Озода Раҳмон, акс аз бойгонӣ

Шикояти волидон ба Озода Раҳмон: ба кӯдаконамон таътилро бар гардонед

1418
(Таҷдидшуда 17:29 29.05.2018)
Волидони тоҷик дархост кардаанд, ки ба донишомӯзон таътили тирамоҳӣ ва баҳорӣ бар гардонида шавад. Дар ин бора онҳо ба раиси дастгоҳи иҷроияи раисҷумҳури Тоҷикистон Озода Раҳмон мактуб навиштаанд

ДУШАНБЕ, 29 мая — Sputnik. Модарони донишомӯзони тоҷик  ба номи раиси дастгоҳи иҷроияи раисҷумҳури Тоҷикистон Озода Раҳмон мактуби шикоятие навишта, дархост кардаанд, ки ба кӯдакони макотибҳои кишвар таътили тирамоҳӣ ва баҳорӣ бар гардонида шавад. Ин мактуби модарони тоҷик дар гурӯҳи фейсбукии Tajik Mama Group мунташир шудааст.

Санади мазкурро 28 май ба дастгоҳи раисҷумҳур дастрас карданд. Ҳамагӣ шикоятномаро 600 нафар имзо кардаанд.

Баҳс дар бораи зарурати баргардонидани таътил  даршабакаҳои иҷтимоӣ  авохири моҳи майи соли равон сар зад. Корбарони гурӯҳ навиштаанд, ки ба муҳассилини тоҷик таҳсил мушкил гардидааст, зеро аллакай ҳашт сол мешавад, ки дар макотиби Тоҷикистон соли хониш дар аввали моҳи июн ба анҷом мерасад, аммо онҳо дар тирамоҳ ва баҳор таътил надоранд. Дар зимистон бошад, як моҳи дароз дар хона мемонанд.

Ба гуфтаи онҳо, маҷбуран ба таҳсил ҷалб кардани кӯдакон дар давоми ним соли бидуни таътил дуруст нест.

"Аз бинии писарам хун меояд", "Кӯдакон монда шудаанд, дигар намехоҳанд мактаб раванд", "Ба дод омадаем, аммо коре карда наметавонем",-  навиштанд волидон дар шарҳи мавзӯъ.

Таътили тирамоҳӣ ва баҳорона аз соли хониши 2010-2011 сар карда бардошта шуд. Аммо аз ин ҳособ таътили зимистона дарозтр шуда, як моҳро ташкил дод.

Ба гуфтаи Вазорати маориф ва илми Тоҷикистон ин иқдоми ниҳод барои беҳтар кардани сифати таълим равона шудааст: муаллимон ба курсҳои тахассусӣ мераванд, толибилмон ба олимпиада тайёрӣ мебинанд…

Чунин шикоятномаҳо чанд бор ба нами вазири маорифи Тоҷикистон Нуриддин Саид низ ирсол шуда буд, аммо ин қарори қаулкардаи ниҳод бекор нагардид.

1418
Барчаспҳо:
шикоят, волидон, Озода Раҳмон, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

178
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

178
Тонущий человек, архивное фото

Корманди БДА дар Суғд донишҷӯдухтарро аз худкушӣ наҷот дод

295
Раҳматзода Даврон, муовини сардори Бозрасии давлатии автомобилии Суғд ҳамин чанд лаҳза пеш бо иҷрои як амали фаврии худ, аз худкушии як донишҷӯдухтар дар Сирдарёи Хуҷанд пешгирӣ кард

ДУШАНБЕ, 29 сен – Sputnik. Чанд нафар аз шоҳидони ҳодиса ба Sputnik Тоҷикистон гуфтанд, ки ҳудуди як соат пеш як донишҷӯдухтари тақрибан 18 - сола ба қасди худкушӣ худро аз болои пул ба дарё сарозер намудааст.

Раҳматзода, ки ин ҳангом барои иҷрои вазифаҳои хидматӣ аз болои купрук мегузашт, манзари ғарқшавиро дида, фавран бо қаиқ ба маҳалли ҳодиса шитофта, донишҷӯдухтарро, ки дар ҳоли фурӯрафтан ба коми дарё буд, ҳамроҳ бо кормандони ситоди ҳолатҳои фавқулода аз об зинда берун кашидаанд.

Фахриддини Аваззод, корманди БДА Суғд дар суҳбат ба Sputnik Тоҷикистон гуфт, ба маҳзи кӯшиши ҳамкораш Раҳматзода ва кормандони КҲФ дар Суғд, он духтарча аз вартаи худкушӣ раҳо шудааст.

"Агар Раҳматзода ва кормандони КҲФ фавран ба қаҳри дарё намерасиданд, шояд ин донишҷӯдухтар ба ҳалокат мерасид. Худоро шукр, ки зинда монд ва аз ғарқшавӣ наҷот дода шуд”, - иброз намуд, Аваззод.

Ба иттилои манбаъ, зимнан донишҷӯдухтарро ба Бемористони шаҳрии № 1 Хуҷанд интиқол додаанд ва баъди пурра ба худ омадан аз вай сабаби даст ба чунин амал заданашро пурсон мекунанд. Дафъаҳои охир хабарҳо дар бораи даст ба худкушӣ задани шаҳрвандон дар руду обанборҳо зиёд ба нашр мерасад.

"Кӯмак кунед, кӯмак кунед": як ҷавони тоҷик дар Русия ғарқ шудааст

Субҳи имрӯз, дафтари матбуоти КҲФ Тоҷикистон аз дарёфти ду ҷасад аз дарёи Вахш хабар дод. Бар пояи эълони КҲФ зани 31 - солаи сокини ноҳияи Ёвон рӯзи 27 сентябр ҳамроҳ бо духтарчаи 9 - солааш дар дарёи Вахш ғарқ шуд.

295
Барчаспҳо:
донишҷӯдухтар, ғарқ, Суғд