Рӯд, акс аз бойгонӣ

Духтари душанбегӣ ба Рашт ба меҳмонӣ рафт, вале ҳангоми селфӣ ба дарё ғарқ шуд

570
(Таҷдидшуда 13:40 30.04.2018)
Ва духтари ҷавони душанбегӣ ҳам шояд хост баъди бозгашт аз сафари Рашт ба дугонаҳояш аз мавҷу хурӯшони Сурхоб ҳикоят кунад, вале талоши аккосӣ дар ин манзараи дар нигоҳи аввал дилфиреб ба фоҷеа анҷомид...

ДУШАНБЕ, 30 апр — Sputnik. Сайри соҳили дарё, назораи мавҷи об, резиши борон, тамошои гулу сабза ва боз даҳҳо кори дигар хоси баҳору тобистон аст. Манзараҳои дифиреби кишвар касро таҳрик медиҳанд, ки хотироташро дар аксу суратҳо барои пайвандонаш ва ёдгор барои оянда нигоҳ дорад. Ва духтари ҷавони душанбегӣ ҳам шояд хост баъди бозгашт аз сафари Рашт ба дугонаҳояш аз мавҷу хурӯшони Сурхоб ҳикоят кунад, вале талоши аккосӣ дар ин манзараи дар нигоҳи аввал дилфиреб ба фоҷеа анҷомид ва духтари 19-сола бо хешованди 15-солааш абадан олами моро тарк гуфтанд.

28-уми апрели соли равон, соати 17:10 ба қисми навбатдории Шӯъбаи Кумитаи ҳолатҳои фавқулодда дар гурӯҳи ноҳияҳои Рашт хабар расид, ки сокини 19-солаи пойтахти кишвар, ки ба хонаи хешовандонаш ба меҳмонӣ омада буд, ҳангоми суратгирии селфи дар телефони ҳамраҳаш ба оби дарёи Сурхоб сарозер шуд.

Ин духтар хостааст дар мавзеъи шӯхоб, дар манзараи туғёни мавҷи хурӯшони рӯди Сурхоб расм гирад ва пояш лағжидаву мувозинаташро гум кардааст. Духтари 15-сола аз ҷумлаи хешовандони вай, ки мехост кӯмакаш кунад, низ ҳамроҳ бо вай ба дарё рафт. 

Гурӯҳи фаврии наҷотдиҳандагони Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон баъди дарёфти ин хабар фавран ба ҷустуҷӯи ғарқшудагон арфтанд. Субҳи бармаҳали рӯзи 29-уми апрел ҷасади духтарони ҷавони ғарқшуда пайдо ва ба мақомоти милитсияи ноҳия супурда шуданд. 

Дра ҳамин иртибот Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз шаҳрвандо ва меҳмонони кишвар бо эҳтиром хоҳим мекунад, ки   дар соҳили рӯдхонаҳо, ҳавзу каналҳо чораҳои амниятиро риоя кунанд, аз аксбардорӣ дар қитъаҳои хатарноки кӯҳӣ ва дарёҳои тезоб худдорӣ намоянд.

Кумита ҳамчунин ба волидон муроҷиат мекунад, ки бачаҳои худро беназорат нагузоранд!

570
Барчаспҳо:
ғарқ шудан, рӯд, КҲФ, Тоҷикистон
Маҳмадҷон Ҳабибуллоев, сармураббии дастаи Регар ТадАЗ, аз чап

Маҳмадҷон Ҳабибуллоев сармураббии нави дастаи "Куктош" таъйин шуд

19
(Таҷдидшуда 12:45 07.07.2020)
Маҳмадҷон Ҳабибуллоев, мураббии муваффақ ва шинохтаи тоҷик ба вазифаи сармураббии дастаи “Куктош”-и ноҳияи Рӯдакӣ таъйин шуд

ДУШАНБЕ, 7 июл — Sputnik. Ӯ дар ин вазифа Раҳматулло Фузайловро иваз кард, хабар медиҳад сомонаи varzishtv.tj.

Ҳабибуллоеви 55-сола аз соли 2001 то 2013 дар бошгоҳи “Регар ТадАЗ” фаъолият намуда, шаш карат чемпиони Тоҷикистон (солҳои 2001, 2002, 2003, 2004, 2006, 2007, 2008), се карат барандаи Ҷоми Президенти КФО (2005, 2008, 2009) ва Ҷоми Тоҷикистон (2001, 2005, 2006) шудааст.

 Номбурда  соли 2014 дар вазифаи сармураббии “Делерон-Уротеппа”-и Истаравшан фаъолият намуда, дар соли нахуст дастаро ба зинаи сеюми ҷадвал баровард.

Ҳамчунин моҳи феврали соли 2015 як муддат тими “Равшан”-и Кӯлобро тамрин дод ва июли ҳамон сол пас аз чанд моҳи сармураббӣ шуданаш истеъфо дод.

Баъдан, худи ҳамон сол  ба вазифаи сармураббии дастаи “Ҳосилот” даъват шуда, тими мазкурро аз Лигаи якум ба Лигаи олӣ баровард, медалҳои нуқраи мусобиқаро ба даст овард.

Ӯ соли 2007 як муддат сармураббии тими миллии кишвар ва баъдан яккачини ҷавонони Тоҷикистон оид ба футбол (U-21) буд.

19
Как прошел тотальный диктант в Душанбе

Имтиҳонсупорӣ дар замони коронавирус: ММТ санаи эълони хол ва балҳоро гуфт

144
(Таҷдидшуда 12:28 07.07.2020)
Имтиҳони дохилшавӣ ба донишгоҳу донишкадаҳои Тоҷикистон дар шароити паҳншавии коронавирус бо риоя намудани як қатор тадбирҳои иловагӣ сурат гирифт

ДУШАНБЕ, 7 июл — Sputnik. Маркази миллии тестӣ аз баргузор шудани имтиҳонҳои дохилшавӣ барои довталабони соли ҷорӣ хабар дод, хабар медиҳад агентии "Ховар".

