Саидмукаррам Абдукодирзода, акс аз бойгонӣ

Шӯрои уламои Тоҷикистон Эронро дӯсти дурӯя хонд

269
(Таҷдидшуда 19:12 23.05.2018)
Шӯрои уламои Тоҷикистон гуфтааст, ки "дӯстӣ якрӯӣ ва поктинатиро мепазирад ва дар муқобилаш мунофиқӣ ва дурӯӣ қарор дорад, ҳамон гунае, ки бад дар муқобили нек ва зулмот дар муқобили рӯшноист"

ДУШАНБЕ, 23 май — Sputnik. Шӯрои уламои Тоҷикистон бо нашри баёнияе дар равобити умумии Кумитаи дин, Эронро дӯсти дурӯя хонда ба ноором кардани вазъи дохилии Тоҷикистон муттаҳам кард.

Дар баёнияи Шӯрои уламо аз ҷумла гуфта шудааст, ки "аз рӯзҳои нахустини соҳибистиқлолӣ Ҷумҳурии Тоҷикистон бо дигар кишварҳои олам робитаҳои дӯстона барқарор намуда, муносибатҳои худро вусъату густариш дод. Чунки мо тоҷикон ҳамеша дар ҷустуҷӯи дӯстон ҳастем, табиатан мардуми мо кӯшиш мекунанд, ки ҳатто бо рақибони худ бо меҳру муҳаббат, садоқату лабханд муносибат дошта бошанд.

Аз ҷумла, байни Тоҷикистону Эрон муносибатҳо хеле боэҳтиромона ва барои ҳарду кишвар судманд ҷараён доштанд ва мо ҳамеша мегӯем, ки як сарзамини таърихӣ ва фарҳанги муштарак дорем.

Илова бар ин, дар гузашта ва имрӯз мо бо нобиғаҳои ин кишвар амсоли Ғазолию Фирдавсӣ, Саъдию Ҳофиз ифтихор дорем ва ин бузургворонро аҷдоди умумии хеш мепиндорем.

Пешрафти дӯстро пешрафти хеш донистан ва дар  рафъи мушкили дӯст саҳм гирифтан ойини деринаи тамаддуни форсии тоҷикист. Аммо мушкил ин аст, ки дар ин дунёи ҳар замон тағйирёбанда ва хеле ҳассос баъзан дӯстон фаъолиятҳое зоҳир мекунанд, ки ҳатто душманони умумиро ба ҳайрат мегузоранд. Дӯстӣ якрӯӣ ва поктинатиро мепазирад ва дар муқобилаш мунофиқӣ ва дурӯӣ қарор дорад, ҳамон гунае, ки бад дар муқобили нек ва зулмот дар муқобили рӯшноист". 

Баъд аз пахши наворҳо дар шабакаҳои телевизионӣ инсон ба чунин хулоса меояд, ки на ҳар нафаре шоистаи дӯстӣ аст. Ҳамаи ин воқеот ба сурати филми ҳуҷҷатӣ намоиш дода шуд, ки онро тамоми мардуми Тоҷикистон тамошо карданд ва андешаҳои худро нисбати он иброз доштанд.

Муҳтаво ва хулосаи филм бо далелу аснод собит менамуд, ки кишвари «дӯст»-и Эрон дар паси парда чӣ корҳое нисбат ба кишвари ҳамзабону ҳамфарҳанги худ анҷом додааст. Чи гуна аз ҷониби ин кишвари ба ном дӯст шаҳрвандони Тоҷикистон бо маблағҳои ҳангуфти ин кишвар маблағгузорӣ шуда, вазифаҳо ва супоришҳои кишвари Эронро анҷом медодаанд.

Даст ба террор зада, тавре ки худи қотилон ба ин эътироф карданд, чӣ қадар нобиғаҳои ин миллат аз қабили Муҳаммад Осимӣ, Муҳиддин Олимпур ва даҳҳо тани дигарро аз байн бурдаанд.

Бархе дигарашон ҳамчун Муҳиддин Кабирӣ ва баъзе афроди сатҳи пасти динӣ дошта хизматҳои хирсона анҷом додаанд. Чунки худро ҳомии манфиатҳои миллату кишвар вонамуд мекунанд, ҷавонони содалавҳро ба сӯи худ мекашанд, тариқи телевизионҳои хориҷии ғаразнок ва сомонаҳои интернетии зархарид баромад намуда, худро сарсупурдагони роҳи ҳақ ва мазлум нишон медиҳанд, сиёсати пешгирифтаи давлатро мавриди интиқод қарор медиҳанд.

Ин ҷо суоле пеш меояд, ки Эрон дар ноором кардан ва ба хоку хун кашида шудани чанд кишвари ҷангзада ба мисли Афғонистону Ироқ, Сурия ва Яман даст дорад, аз ин чӣ фоидае дидааст, ки боз мехоҳад тавассути чанд нафар иғвогарони ҳамзабони худ кишвари ободи Тоҷикистонро ноором кунад.

Мо яқинан медонем, ки агар Эрон андаке суд ва манфиат бинад, дар ноором кардани ҳар минтақае нақш мебозад ва сипас корро ба дасти душманони ислому муслимин вогузор хоҳад кард".

Кишвари Эрон, ба хусус сарони ин кишвар дар баробари муносибати беғаразонаи мо бояд андешаи некбинона дошта бошанд. Робитаи дӯстӣ бо ҳар кишвар новобаста аз эътиқоду фарҳангашон бояд дар сатҳи олии инсондӯстӣ ва хайрхоҳӣ нисбат ба якдигар бошад. Чунки инсон дорои ақлу хирад ва ҳушу идрок аст, бояд аз ақлу хиради хеш кор гирад, на ин ки роҳи бадхоҳӣ ва адовату душманӣ паймояд.

Ин дар ҳолест, ки чанде пеш мардуми Душанбе дар назди сафорати Эрон тазоҳурот карданд. Вале ҷониби Эрон ба ин гирдиҳамоӣ вокунише нишон надод.

269
Барчаспҳо:
Шӯрои уламои Тоҷикистон, Эрон, Тоҷикистон
Ссора, архивное фото

Давоми шаш моҳ дар Тоҷикистон 5486 оила вайрон шудааст

42
(Таҷдидшуда 10:29 13.07.2020)
Вазорати адлияи Тоҷикистон мегӯяд, омори вайроншавии оилаҳо дар шашмоҳаи соли равон нисбат ба ҳамин давраи соли гузашта коҳиш ёфтааст.

ДУШАНБЕ, 13 июл – Sputnik. Саодатбибӣ Сироҷзода, сардори Раёсати сабти асноди ҳолати шаҳрвандӣ Вазорати адлия гфт тайи шаш моҳи соли равон дар кишвар 5486 оила аз ҳам пошидааст.

Номбурда ин нуктаро имрӯз зимн нишасти хабарии вазорат иттилоъ дода гуфт, ин нишондиҳанда нисбат ба ҳамин давраи соли гузашта 570 адад кам мебошад.

Ба иттилои манбаъ аз ин теъдод 3 974 оила бо қарори додгоҳҳои шаҳру навоҳӣ  ва бо аризаи якяҷоя 1490 оила аз ҳам чудо шудаанд.

Манбаъ мегӯяд,  дар пайи ин азҳампошии оилаҳо 5356 кӯдакон ба тарбияи яке аз волидон гузаштанд

Гуфта мешавад, камшавии оилавайроншавӣ танҳо тайи се моҳи охир ба назар мерасад.

Ёдовар мешавем,  бар асоси оморҳои расмӣ давоми як соли гузашта  12 ҳазору 482 оила аз ҳам пошидааст. Ин рақам дар қиёс ба ду соли гузашта 1 ҳазору 469 ҳолат зиёд будааст.

 

42
Хаким Фузайлов. Архивное фото

Ҳаким Фузайлов сармураббии нави "Хуҷанд" таъйин шуд

53
(Таҷдидшуда 10:31 13.07.2020)
Ҳаким Фузайлов, собиқ футбобози машҳур ва мураббии шинохтаи кишвар, сармураббии тими “Хуҷанд”-и Хуҷанд таъйин гардид

ДУШАНБЕ, 13 июл – Sputnik. Тибқи иттилои дафтари матбуотии бошгоҳ, Ҳаким Фузайлов, собиқ сармураббии тими миллии Тоҷикистон  то охири мавсим “Хуҷанд”-ро тамрин хоҳад дод.

Ба иттилои манбаъ, Никол Лазаревич, ки дар аввали сол сармураббии даста таъйин шуда буд, бинобар бастани сарҳадҳои байни кишварҳо бар асари пандемияи ҷаҳонии коронавирус, ба даста кӯмак карда наметавонад.

Манбаъ мегӯяд, Ҳоло Лазаревич дар зодгоҳаш Сербия қарор дорад.

“Мо маҷбур шудем, ки бо сабаби вазъияти ҷаҳонӣ ва алахусус дар тим баамаломада, сари мизи гуфтушунид нишинем. Дар натиҷаи гуфтушунидҳои пурсамар бо ҳайати мураббиёни кунунӣ ва роҳбарияти клуб, ҷонибҳо ба хулосае омаданд, ки даста сармураббии ниёз дорад. Мутаассифона, Никола Лазаревич дар Сербистон аст ва имкони ҳамроҳ шудан ба дастаро бо сабабҳои, ба ҳама маълум, надорад. Мо бо Ҳаким Каюмович ба мувофиқа расидем, ки ӯ дастаро ба мусобиқаҳои дар пешистодаи ватанӣ ва байналмилалӣ омода мекунад ва мӯҳлати шартнома то охири сол эътибор дорад”-гуфт Муроҷон Умаров, директори иҷроияи Хуҷанд.

Фаъолияти мураббигии Фузайлов охири солҳои 90-ум аз роҳбарии бошгоҳи “Бухоро” ва “Динамо”-и Самарқанд оғоз кардааст. Аз соли 2005 то декабри соли 2011 дар “Ростов” ва “Локомотив”-и Маскав мураббии селексионер буд.

Моҳи январи соли 2012 вай ноиби президенти “Локомотив”  Тошканд оид ба масъалаҳои тарбияи бозигарон таъйин карда шуд. Моҳи майи он сол ба ҳайати мураббиён дохил шуд ва баъдан сармураббии даста шуд.

Ӯ ҳамчунин тими миллииТоҷикистон, дасҳои “Истиқлол”, “Куктош” –ро тамрин дода ахиран  аввали моҳи июл ӯ вазифаи сармураббии бошгоҳт “Каганат”-и Қирғизистонро тарк кард.

53