаштанд.

"Таҳсили писарам дар Миср расмӣ буд ва ӯ иҷозати кишварро гирифта буд, афзун бар ин вай ҳар сол ба Душанбе меомад ва пас аз 4 ё 5 моҳ ба Миср бармегашт", — нақл карда буд вай.

Ҷамолиддин — падари Марям ва модараш Садбарг Шомирзоева соҳиби панҷ фарзанд будаанд, ки калонтарини онҳо Марям аст. Ҳамаи фарзандони вай дар Миср таваллуд шуда, бобои Марям мегӯяд, намедонад, ки фарзанди панҷумини онҳо чӣ ном дошт ва чандсола буд.

Ба гуфтаи Шоев, писараш бо ҳамсар ва фарзандонаш бори охир соли 2015 ба Тоҷикистон омаданд ва 6 моҳ дар ватан истоданд. Ҷамолиддин вақти рафтан ба падар гуфтааст, ки баъди хатими донишгоҳ ба Тоҷикистон бар мегардад.

Моҳи августи соли 2016 Ҷамолиддин ба падараш занг зада гуфтааст, ки дар Туркия дар роҳ ба Тоҷикистон қарор дорад. Падар пас аз он ҳама гуна  иртибот бо фарзандашро гум кардааст.

950
Барчаспҳо:
кушта шудан, кӯдак, ҷанг, ДОИШ, Маҳмадраҳим Шоев, Марям, Ироқ, Тоҷикистон
Строительство нового дома в Душанбе

Ҳалокати ҷавони 23 сола бар асари чаппашавии крани сохтмонӣ дар Душанбе

48
(Таҷдидшуда 10:40 10.08.2020)
Дар пайи чаппашавии крани борбардори сохтмонӣ дар бинои навсохте, воқеъ кӯча Сурхоби пойтахт як нафар ҳалок шудааст

ДУШАНБЕ, 10 авг — Sputnik.  Дар ин бора аз Кумитаи ҳолатҳои фавқулода ва мудофиаи граждании кишвар ба Sputnik Тоҷикистон гуфтанд, ҳодиса шоми шанбеи гузашта сар задааст.

Ба иттилои манбаъ, крани сохтмонии баландиаш 35 метр, ки дар сохтмони яке аз биноҳои баландошёна воқеъ дар кӯчаи Сурхоби пойтахт буд, ба болои се бинои истиқоматӣ афтидааст.

Манбаъ мегӯяд, дар пайи ҳодиса ду сохтмончӣ- ҷавони 22 ва 23  ҷароҳат бардошта, аввали дар роҳ ба беморхона ҷон дод.

Гуфта мешавад табибон ҳолати ҷавони дигарии 23 соларо миёна арзёбӣ кардаанд.

Ҳалокати ду муҳоҷири тоҷик дар Русия ҳангоми чоҳканӣ

Дар пайи чаппашавии кран боми се манзили сокинон зарар дидаву хушбахтона касе аз истиқоматкунандагонаш осеб надидааст.

Барои муаян сохтани сабаби ҳодиса гуруҳи корӣ таҳия шуда, таҳқиқ идома дорад, гуфт манбаъ.

48
График роста, архивное фото

Тоҷикистон дурнамои нишондиҳандаҳои макроиқтисодиро барои солҳои 2021-2023 тасдиқ кард

23
(Таҷдидшуда 10:05 10.08.2020)
Интизор меравад, ки дар соли 2021 Маҷмӯи Маҳсулоти Дохилии Тоҷикистон ба 92,684 миллиард сомонӣ (беш аз 9,104 миллиард доллар) хоҳад расид ва рушди воқеии он 7,6% пешбинӣ шудааст

ДУШАНБЕ, 10 авг — Sputnik. Ҳукумати Тоҷикистон дурнамои нишондиҳандаҳои макроиқтисодиро барои солҳои 2021-2023 тасдиқ намуд, хабар медиҳад РИА Новости бо истинод ба хадамоти матбуоти Вазорати рушди иқтисод ва савдо.

"Тибқи ин дурнамо, сарфи назар аз пандемияи коронавирус, интизор меравад рушди иқтисодии кишвар дар се соли оянда ҳадди ақалл 7,6%  боло равад", - омадааст дар изҳорот.

Интизор меравад, ки да соли 2021 маҷмӯи маҳсулоти дохилии Тоҷикистон ба 92,684 миллиард сомонӣ (беш аз 9,104 миллиард доллар) мерасад ва рушди воқеӣ 7,6% пешбинӣ шудааст.

Ҳамзамон тибқи пешбинҳо умед аст, ки дар соли 2022 ҳаҷми ММД 102,97 миллиард сомонӣ (10,1 миллиард доллар) пешбинӣ шуда, пешгӯии афзоиши воқеии он 7,8 фоизро ташкил медиҳад.

Дар соли 2023 интизор меравад, ки ҳаҷми ММД 115,84 миллиард сомонӣ (тақрибан 11,36 миллиард доллар) хоҳад буд, рушди воқеӣ 8% пешбинӣ шудааст.

Тибқи пешбинӣ, таваррум дар соли оянда 6,9% -ро ташкил хоҳад карда, дар соли 2022 суръати он то 6,8% коҳиш хоҳад ёфт, дар соли 2023 то 7,1% афзоиш хоҳад ёфт.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешава 

"Ин пешгӯиҳои макроиқтисодӣ бо назардошти вазъи иқтисодии ҷаҳон ва кишварҳои ИДМ, аз ҷумла вазъи иқтисодиёти шарикони асосии тиҷоратии Тоҷикистон - Русия, Чин, Қазоқистон ва Узбакистон таҳия шудаанд", - гуфтаанд, аз хадамоти матбуотӣ.

Гуфта мешавад, дурнамо оқибатҳои имконпазири иҷтимоию иқтисодии паҳншавии COVID-19, тағирёбии нарх дар бозорҳои ҷаҳонии молро ба назар мегирад.

23