Открытие нового здания факультета политики и государственного управления Государственного университета Бохтара
© Официальная страница пресс-службы президента РТ в Facebook.

Ба иттилои манбаъ, мувофиқи ҷадвали муқарраршуда аз 1 то 7 июли соли равон дар 48 маркази имтиҳоние, ки тибқи рӯйхати тасдиқкардаи Вазорати маориф ва илми Ҷумҳурии Тоҷикистон дар заминаи муассисаҳои таълимии таҳсилоти миёнаи умумии 18 шаҳру ноҳияи ҷумҳурӣ ташкил карда шудаанд, даври асосии имтиҳонҳо баргузор гардид.

Навбатҳои тӯлонӣ дар Хуҷанд: оғози имтиҳонҳо барои таҳсил дар донишгоҳҳои Русия - акс

Манбаъ меафзояд, эълони натиҷаҳои имтиҳонҳо (хол ва балҳои бадастовардаи ҳар яке аз довталабон ва ба озмуни тақсимот роҳ ёфтан ё наёфтани онҳо) имсол 19 июл ба нақша гирифта шудааст.

"Даври асосии имтиҳон дар заминаи таҳсилоти умумӣ – қисми А барои довталабони дорои таҳсилоти миёнаи умумӣ, ибтидоӣ ва миёнаи касбӣ вобаста аз ҳар яке аз гурӯҳҳои ихтисосҳо, тибқи ҷадвали баргузории имтиҳонҳо (даври асосӣ), то 6 июл идома ёфта, довталабони дорои таҳсилоти умумии асосӣ (синфи 9-ум) имтиҳон дар заминаи таҳсилоти умумии асосӣ – қисми Б-ро дар даври асосӣ имрӯз, 7 июл месупоранд", - таъкид мешавад дар хабар.

Гуфта мешавад, дар шароити паҳншавии бемории COVID-19, даври имтиҳонсупорӣ бо риоя шудани як қатор тадбирҳои иловагӣ ба нақша гирифта шуд.

Аз ҷумла, ҳар як маркази имтиҳонӣ бо мавод ва воситаҳои зарурӣ тибқи талаботи санитарию гигиенӣ ва эпидемиологӣ таъмин карда шуд. Дар ҳар як маркази имтиҳонӣ иловатан як корманди техникӣ барои анҷом додани корҳои безараргардонӣ (дезинфексия) ҷалб гардидадааст.

Баъди артиш дохилшавӣ ба донишгоҳ осонтар мешавад: имтиёзи ММТ ба хизматкардаҳо

Гузашта аз ин, мувофиқи тартиби муқарраркардаи Ҳукумати Ҷумҳурии Тоҷикистон, барои таъмини шаффофият ва назорати раванди имтиҳонҳо дар ҳар маркази имтиҳонӣ комиссияи ҷамъиятӣ фаъолият мекунад, ки ҳайати онро мақомоти иҷроияи маҳаллии ҳокимияти давлатии шаҳр ё ноҳияе, ки дар ҳудуди он маркази имтиҳонӣ амал мекунад, муайян ва тасдиқ кардааст.

Шумораи умумии ҳайати комиссияҳои ҷамъиятии ҳамаи марказҳои имтиҳонӣ соли ҷорӣ 144 нафарро ташкил медиҳад.

144
Барчаспҳо:
имтиҳон, довталабон, ММТ, Тоҷикистон
Доктор возле приемного отделения

Фавти 198 мариз давоми як рӯз: омори тозаи коронавирус дар Русия

9
(Таҷдидшуда 13:06 07.07.2020)
Шабонарӯзи гузашта дар Русия 198 нафар аз маризии сироятии коронавирус ба ҳалокат расиданд, ки 24 қурбонӣ ба шаҳри Маскав рост меояд

ДУШАНБЕ, 7 июл — Sputnik. Дар Русия агар теъдоди мавориди ҷадиди сироятшавӣ ба маризии коронавирус рӯ ба коҳишшавӣ ниҳодааст, шумораи ҳолатҳои фавт ҳамоно дар ҳоли афзуншавӣ аст.

Шабонарӯзи гузашта аз ин маризӣ дар Русия дасти кам 198 нафар ҷон бохтанд, хабар медиҳад Ситоди фаврӣ оид ба коронавирус дар ин кишвар.

Бар хабари манбаъ, бо илова шудани 198 ҳолати нав, теъдоди умумии қурбониён аз ин маризии даҳшатбор ба 10 494 нафар баробар шудааст.

 Александр Гинсбург: Ваксинаи Русия ду сол аз коронавирус муҳофизат мекунад

Ситод мегӯяд, аз ҳама беш мавориди фавт дар шаҳри Санкт - Петербург сурат гирифтааст. Давоми як рӯз дар ин шаҳр 48 мариз ҷон аз даст доданд.

Ҳамчунин 24 ҳолати фавт ба шаҳри Маскав рост меояд. Дар Подмосковие 18 мавриди фавт аз коронавирус ба қайд гирифта шудааст.

Зимнан, Cитоди фаврӣ қайд намудааст, ки шабонарӯзи гузашта 9551 нафар аз вируси COVID - 19  шифо ёфтанд ва аз дармонгоҳҳо мураххас шуданд.

Дар маҷмӯъ аз авоили паҳншавии маризии коронавирус дар Русия 463 880 бемор шифо ёфтанд.

9
Барчаспҳо:
фавт, маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон